البارت الثالث والثلاثون
لم يكن ذنبي
للكاتبة حوراء الموسوي
مساء الورد والياسمين🌹
حسو بيه 💔
هلي مو مال أوصيكم عليه...
حنين : باوعت باتجاه الشارع حتى اتهيا للانهزام وهمه انذال متعبر عليهم كبل انتبهو لاتجاه نظرة عيوني
نزلو بسرعه
وحاوطوني خاف انهزم
رفعت راسي للسماء ونزلت دموعي بقهر
وبعد جحود بحق رب العالمين
ناجيت باستسلام ويأس
ربي اني مسني الضر وانت ارحم
ياغياث المستغيثين
بقيت منصيه ماكدر ارفع راسي واشوف وجوهم شياطين بهيئة بشر
بلفرع الواكفه بي السيارة ومفتوحه الأبواب وهمه محاوطيني واحد ع اليمين واللخ ع اليسار
سمعت صوت باب نفتح رفعت راسي
شفت رجال فتح باب بيته بس شاف الوضع دخل جوه بسرعه ايست كلت هذا يخاف عباله عصابات بوقتها جانت الدنيا كلش تخوف قتل تهجير تسليب خطف.... الخ
مهند يسحل بيه من زندي واني دموعي تصب منتظره احد ينجدني رجليه جمدن ميتحركن وشفايفي ترجف والهج بذكر الله
شويه وطلع الرجال بيده سلاح وويا ولده ثنين
اجو يركضون باتجاهنه
عدي عافني وركض صعد بالسيارة
دفرني مهند برجله وعافني وركض لحك عدي
وشخطو السيارة حيل وراحو
جريت نفس قوي وحمدت الله بخجل
الرجال وولده تقربوا عليه كال
:: عمي بيج شي سوولج شي
حنين : اريد اجاوبه ماكدر ضاعت الحروف من عندي وماكدر احجي احس نفسي نشليت من الصدمة
بجيت وهزيت راسي ب لا
كال
:: عمي شنو ذوله تعرفينهم شايفتهم قبل فهمينه هذا ابني ضابط حتى ياخذج تشكتين وتقدمين بلاغ عليهم ينعلون سلفه سلفاهم شنو الدنيا تايهه اكو دولة واكو قانون
من كال هيج ضحكت بكلبي يا قانون بوجود هاي الوحوش همه القانون
استجمعت قوايه وركض واحد من ولده جابلي مي شربت شويه
ولده تقريبا واحد بكد كرم واللخ يجوز يجي عمره عشرينات
كتله
حنين : لا عمو مااعرفهم وتعرضولي فجأه وماريد اشتكي خل يولون الله ياخذ حقي منهم
عكد ابنه حاجبه وكال
أنت تقرأ
لم يكن ذنبي
Romantikاذنبت وتبت وأخشى من آثار الذنب في المستقبل هل من خلاص ام سأكون رهينة الحاضر؟ ندم وموت بطيء خنت نفسي ورميتها بين أحضان ذئب جائر... قصة عراقية حقيقية تروي حياة فتاة واخواتها عاشت في كنف عائلة متفككة ظروف اجبرتها على ارتكاب الذنوب وعائلتها كانت السب...
