Unicode
မနက်ခင်းနေရောင်ခြည်လေးကပြတင်းပေါက်မှတဆင့် ပျိူးမျက်နှာပေါ်ကျရောက်လို့လာသည်။ပြတင်းပေါက်မေမေဝင်ဖွင့်ပေးသွားတာထင်တယ်။မိုးလင်းမှန်းသိအောင် မနက်တိုင်းပျိူးအခန်းထဲဝင်ပြီး ပြတင်းပေါက်ဖွင့်ဖွင့်ပေးတတ်တာပျိူးမေမေရဲ့အကျင့်ပင်။အပျင်းကြောဆန့်ကာ အိမ်ရာထရင်း ဘာရယ်မဟုတ်မျက်နှာချင်းဆိုင် အပေါ်ထပ်ကအခန်းကိုလှည့်ကြည့်မိလိုက်သည်။ဘာမှလည်းမတွေ့ရဘူး *ဪ ငါ့နှယ် ဘာတွေ့ချင်သေးလို့လဲ?*။အတွေးစဖျက်ကာမျက်နှာသစ်၊သွားတိုက်၊ရေးချိူပြင်ဆင်ပြီး မနက်စာစားရန်အခန်းအပြင်ထွက်လာခဲ့လိုက်သည်။
"ဟော သားနိုးပြီးလား"
ဒန်အိုးထဲမှအရည်တစ်ချိူ့ကိုဇွန်းနဲ့ယူကာမြည်းနေတာကြောင့်....
"ဟုတ် ၊ ဘာတွေလဲ"
"မုန့်ဟင်းခါးတွေလေ "
မုန့်ဟင်းခါးကြိုက်လွန်းတဲ့ပျိူးမေမေ့အနားထိတိုးကာ မုန့်ဟင်းခါးအိုးထဲကြည့်မိတော့ပုစွန်ခြောက်နန်းချင်းတွေ(ပုစွန်ခြောက်အများကြီးတွေကိုပြောတာပါ)၊ကြက်သွန်ဥလေးတွေနဲ့အတူအငွေ့တထောင်းထောင်းထနေသောမုန့်ဟင်းခါးအရည်ကိုမြင်တွေ့ရသည်။အနံလေးကလည်းမွှေးနေတာပဲ။ထို့အပြင်စားပွဲခုံပေါ်မှာလည်းငရုတ်သီးကြော်လေးရယ်၊နံနံပင်လေးနဲ့ဂေါ်ဖီလေးကိုပါးပါးလေးတွေလှီးပြီးပန်းကန်လေးထဲမှာသေချာထည့်ထားသေးသည်။ စားလိုက်ရင်တော့ရှယ်ပဲ!!!
"အဟိ အပီဆွဲပြီပဲ"
"အပီကနောက်မှဆွဲ ၊ ဒီချိူင့်ကိုဟိုဘက်အိမ်သွားပို့ချေဦး ၊ ဟိုဘက်အိမ်မှာဧည့်သည်ရောက်နေတာ မေမေ့ကိုဘာလို့မပြောတာလဲ သားသား"
"ဟွန့် သားမပြောလည်းမေမေသိမှာပဲဟာကို"
"ဟုတ်ပါပြီရှင် ၊ ရော့ ဒီချိုင့်လေးအရင်သွားပို့ပေးပါဦး"
"သနပ်ခါးတောင်မလိမ်းရသေးဘူး"
"ပြန်လာမှလိမ်း ၊ ပြန်လာမှစား ၊ ခုအရင်သွားပို့ချေ"
~~~~~~~~
ပျိူးဝင်သွားတော့ ဖွားဖွားတို့ကမနက်စာတောင်စားနေကြပြီ။
YOU ARE READING
မောင့်နှလုံးသားရဲ့ ဥယျာဉ်မှူးငယ်
Romanceအဏ္ဏဝါလှိုင်း_ဥယျာဉ်ပျိူး ⌠ ᴜɴɪᴄᴏᴅᴇ - ᴢᴀᴡɢʏɪ ⌡ sᴛᴀʀᴛ ᴅᴀᴛᴇ >>> ⌠ 24 .11.2021 ⌡
