البارت الخامس والعشرون
______________________
فى قصر عائلة الزناتى.
عند سيف وعشق.
كانت عشق تترجى والدها وزوجته والدها وايمن بقضاء اليوم معهم.
عشق برجاء: بالله عليكوا قضوا اليوم معانا ثم نظرت لسيف وقالت: قولهم ياسيف.
سيف: مفيش مانع ياعشقى خليكوا معانا انهارده وكده كده السواق موجود هيبقى يروحكوا.
كان يتحدث وهو يغمز لهم بحذر حتى لا تلاحظه عشق ففهم ايمن مقصده وقال: معلش بقى ياعشق ان شاء الله تكرر مره تانيه ثم وجه حديثه لوالدته: ولا ايه يماما.
زينب بسرعه: ايوه ياحبيبتى بنت واحدة قريبتى ولدت وهروح اباركلها ويوسف كمان هيجى معايا مش كده يايوسف.
يوسف: اه اه طبعا لازم نروح نبارك هتبقى عيبه فى حقنا.
عشق: خلاص بقى مفيش مشكله ثم اكملت بابتسامه: بس لازم تكرروها وتقضوا اليوم معانا.
يوسف: طبعا يابنتى ان شاء الله نستأذن احنا بقى.
سيف: هاجى معاكوا اوصلكوا.
يوسف: مش عايزين نتعبك يابنى.
سيف بابتسامه: تتعبنى ايه بس حضرتك زى والدى بالظبط اتفضلوا.
توجهوا جميعا خارج القصر واوصى سيف السائق ان يوصل عائله عشق الى منزلهم بسلام.
بينما ذهبت إلى الجناح سريعا تحت استغراب سيف فذهب هو الآخر ورائها.
°°°°°°°°°°°°°°°°°°°°°
فى جناح سيف وعشق.
كانت عشق تجلس على الفراش تبكى بشده فدخل سيف وفزع بشده عندما رآها بهذه الحاله فأسرع واخذها فى أحضانه يهديها ويحاول أن يعرف سبب بكائها.
سيف بحنان: مالك بس ياعشقى بتبكى ليه.
عشق ببكاء وهى تتحدث بتقطع: اانا فر فرحانه جدا يا سيف.
سيف باستغراب: فرحانه وبتبكى كده امال لو زعلانه بقى هتعملى ايه.
عشق: انا فرحانه ياسيف علشان إن ماما زينب بقت تحبنى وان هى وايمن اعتذروا علشان اسامحهم هما كمان بيحبونى ياسيف صح انت شوفت وبابا كمان مبقاش يقولى كلام يجرحنى زى الاول.
سيف بحب: انتى جميله اوى ياعشقى وقلبك طيب جدا وتتحبى من غير حاجه خلينا ننسى الى فات ونبدأ صفحه جديده.
عشق بابتسامه: انا مبسوطه علشان سامحتهم ياسيف ثم أكملت بخوف: بس هما مش هيرجعوا يكرهونى تانى صح.
سيف بابتسامه هو الاخر: لاء ياحبيبتى مفيش حد يقدر يكرهك ياعشقى علشان انتى مفيش زيك اتنين.
عشق بحب: ربنا يديمك ليا ياسيف وميحرمنيش منك ابدا.
سيف: ولا يحرمنى منك يا قلب سيف وبعدين امسحى دموعك علشان محضرلك مفاجأه.
عشق وهى تمسح دموعها بكف يدها كالأطفال : اهو مسحت دموعى ايه هى المفاجأه.
سيف بابتسامه: هسافر انا وانتى انهارده هنقضى شهر عسل ومش هيكون فى غير احنا بس.
أنت تقرأ
متيم ببرائتها
Roman d'amourهو رجل قاسى تعرض للخيانه من اول حب له فى حياته؛فعزم على نسيان هذا الحب وكرس حياته لعمله ولابيه واهته افذى لايهمه شئ اخر سواهم يكره النساء ويتمنى لو لم يقع فى العشق ابدا ولكن هل يستسلم لطلب والدته له بأمر الزواج ام سيقع قلبه بعشق احدهم ويجعله يغير ار...
