لم يكن ذنبي

البارت التاسع والعشرون

البارت التاسع والعشرون

لم يكن ذنبي

للكاتبة حوراء الموسوي

مساءكم عافية 🌷

عز روحك تره
يذلوك باسم الحب

گلبك مو مضيف شيوخ
بالمجبل هلا تعزب

ماتنطي ظهرها الخيل
اذامو خيالها مرتب ....

يگلبي اترك عتابك ماكو داعي
وبعد بسك تحبهم ماكو داعي
انكشف كلشي وتبين ماكو داعي
يمثلون محبتك مسرحيه💔
________________
#منآ_وآنتهت_مآ_نرجع_انحِب
العتب يمصخ اذآ كلسآع نعتب... 💔

حنين : بعدني داحجي ويه الولد وأريد اسأله عن تليفون كرم
وجان تطلع زوجته من باب الغرفة
وشافتني وهاي الا الله كتبها عليه اجت تمشي سريع باتجاهي مااحس اله سحبتني من ايدي وعاطت  بأعلى صوتها الكل التفت علينه

شهد : حتى هنا لحكتينه الله ينتقم منج يا ساقطة يا هجامة البيوت هدمتي حياتنه الله لا ينطيج عساها بحظج وبختج الله يلوع كلبج مثل ما لوعتي كلبي وهجولتينه اني وجهالي شتردين جايه جوزي من عنده عوفي رجلي نام على فراش الموت بسببج الله اكبر على راسج

تعيط بأعلى صوتها وتجرجر بيه الضباط والدكاترة والناس كلها تتفرج علينه ماانسى هذا اليوم لو يبقى اخر يوم بحياتي...

دنكت نزعت شحاطتها تريد تنزعها تكتلني بيها
عمر فاتح حلكه مصدوم من منظرها

وجان يكول

عمر : ام يوسف عيب الدتسوي وكرم لو يدري صدكيني رد فعله يكون قوي اتركي البنيه تروح ومن يكوم كرم بسلامة تفاهمي ويا بيتكم مو هنا

شهد : لا ما عوفها هاي فرصتي اليوم اطلع نار كلبي بيها الساقطه من خطبها معرفت ترفض وكالت عنده مره وعائلة ليش اهجم بيته بس هي عيارة تريد تبخره الها طمعت بفلوسه بت الفكر

ركعتني بلشحاطه على وجهي كبل خشم جره دم ركض عمر بعدها عني
تدخلو الدكاترة وصارت هوسه انتي اختل توازني ت
نتجيت ع الحايط وغمضت عيوني صارت هوسه واحس خشمي يمه بروده ويمسحون بلدم

اخذتلي ربع ساعة مغمى عليه وراها صحصحت فتحت عيوني
شفت عمر ودكتورة وناس هوايه ملتمه تتفرج اني بلكاع ممدده بسرعه فزيت عدلت نفسي ورتبت شالي الواكع ع ركبتي

لكيته گطنه بخشمي استجمعت قواي

نصيت مستحيه من الموقف كلها تتفرج عليه حجيت بكلبي ها يحنين صرتي فرجه مره ثانيه انوب زلم هلمره

اباوع لعيون الضباط تريد تلتهمني واحد كبالي يلعب بشواربه

كمت سريع تجيت ع الحايط اريد اوصل لدرج حتى انزل لو ادري هيج يصير بيه جان مصعدت صرت فرجه لليسوه والميسوه