مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بيدچ چم علگ شديت خاطر لا يحسدونچ
_____________________
علي
استمريت وي أركان بالشغل وين شغلي قبل وين هسه قبل چنت ماحس برجلي ومفاصلي كلها مكسرة لأن احمل البضائع من مكان لمكان ودرج ثلاث طوابق هسه احسن بألف مره اشتغل بالحاسبة واحاسب أركان شهريا عالمبيعات مرتاح الحمد لله وراتب زين اما بالنسبة لحياتي بعد الزواج الفرق بس انو زادت مسؤوليتي والشي إلي چان لشخص واحد صار لاثنين الا الباقي كلشي حلو وي فاطمة بديت أكون نفسي بوجودها هيه الجزء الي مايتجزء من حياتي وجودها نور وغيابها ضلام .
واني راجع للبيت صفيت السيارة على صفحة ونزلت للأسواق اشتريت الها حلويات ورحت لمحل يبيع كنافة وزنود الست جبت من كل نوع نص كيلو. وراها فريت السيارة ورجعت لفرعنه طبعا گرايبنه واحنه كلنا بدربونة وحدة وبيت على بيت هوا شي زين وموزين لأن ماكو خصوصية الطلعة والطبه توصل أسرع من الصدى الهم والزين احنه الولد من نطلع مأمنين بيتنا يمهم كلشي يصير همه موجودين.
طبيت تقريبا بـ٣ ونصف الضهر حطيت الحلويات الجبتهم عالكاونتر علمود من يكعدون ياكلون وصعدت فوك لگيت الضوه طافي والسبلت مشتغل دخلت نزعت ملابس الشغل وطبيت للحمام اسبح من طلعت لكيتها كاعدة ومحضرة ملابس إليه گلتلها
" ها حبيبتي ارجععي نامي اني اطلعهم"
فاطمة:" يمته وصلت اصبلك غدة؟"
" هستوني اجيت وجبتلج الي وصيتية بس مالگيت اندومي دجاج"
كامت طلعت واني كملت تبديل نشفت شعري لأن ينكط ماي اريد بس ألزم المخدة وانام من النعاس.
