شخابيط مختمرةة 🤍🕊

الصلاه 🤍🕊

"الصلاة...😌💙"!
_تعالي شوفي نفسك مين فيهم..؟؟!
_هبدأ بالگلام عنها لأنها عماد الدين وأهم رگن ف أرگان الإسلام بعد الشهادتين..الناس ف الصلاة بينقسموا لنوعين ، على حسب تصنيفي ..تعالي شوفي إنتي مين فيهم..💙🏃‍♀️
_النوع الأول؛ ده بقا مبيصليش خالص..گافر يعني🙂، اها گافر ،لان العلماء أجمعوا على إنك تارك الصلاة گافر، لان الفرق بيننا وبين أهل الكفر.. الصلاة، فمن ترگها گفر...يعني انتي تبقي مسلمة ومبتصليش كده تبقى گافرة مش مسلمة عشان تكوني عارفه بس، لو مكنتيش بتصلي ف انتي كده كافرة، أوعي تقولي على نفسك انك مسلمة وانتي مش بتصلي..تؤتؤ، انتي كافرة، وأگيد انتي عارفه عقاب الگافرين إيه..(جنهم وبئس المصير)..🙂💔، ترضي بقا انك تبقي كافرة؟؟ هتبقي مسلمة بالاسم بس، لكن انتي كافرة وخليكي فاكرة كده كويس..وأي حاجة تانية بتعمليها من الطاعات غير الصلاة مش هتنفعك طالما تاركه الصلاة..عارفه ليه!! لإن الصلاة عماد الدين ،يعني زي العمود بتاع البيت كده، ينفع تبني بيت من غير عمود!! ف انتي كده طالما مش بتصلي يبقى كل الطاعات اللي بتعمليها هتتهدم..زي اللي عايز يبني بيت من غير عمود ، مستحيل يقدر..وكذلك اللي مش بيصلي وعايز يعمل طاعات تانية، مستحيل يقدر يعمل الطاعات دي وهو مش بيصلي، ولو عمل اي طاعة ملهاش أجر.."الصلاة عماد الدين فمن هدمها هدم الدين"..وافتكري إن أول ما يُحاسب عليه العبد ف القبر هو الصلاة ، فإن صلُحت،صلُح باقي عمله، وإن فسدت، فسد باقي عمله"..مستعدة لعذاب القبر وعذاب النار!؟ طيب مستعدة للقاء ربنا وانتي مش بتصلي ؟؟! طيب لما ربنا يسألك مكنتيش بتصلي ليه هتردي تقولي ايه؟! لو هتقدري تردي على ربنا وقتها يبقى متصليش..لو مش فارق معاكي غضب ربنا وعذاب القبر وعذاب جهنم يبقى متصليش..زي ما الدكتور محمد الغليظ قال؛ لو قادر على غضب ربنا إعصيه..وانتي لو هتقدري على العذاب الشديد ده متصليش..بس متجيش يوم القيامة تقولي ؛(رب ارجعون لي أعمل صالحا فيما تركت)..خلاص مش هيبقى فيه فرص تاني..تاني ده كان ف الدنيا وخلص..لسه قدامك وقت،قومي ابدأي مع ربنا من جديد وصلي،لانك اكيد مش هتقدري على العذاب الشديد ده..ارجعي لملتك واخرجي من ملة الگفر، خليكي مسلمة بالاسم والفعل، مش بالاسم بس..وافتكري دايما عقاب ربنا الشديد اللي انتي مش هتقدري عليه، يبقى تصلي بقا عشان تحمي نفسك من العذاب ده وعشان متبقيش كافرة يا جميلة..يلا يا ست البنات قومي صلي ركعتين توبة لله وعاهديه انك هترجعيله وهتصلي وهتحافظي على الصلاة وكل ما تنتكسي ارجعيله تاني وهيقبلك...وافتكري إن التائب من الذنب كمن لا ذنب له، يلا ربنا مستني لقاءك وهيفرح برجوعك وتوبتك..لو بتحبي ربنا فرحيه،اجري يلا مستنيه ايه!!😌💙🏃‍♀️🏃‍♀️🏃‍♀️
_النوع التاني؛ تعالولي بقا يا حلويات انتوا..انتوا عارفين إن عقابكم أشد من عقاب تارك الصلاة!!🙂..عارفين ولا مش عارفين؟! عارفين إن شاء الله..بتأخروا الصلاة ليه هااا..ليه؟؟! يعني ربنا ينادي عليكم ومتردوش عليه؟ هو انتوا تطولوا أصلا إن ربنا بعظمته وقدره ينادي عليكم خمس مرات كل يوم وانتوا متردوش!! مشغولين بإيه بيخليكم تأخروا الصلاة هاا؟! في حاجة اهم من نداء ربنا ليكم!! وقت الصلاة تسيبوا گل حاجة من إيديگم وتجروا عشان تقابلوا ربنا ،الاذان ما هو إلا نداء ربنا ليكي..يبقي لما تسمعي الآذان تجري وتسيبي كل حاجة من إيدگ ومتأخريش الصلاة دقيقة واحدة..لما والدك او والدتك بينادوا عليكي بتردي عليهم ف نفس الوقت وبتشوفيهم عايزين ايه..ولما ربنا ينادي عليكي مترديش!! مين اهم..اهلك ولا ربنا؟؟!..شوفي مين اهم ،ولا كان ربنا مش مهم عندك..أخري الصلاة عادي🙂..بس افتكري ربنا قال عنك ايه..؛(ويلٌ للمصلين الذين هم عن صلاتهم ساهون)..والويل ده قعر ف جهنم..💔، يعني انتي تبقي بتصلي ويوم القيامة هتلاقي نفسك ف القعر ده..عشان تأخري الصلاة براحتك بقا، متأخريش الصلاة تاني عشان انتي وربي مش هتقدري تستحملي العذاب الشديد ده ف جهنم..يا بنتي انتي بتستني كوباية الشاي تبرد عشان تشربيها..هتقدري على عذاب جهنم!! حطي إيدك على النار لحظة واحدة بس كده..ولو استحملي لسعة النار بس، ابقي أخري الصلاة ، بس طبعا عذاب جهنم أشد وأبقى..وانتي مش عايزة تدخلي النار اگيد، يبقى متأخريش الصلاة تاني يا جميلة..اتفقنا؟! اتفقنا إن شاء الله..💙"
_كلام مُختصر جدا عن الصلاة..وياريت گل واحدة تراجع نفسها گويس جدا وشوفي نفسك تبع أي نوع، لازم تصلي وتحافظي على الصلوات ف وقتها..ربنا اهم من اي حاجة ،وكل ما تسمعي الأذان افتكري إن ربنا بينادي، روحي ردي عليه من غير تأخير عشان ميزعلش منك ويغضب عليكي..🙂✋🏻"
"الجنة جميلة جدا ولازم نتغير عشان ،،هنتغير عشان الجنة تستاهل..😌😹"
"موعدنا الجنة باذن الله.."💙🙊!

#سنة_أولي_إلتزام