Be Friend And More...(Complete )

Be Friends And More : 15

Unicode

         ဘာလိုလိုနဲ့နောက်ဆုံးစာမေးပွဲကိုရောက်လာခဲ့လေပြီ ဒီကြားထဲ taehyung Jimin နဲ့သိပ်မတွေ့ဖြစ်ပေ...မတွေ့ဖြစ်ဆို သူကိုယ်တိုင်ကစာနဲ့ပဲနပန်းလုံးနေရသလို Jimin က ကျောင်းတက်မှ အတန်းထဲရောက်သလို ကျောင်းဆင်းရင်လည်း ဘယ်ရောက်လို့ဘယ်ပေါက်သွားမှန်းပင်မသိရပေ...ဒါကထူးဆန်းနေပေမဲ့ taehyung အများကြီးမတွေးတောနိုင် တက္ကသိုလ်အမှတ်ကောင်းကောင်းရဖို့ သူကိုယ်တိုင်ကြိုးစားရမည်မို့ သူ့မှာစာမေးပွဲမဖြေခင်ထိအောင့်အီးနေရသည်မှာအမှန်....

"မင်းရုပ်က ဘယ်လိုဖြစ်လို့ ချီးမှန်ထားတဲ့ရုပ်ဖြစ်နေရတာလဲ"

      Shake ဘူးကိုပိုက်နဲ့စုတ်သောက်ရင်း သူ့ကိုမေးလာတဲ့ jungguk ကြောင့်သူမျက်နှာကိုမဲ့ပစ်လိုက်တယ်.... jungguk က Jimin ပျောက်နေတာကို ဘာလို့ မထူးမဆန်းပဲနေနိုင်ရတာလဲ...

"ငါဖိအားနည်းနည်းများနေလို့ ငါသွားပြီ"

      အားမရှိစွာ ခြံထဲဝင်သွားတဲ့ taehyung နောက်ကျောကို jungguk အဓိပ္ပါယ်ဖော်မရတဲ့မျက်ဝန်းတွေနဲ့ရပ်ကြည့်မိတယ်....

.
.
.
.
.
.
.
.
.
.
.
.
.

"နောက်ဆုံးတော့ စာမေးပွဲကြီးကပြီးသွားခဲ့ပြီ!!"

      အတန်းထဲဆူညံစွာ ကျောင်းသားကျောင်းသူအားလုံးက အခုမှ လွှတ်လပ်သွားကြတဲ့လူသားလေးတွေလိုဖြစ်သွားကြသည်...စာမေးပွဲပြီးတာနဲ့ခုံတွေပြန်စီကာ ကိုယ်နေရာကိုယ်ပြန်ထိုင်ကြတယ်... taehyung Jimin ခုံတန်းကိုအကြည့်ပို့လိုက်တော့ Jimin ကရှိနေဆဲပဲမို့ သူစာရွက်လိပ်လေးလုပ်ကာပစ်ပေါက်လိုက်လျှင် Jimin ကသူ့အားအာရုံပေးလာသည်... Taehyung စာရွက်လေးကိုလက်ညိုးထိုးပြီးဖက်ခိုင်းတဲ့အမူအရာပြုလုပ်လိုက်တယ်...

"ငါတို့ ကျောင်းခရီးစဉ်ကို အတူသွားကြမယ် မဟုတ်လား"

     စာရွက်လေးထဲ ရေးထားတဲ့စာသားကြောင့် Jimin ကတစ်ခုခုကိုတွေဝေသွားတယ်...တစိုက်မတ်မတ်နဲ့စာပြန်ရေးပေးနေတဲ့ Jimin ကြောင့် taehyung ရင်ခုန်လာရတယ်...ဘာကြောင့်လဲလို့မေးရင် သူလည်းမသိဘူး...အဲ့တာကအရေးကြီးတဲ့အရာလိုမျိုး Jimin ရေးနေတာကြောင့်လည်းပါတယ်...