لم يكن ذنبي

البارت الثاني والثلاثون

البارت الثاني والثلاثون ( بارت هدية لعيونكم الاصنام تحركوا🙄 داتعب لخاطركم )

رابط الكروب سوو انضمام حبايب ❤️ https://www.facebook.com/groups/232860948917622/?ref=share_group_link

لم يكن ذنبي

للكاتبة حوراء الموسوي

مساءكم عافية 🌷

انه الما عنده حظ بهاي دنياي
انه الـ بس المصايب توكف وياي .

#اووووف_اوف_قهر_بقهر_ونكول_مگضيه
#انـا__بگـلبي
#یتــیم
#یجدي_راحت_بال..

#ولا وحده اجت بلريش كلهن بلعظم دكن 💔

حنين : بقينا ننتظر ابويه والله صدقا أحس بذاك الوقت كلبي ياذيني ومااعرف بشنو افكر بلسواه بيه مهند وشلون تاليها؟ لو بجرح نور؟ لو بدراستي الما اعرف شلون حتنحل؟؟ لو كرم وانسحابه التكتيكي لو وضعنا الحالي وشلون راح يصفى بينا الدهر....

رجع ابويه وكال للسايق يندار وره الحسينية والسايق نفذ

افتر السايق وابويه أشر النا ندخل

مكان وره الحسينية مباشرتا هو مرتبط بيها وجزء منها بي غرفة وحمامات ومكان يصلح مطبخ

والفاصل بينا وبين الحسينية شجرة جبيره صايره بلوسط

اكو شباب ساعدو ابويه نزلو الغراض

امي دمعتها منشفت أهلها خذولها للمره الالف تحسوها فقط جسد يتحرك

دشتغل فوك طاقتها بنين راسها بعده مضمد وهمين تتحرك بصعوبة 

تعاونه كليتنه ونضفنه المكان ورتبناه وخلينه غراضنه

أكل محد اله نفس ياكل

ابويه خال ايده على راسه وتحسه بغير عالم اما امي عيونها ورمت ومبطلت بجي

صار المغرب وبدأ المؤذن يجود القرآن مااحجيلكم الصوت حرفيا الراس يطك شكد ما الصوت قريب وبصفنه

وأصوات المصلين وحسرة نطلع بره

التواليت صايرة بره وصارت علينا الطلعه صعوبة

خلص اليوم عادي بين قهر وألم

امي علاقتها بيه سطحيه مو شي ع كد الشغلة تطلبها من عندي

ثاني يوم من الصبح ابويه عنده سفر للبصرة ويبقى ايام ومجبر يروح ميكدر يعوف شغله لان يكتله الجوع شاف نفسه قبل من كعد شصار بي

وهو راتبه ياريت لو احنه مستفادين منه!، منعرف وين يروح ودوم يصيح ماعندي

اذن الفجر وفزينه من مكانه لان الصوت كلش قريب

اذا اكلكم النوم مجافي عيوني صار فترة اذا انام يجي هذا الشي الأحلم بي يكعد على صدري ويخنكني احس روحي تطلع ومرات اكعد اله ركبتي بيها شخط او اكثر كأنما مشرمخه بين الحلم والواقع اضل اعيط بأعلى صوتي بس بالواقع صوتي مخنوك