" عاشق لميمات "

عاشق الميمات - الجزء 25
----------------عاشق الميمات - الجزء 25------------------ خليناها فالجزء السابق ملي عييطات لينا عايدة كاملين نتغداو عندها حتى سلوى وراجلها تغدينا الحمد لله وطلعت لداري دخلت لبيت النعاس اللي باقي كانشم فيها ريحت رقية وبقيت مانخمم فهاد الخير اللي دارت فيا الصالون 4500 درهم اللي كايدخل فالشهر التريتور 5000 درهم اللي كايدخل فالشهر المقهى 6000 درهم اللي كادخل فالشهر القطعة الارضية تباعت وحدة بحالها ب 200 مليون ولكن غانخليها تزيد حيت العقار غادي وكايتزاد الحساب البنكي 150 مليون وخلي الارض الزراعية اللي فالخرجة ديال كازا هادي باقي كاع ما شفتها كيف دايرة سمعت كبيرة بزاف من بعد هي تصوني هونيدة ولكن باقي كانقطع عليها ماكانخليش ليها الفرصة فين تهضر وصلات ال 16 وخرجت من داري بعد مالبست عليا حوايج زوينين كانت شراتهم ليا سلوى وخرجت ولقيت إسراء بنت علياء كاتلعب فباب العمارة وصونيت لماماها فلانتيرفون جاوباتني انا : هاني غاندي معايا اسراء حتى نرجعو علياء : رد ليها البال عافاك انا : كوني هانية اسراء بنت غزالة بزاف نسخة طبق الاصل من ماماها علياء ركبتها فالطوموبيل لور ودرت ليها الصمطا وعزيزة عليا حيت ماباسلاش وضرييفة المهم دزنا خديت ليها كلاص زوين تلها فيه وكملنا طريقة لسيرفيس ديميل خديت البيرمي ديالي ومشينا لحدا البحر حطيت الكوموبيل وخرجت انا واسرء كانتمشاو فلاكوط شويا وهي تصوني ليا هونيدة تاني جيت نقطع وانا نجاوبك مالقيت كي ندير نقطع وانا نهضر انا : الو اش باغا ؟ هونيدة : البراكة فراسك ا احمد انا : مامشا معاك باس شكرا هونيدة : طلب الله اخليليك ميمتك الحنينة انا : شنا هي ؟ هونيدة : نشوفك ولو 5 دقايق انا : كاين فعين السبع هونيدة : غي نلبس عليا وغادي نكون عندك من دابا 20 دقيقة داكشي اللي كان دازت 20 دقيقة وهي تاصل بيا وقلت ليها فين انا بالضبط وجات عندي صدماتني كانت لابسة جلابة فالحمر وطالقة شعرها ودايرة طالون طويل فالكحل وساك فالكحل وشعرها هي اصلا كحل والنضاضر كوحل ولي دازت من حداه كايحنزز فيها جات تلاحت عليا عنقاتني ومابغاتش طلق مني وهي تنزل عند اسراء هزاتها وباستها وتا اسراء عنقاتها وضحكات لبها فوجها وماهضرناش دخلنا نيشان لواحد الكافي خديت نوار مسوسة وهي خدات تصير واسراء خديت ليها زعزع (بوربي) هونيدة : شكون هاد الاميرة ؟ انا : بنت واحد السيدة سكنات عندنا جديدة فالعمارة هونيدة : غزالة تبارك الله انا : بحال ماماها هونيدة : كيفاش بحال ماماها ؟ انا : حيت تا ماماها غزتلة بحال بنتها هونيدة : اه فهمت انا : شنو فهمتي ؟ هونيدة : علاش قالب عليا ا احمد ؟ انا : ماعجبنيش التصرف ديالك هونيدة : ياك ضربتيني وعايرتيني وعتاذرت منك ؟ انا : كل واحد اشد طريقو حسن هونيدة : لا ماتقولش ليا هكا شنو بغيتيني ندير باش نرجعو ؟ انا : مابغيت والو بغيت غي التيساع هونيدة بدات كادمع وشافتها اسراء ونزلات من الكورسي ديالها ومشات عند هونيدة عنقاتها وباستها هونيدة ودمعة فعينيها : غي قوليا شنو ندير ؟ ندير اللي بغيتي انا ملي شفت داك الديكور ماعرفت مانقول اصلا هونيدة بغاتني وانا حازق بغاتني وانا ماعندي تا ريال بغاتني كيما انا بغات احمد العروبي هي لدابا ماعارفاس باللي ولاو عندي مشاريع وطوموبيل وحساب بنكي ضخم واراضي ودار مبرعة هي بغاتني كيما انا ولكن شنو ندير واش نافقها ونرجع معاها وانا بالي وقلبي باقي مع المرحومة ؟ انا : يالاهي نمشيو هونيدة : جاوبني الله اخليك انا : عطيني وقت عافاك راني مربج فعقلي هونيدة : على الاقل خلينا على تواصل انا : ان شاء الله خرجنا من الكافي هونيدة : فين حطيتي الموطور ؟ انا : غي اجي ها حنا غاديين ليه ملي وصلنا لطوموبيل وبركت على الكونطاكت وتفتحات تصدمات هونيدة وبقات ساكتا ركبنا وهي غي ساكتة انا : ماك جاتك لقوا ؟ هونيدة : امتا درتي البيرمي ؟ وديالمن هاد الحديدا الواعرة ؟ انا : ديالي هونيدة : احمد لا ماتقولهاش تا بالضحك لا ا احمد لا انا : قلتها بالصح ماشي بالضحك هونيدة : امتى هادشي ؟ انا : الاملاك ديال رقية الله ارحمها كتباتهم ليا كاملين هونيدة : مامصدقاش سبحان مبدل الاحوال انا : ديري الصمطا لاسراء باش نزيدو من بعد ما دارت ليها الصمطا ديماريت ومشينا وهونيدة فرحانة فجنبي واش فرحانة ليا ولا فرحانة حيت فجنبي الله اعلم المهم هي ماطماعاش راه بغاتني من ايام الحزقة وقفت عند اول وكالة ديال اتصالات المغرب انا : خليكم هنا هاني غادي نقضي واحد الغرض وراجع هونيدة : صافي واخا ، ياك ماغاتبكيش اسراء ؟ انا : ابدا واش تبكي هاديك احلى بنوتا غي ضحكي معاها وماتبيينيش ليها غيابي ملي بفيت نخرج نطقات اسراء اللي مافيهاش الهضرة بزاف اسراء : عمي قاقا انا : واخا ابنتي الغزالة تسنايني هونيدة : الله على عمي الله ههههه هاد البنت سكر عسل ملاك كاع الصفات الفنيونا تجمعو فيها انا : طهلاي فيها اني جاي دخلت لاجونص درت الاشتراك ديال 200 درهم لتيليفوني وعطاوني 3 ديال النمرة العزيزة خطاريت الواليدة باس نهضر مع الدار وخطاريت هند بنت خالي المكي الله ارحمو باش نسول فيهم راهم الامانة ديال خالي وبفضل الله كان خالي السبب فهاد الخير اللي انا فيه والنمرة الثالثة درت فيها هونيدة وعطاوني حتى 30؛ساعة مع كاع الارقام وعطاوني 10 جيكا ديال الانتيرنيت و 500 ميساج ورديت الويفي اللي مدخلة رقية فإسمها درتو فإسمي المهم من بعد خرجت ودزتلواحد الحانوت خديت شي حاجة لإسراء وجيت لطوموبيل عطيتها ليها وفرحات مسكينة حتى شي رجال حمير بحال بابات إسراء كي حملات علياء هرب ونكر بنتو حتى قبل ماتولد شنو ذنبها مسكينة ؟ المهم دزنا لبوتيك ديال الدراري الصغار خطارت ليها هونيدة شي لبيسات وشي العاب وفرحات بيهم مسكينة انا بعدا ملي كانشوف اسراء ضاحكة كانتقطع من الداخل وكانشوف تا هونيدة كي حنينة معاها تواتاو والله هونيدة زوينة بزااااااف وقصيرة وعندها ديك القصورية اللي كاتكون بحلاوتها المهم من بعد رحعنا لطوموبيل ودزنا لصالون ديالي ودخلنا ليه ورحبو بيا الكوافورات (غزلان وشيماء ونورة) ورحبو تا بهونيدة وباسراء انا : غزلان بغيتكم طهلاو ليا فهاد الكتكوتا غزلان : ا الله اودي ، شيماء ديري ليها ديك الكوب الجديدة ظيال البنيتات الصغار شيماء : على الراس والعين من بعد جلست فالبيرو اللي فالصالون هونيدة : هاد الصالون ديال العيالات لاش داخليه نتا ؟ غزلان : راه الصالون ديالو نجريو عليه منو ؟ هههههه هونيدة : كيفاش ديالو ؟ غزلان : باينة ماقاليك والو هههه الصالون ديالو هونيدة : واخا هكاك منوع إدخليه نوض خرج نوض راه غايجيو الكليانات ايشوفوك غايرجعو فحالهم انا : ها هو نايض خرجت وخليت هونيدة فالصالون ومشيت لعند التريتور اللب تا هو ديالي ولقيت الراجل المكلف تماك رحب بيا حيت عارفني مول الشي وعمر ليا براد اتاي شدينا بيه هريد الناب حتى صونات ليا هونيدة ومشيت وتصدمت ف إسراء لبسو ليها واحد لاغوب فالاحمر عاد كي شريتها ليها مع الحوايج لوخرين وبادو ليها جات حال العريسات كاتحمق وظرت ليها تصاور بزاف وتصورت انا وياها ومعانا تا الكوافورات وتصاور ليا انا ياها وهونيدة ب 3 من بعد رجعنا لحي ونسيت راسي مانزلت هونيدة بعيد على الدار حتا نزلنا وشافونا شي جيران كانو عند مول الحانوت إمشيو إقاودو مابقاتش كاتهمني هضرت الناس نزلات هونيدة تسالمتا بالوجه وباست اسراء ومشات لعمارتهم اللي ملاسقة مع ديالنا وانا صونيت فلانتيرفون على علياء نزلات عندي تصدمات فبنتها ملي شافتها لابسة مزيان ومقادا عنقاتها حتى كانت غاتخنقها وشكراتني وعاوناتني حلات ليا الكراج دخلت الطوموبيل وطلعت انا نيشان لداري فالسانسور وعلياء دخلات لدار بداكشي ديال بنتها وشافتها عايدة عايدة : اش هاد الجمال كولو ؟ علياء : سي احمد الله اخلف عليه عايدة : احمد ولد الحلال بحالو بحال عائلتو وإستاهل داكشي اللي عطاتو رقية علياء : اه عندك الصح ا لالة فهاد اللحظات انا كنت فبيتي وجبدت تيليفوني خليت الواتس اب لقيت سلوى و هونيدة مصيفطين ليا سلوى : احمد بغيت نهضر معاك مباشرة وماقدرتش رقية ختي وحبيبتي ولكن ماتت الله ارحمها ماتهليش حياتك نتا منغالقة هي ونبات لبك داكشي كواو باس تعيش ماشي باش تخمم صافي نسا وعيش حياتك ودعي معاها وقتما تفكرتيها جاوبتها : ربي يخليك ا سلوى غادي نتجاوز هاد الصدمة ان شاء الله والرسالة ديال هونيدة كانت هونيدة : حبيبي شكرا بزاف اليوم فرحتيني بزاف نتا و اسراء والله تا فرحانة وبزااااف ماتحييلش فرحتي تا ماما استغربات مني وسولاتني على سبب الفرحة وماقلت ليها والو والله جاوبتها : هانية ماشي مشكل حتى نتيا عطيتينا شحنة موجبة فاللقاء من بعد صونيت لميمتي الواليدة : الو انا : الو ميمتي الواليدة : حمد اينو توحشتك انا : راني ناوي نجي اميمتي ندوز شي يامات تماك الواليدة : وخدمتك ؟ بغيتي اجريو عليك ؟ انا : مابقيتش خدام ا ميمتي الواليدة : شنووووو ؟ شنو درتي ا المسخوط حتى جراو عليك ؟ سير عند عايدة نحزرها تردك تخدم انا : دغيا رديتيني مسخوط اميمتي ههههه راه تبدلات شحال من حاجة ا مي غدا ان شاء الله ونكون فالدوار الواليدة : الله ايجيبك على خير ونشوفو حريرتك انا : غير الخير ا ميمتي هههه يالاه نخليك دابا اميمتي الواليدة : الله ارضي عليك اولدي من بعد ما قطعت على ميمتي صونيت على هند بنت خالي المكي هند : الو شكون معايا ؟ انا : ولد عمتك هادا هند : الو احمد لاباس عليك ؟ انا : الحمد لله نتيا اش خبارك ؟ هند : نقولو الحمد لله انا : شنو كاين ياك لاباس ؟ هند : هاك ماما مرات خالي : لاباس عليك اولدي ؟ انا : الحمد لله ، مالكم امرات خالي ؟ مرات خالي : الجيران اللي ورانا ولاو كايدخلو فالحدود ديال البلاد انا : قلتوها لواليد ديالي ؟ مرات خالي : ماقدرتش حشمت منو انا : انا غدا راني جاي وغةدي نمشي نتقيا على مهم تما نوريهم كيفاش إتقواو على مرا هجالة شنو زعمى حيت ماعندكش الولد بغاو ايديرو فيها ماعرفت شنو ؟ غدا هاني عندك امرات خالي وغانفكو هاد المشكل مرات خالي : الله ارضي عليك اولدي انا : كاين شي مشكل اخر ؟ مرات خالي : خالك بنعيسى جا البارح وكسل رجليه عندنا فالدار وقاليا عطيني حقي من كاع هادشي اللي خلا المرحوم انا : الا جينا لشرع راه من حقو إورث حيت ماعندكش الولد ولكن هاداك خالي غايخسرهم غي على الشيخات والشراب انا نحشم ندور فيه غادي نصيفط ليه الواليدة هي اللي غاتعرف ليه مزيان مرات خالي : الله ارضي عليك اولدي هاك هند ماعرفت اش باغية هند : تسنا نمشي لبيت لوخرا هند : انا وحدي دابا انا : قولي اش بغيتي ا بنت خالي هند : كنت غادا لحانوت وتلاقا ليا ولد محمد مول الحانوت و قاليا باغي اتزوجني ومازال ماقلتها لميمتي انا : واش نتي عندك 16 وكاتفكري فالزواج ؟ هند : ماكانفكرش فيه غي قلت ليك انا : واش عاجبك محمد ؟ هند : لا عادي بحالو بحال كاع الناس انا : وفراسك باللي محمد مبلي بكاع البليات وكايدير كولشي ؟ هند : لا انا : إوا تكمشي ولا سخن عليك الحال ؟ هاد الهضرة مانبغيش نسمعها مرا خرا هند : واخا ا ولد عمتي انا : راه كولشي غايدخلكم طمع على الكسيبة والبلاد اللي خلا خالي المكي اوا زييري الصمطا هند : كون هاني اولد عمتي انا : يالله خليت ليك الراحة تال غدا ونجي عندكم من بعد ما قطعت على بنت خالي صونيت لهونيدة هونيدة : الو حبيب قلبي هرفتي كي شفتك لابيل ديالك وانا نطييير من حدا ماما مافهمات والو هههه انا : مزيان ا لالة دوي ليا على راسك هونيدة : اه راك ماكاتعرف عليا والو تقريبا ، انا الواليد ديالي توفا وماعنديش خوتي عندي ختي وحدة كبر مني راه كاتقرا ف أمريكا وبابا كان كولونير ماجور فلامارين روايال والحمد لله خلا لينا ملاكات كتيرة بحكم المنصب ظيالو راه كان لاباس عليه ، خلا لينا هاد العمارة وخلا لينا فيلا كاريينها لشي ناس وخلا لينا عمارة خرا كبر من هادي كاريينها كاملة راها فالحي الحسني وخلا لينا شركة ديال التوب وخلا لينا على لاصال ديال الحديد وفيه تا الايروبيك ديال العيالات وماما هي الاستاذة ديال الايروبيك هي اللي كاتريني بالعيالات وخلا لينا فيرما فيها الشجر ديال الفواكه وفيها حتى الكسيبة من البقر والنعاج والخيولة راه مقابلها ولد عم ماما ساكنة تما هو ومراتو ووليداتو انا : تبارك الله ، الله ايزيدكم من فضلو هونيدة : شكرا ، الواليدة بغات مؤخرا تكري العمارة ونمشيو لفيلا ولكن انا رافضة انا : علاش ؟ هونيدة : باش نبقا حداك يتبع...