سلامتج منتهى حبي الف سلامة يا غاليه
الله يسلمك ويحفظك النه
منتهى هاي بنتج خافي عليهة مني ترة اكلها والله
اكول يمة عود ليش هيج ترفه
ههههههه يسعدك ربي يمة وتكبر بعزك وجالك
هذا الطفل يمة ما ينشبع منه ان شاء الله الجاي ولد
اهوووو بعدج يمة على هاي السالفه
ولد بنيه نعمه من الله شخالقين احنه منو حاصل اله هيج نعمه
ميخالف يمة يبقه الولد اله معزة غير شكل
قطعه زغيرة من الجنه شلتها بيدي من طلعت امي شايلتهة ونطتهة الي
واني مستغرب كائن بشري شلون انوجد بهذي الحياة وبهذي الطريقه
معجزة الاهية الحمد لله والشكر لله
بعد ما بستهة وكبرت باذنهة وهية تتنعوص ضايجة مني لان لحيت واني ابوس بيهة ههههه
سألت امي
شسميتيها يمة
فاطمة مثل ما كلت
ومنتهى شلونهة يمة خوما تعبت
اكيد تتعب لعد هية الولادة سهلة وهية سباعيه الله سهل الة
هسة شويه ويطلعوها للغرفه امشي نروح نسبقهم
التمو عليه السسترات يردن بشاره السلامة
نطيتهن المقسوم واني اكول في داخل نفسي دفعة بلاء عن زوجتي وبنتي وسلامتهم
طلعت منتهى من صاله الولادة كلش تعبانه والصبح سمحو النه نطلع
وهسة بالبيت ترتاح وامي وخواتي يدارنها ونسوان اخوتي هم بهيج حالات يوكفن
اهلهة بعيدين وعلاقتنا بيت خالي الي يصير عمها لازالت مقطوعه
بالمناسبه
اختها المنتهى انخطبت
من جتي بعرس اختها شافوها بيت خالي الي ساكن ابغداد ويصير عمهن
شافوها كبرانه خطبوها وخالي سالم نطاها البيت اخو بسرعه ما تردد ابد
وبعدهي البنيه مماخذيها بيت اهلها يردون يكملون تجهيز اله ياخذوها بس حالياً لبسوهة حلقه وبس
احنة بيتنة كلة ما راضي على هذي الزواجة وخاصه خواتي
بس منكدر ندخل لان خالي سالم موافق وهوة يعرف بيت اخو شنو من ناس ومع ذلك اطاهم بنته
فد يوم كاعد وبحظني فطومه وابوس بيهة بدي اكلها
منى اختي صاحت بيه
ولك كافي خطيه الطفله مردتها مرد شنو ماشايف بوس
لا منين شايف بوس همزين فطومه عوضتني
اها اها المسكين ماشايف لعد وهاي الكاعدة يمك شنو شغلها
جاوبتها منتهى
شبيه تخبلت وخلي يبوسني اله ماعندي عقل
هااا ولج ليش متخلينه يبوسج
لزكة تعرفين شنو لزكة عبدالله لزكة
واني اضحك هههههههه صدك اني لزكة اخرب على شي اسمة بوس وهذي بت المشعول متقبل ابوسها هههه همزين الله عوضني بفطومه ابوسها
كبرت ونشنشت وصارت تناغي وشتريلها اجمل الملابس مال اطفال والالعاب اهلي كلهم يحبونها لانها ازغر طفل بالعائله وما توكع من الايد
من واحد الواحد يشيلونها
اشو ما سمعنا الا مرت جاسم حبله
هههههههه جاسم ما يكعد راحة شاف فطومه ومعزتها
سواله طفل رابع
همة زينة حياتنة
بس الي متعبني منتهى
منتهى بعد ماشافت النعمة صارت اطالب بالاكثر ومتعرف اذا عندي او ماعندي وخاصه هاي الفترة الاعمال شبه توقفت
الاعمال عموماً مو بس شغلنا
حتة جماعتي الحدادين كلولي اذا تريد روح شوف شغل غير هذا
لان بعد ميكدرون يدفعون اسبوعيات واني داشتغل يمهم ابلاش
وهمة ماراضين عليه هذا التعب وبلاش
وهمة اصدقائي وماكدرت اتركهم
كامت تشتري الشي واذا اجت للبيت وما قتنعت هذا هوة لازم تجيب غيرة
ميخالف خليها تلبس وتتمتع مدامني طيب
أنت تقرأ
الجنة ليست لها
Romanceالجنه تحت اقدام الامهات وضعها الله سبحانه جزاء للتي تستحقها فهل يا ترى ستكونين ممن يستحقونها فأن كان لكي فيها نصيب فنصيبي منكِ سيطردكِ منها قريباً بقلم قمر الزمان 💋💋
