مغامرات منزل

اسكريبت لطيف♥️

فاطمه : هو انا كل شويه ازعق واقول محدش يبهدل الشقه عشان حماتي جايه هو انتو مبتسمعوش الكلام ليه
نادين بصوت طفولي : ي ماما فارس هو اللي قالي يلا نلعب
فاطمه : فارس تعالي شيل العابك دي انت ونادين
احمد : متسيبيهم يلعبو براحتهم
فاطمه : اسكت انت كده عشان محدش مدلعهم الدلع اللي هما فين ده غيرك
احمد : انتي بتقولي لمين اسكت
فاطمه بقلق : بقول ل فارس
احمد : اممم فارس برضو
فاطمه : وابو فارس برضو
احمد : طب تعالي عشان انتي وحشاني وعايز اقعد معاكي شويه
فاطمه : حااضر يروحي هروق الريسيبشن مكان عيال حضرتك واجيلك
احمد : وانا مالي هما عيالي لواحدي
فاطمه : لا مش لواحدي ، بس لما اقولهم شيلة العابكو متجيش تقولي سبيهم براحتهم
احمد : حااضر ي بطوط
فاطمه : روح بطوط انت
احمد:- طب يلا روقي بسرعه وتعالي عشان عايز اخد رايك ف حاجه
فاطمه:- حااضر بس انزل هات شويه حاجات عشان م هنزل انا
احمد : عايزه اجيب اي
فاطمه : عايزه جبن ولانشون وفينو و فراوله طماطم و بطاطس وبتنجان
احمد : عايزه حاجه كمان
فاطمه : لا تسلم
احمد : انا نازل
فارس : بابا.....بابا خدني معااك
احمد : البس الشووذ وتعالي
نادين : وانا ي بابا
احمد : خليكي انتي مع ماما
نادين : بس انا عايزه اجي معاك
فاطمه : خلاص ي بابا خدها معااك
احمد : ماشي ي حبيبتي عايزه حاجه تاني من تحت
فاطمه :  لا يروحي سلمتك
احمد : تعالي اقولك حاجه
فاطمه : نعم
احمد : قربي أما اقولك ف ودنك
فاطمه : قوول يروحي
احمد : بحبك
فاطمه : هي دي اللي كنت عايز تقولهالي لما قولتلي اروق عشان عايزني
احمد : ااه ي حبيبتي
فاطمه : ونا بمووت فيك

_ع السلم_

فاطمه : بقولك
احمد : نعم
فاطمه : هات مصاصات معاك وانت جاي
احمد : عايزاها بالفراوله صح
فاطمه : ااه يروحي
احمد : من عيوني
فاطمه : تسلملي عيونك ي حياتي

#اسكريبت كده ع الماشي رايك وانت معدي ي برنس♥️
لـ فاطمه وليد