البارت الثلاثون
لم يكن ذنبي
للكاتبة حوراء الموسوي
مساءكم معطر بعطر الرحمن 🌹
#صرت حافي #الجدم وسحگ على #العاگول
بس الاه #اصيح ورايحه #جدامي
#وناس الچنت #اطشلهه الطريق #اورود
صفوا #شمات الي وباگوا #أحلامي
_______________________
#وشكد_دعينه....🤲
وضلت #حچاياتنه مچلبه #بدينه
#وما درينه...
ضحكة #الفاگد حلم بس مو #بعينه
َ#وها يروحي شحصليتي.. 💔
كتلج بنادم مصالح لا قنعتي ولا رضيتي....
حنين : يوم عصيب ليلة مرعبه تحبس الأنفاس عشنه اهانه وذل وهذا الماله احد ينداس برجلين مشغلين لايتات على وجوهنه عيوني احتركت من قوة الضوء المشغلي بوجهي فرح صرخت من الخوف متحملت ركلها واحد منهم برجله ع جهه كلبها
بكل قوته حسبي الله ونعم الوكيل احنا فقره ونهدد بحسبي الله ونعم الوكيل ماعدنه غير الله وصار سنوات الناس تدوس علينه ونسكت منو يحاميلنه منو يوكف ويانه؟ عم مشفناه بعد يستعار من عدنه وحتى ميكول بيت اخوي ابد نكرونه هو ومرته وولده وبناته اكثر من مره نصادفهم بلشارع يغلسون يسوون نفسهم ميشوفونه حتى العالم متعرف انو احنه نعودلهم وهم أقرباءنه اليسالهم علينه يجاوبو ناس من العشيرة!! اخخ لو جدي عبد الله عايش يرضى يمحون اسمنه ويخفون هويتنه؟؟ خوال ذوله لا تذكروهم حرامات ينعدون ع الخوال
اخ؟؟ راح وره مرته ونسابته وحتى حنيه بكلبه ماكو اتجاهنه لا ذمه ولا ضمير ولا انسانية والله العالم بحال زينه وشصار بيها لان أخبارها مفقوده ومن نتصل من جهاز ابويه ميجاوب ولا ينطي خبر عنها...
حجه واحد منهم جان يكول
:: منو منكم زينة وحنين؟
قبل لا اجاوب امي من خوفها نطت قبلي
سهاد : زينة مموجوده يم اخوها بغير محافظة صارلها فتره وحنين بيت جدها
واحد التفت ع اللخ الظاهر من دازينهم اهل مهند ممعرفيهم بشكلنه جايين عشوائي
اتوجهو ثنين منهم ع امي حجو وياها بصوت خشن يشبه الصراخ
:: خلي بالج اذا مطلعتيهن هسه وسلمتيهن النا العاقبة تكون وخيمه وكل وحده طلقه براسها وحالكم حال الجلاب
بناتج عليهن شكاوي وبشهود المنطقة زانيات واحنا ابو....... وابو....... مسؤولين على هذي المنطقة بأمر من القائد واي امراة زانية نجلدها ٨٠ جلدة وهذا واجبنا نامر بالمعروف وننهي عن المنكر
وحسب كلام الشهود بناتج يدخلون شباب لهنا ويسوون المنكرات سواء هنا أو بالخارج فسلميهن النا ياخذن عقوبتهن حالهن حال اي زانية ونرجعهن الج يااما جثث اذا متحملن الجلد او يمشن على رجليهن لو ناخذكم كلكم وهناك نخليكم تعترفون عن مكانهن بطريقتنه والخيار الج
أنت تقرأ
لم يكن ذنبي
Romanceاذنبت وتبت وأخشى من آثار الذنب في المستقبل هل من خلاص ام سأكون رهينة الحاضر؟ ندم وموت بطيء خنت نفسي ورميتها بين أحضان ذئب جائر... قصة عراقية حقيقية تروي حياة فتاة واخواتها عاشت في كنف عائلة متفككة ظروف اجبرتها على ارتكاب الذنوب وعائلتها كانت السب...
