قصة(رأيتها صدفة)
في بغداد/الكرادة
بارت1
2016/7/03
28/رمضان/1437
عمار/اني عمار من بغداد الكرادة عمري18سنة طالب سادس علمي..عندي أب وام..واخت عمرها 13سنه وأخ عمرة23سنة مزوج وعسكري عندة طفل واحد عمرة سنتين..اخوية عنده سيارة بس بالايام الي هو بالدوام اني اخلي السيارة عندي واروح بيه للدوام واوصل اهلي وين ميردون...لان ابويه رجال جبير ميكدر بعد يسوق سيارة...اني قبل لا ادخل سادس جنت احضر دورات مجانية مختلط شباب وبنات بزيونة لمواد الرياضيات والكيمياء والفيزياء..فتعرفت ع طالبة ويانه وحبيته كلش وأخلاقه كلش حلوة ومؤدبة عكس بنات المحاضرة الباقيات نهائيا فضلينه نحجي اني وياهه ووعدتهه بس ننجح من السادس اتقدم اخطبهه..واهلي يدرون بيهه..واني من حبيتهه حبيتهه بستر موأضحك لان عندي اخت اني باجر عكبة يسون باختي بهيج اشياء (كما تدين تدان)فجنت كلش اخاف عليهه وع سمعتهه..جنه بشهر رمضان وبعديومين عيد الفطر المبارك وفتره المراجعه للوزاري كاعد بالبيت صايم ودا اكلب بالانستا بغرفتي ميت من العطش...وصارت ب4العصر اجت امي
ام عدي:يمه عموري تكدر تاخذني اني واختك نروح نشتريله ملابس خطية
عمار:لعد ليش هسه خو ورة الفطور خطية انتي صايمه
ام عدي:متدري باختك اذا تريد شي تكلي هسه نروح نشتري وخلي اخلص منهه حته ورة الفطور نغسل البيت
عمار:صار يمة ادللي هسه ابدل ونطلع حضرو نفسكم
عمار/اني اول سنه ألي صايم لان عدنه بعاداتنه أله عمر18سنه يبدي الشخص بالصيام فجانت عبير ماصايمة لان بعدهي صغيرة..چنت لابس فانيلة وبرمودة كمت لبست تراك وطلعت من الغرفة ب4:30 أخذت أمي وعبير بسيارة اخوي وصلت لباب المول
ام عدي:من نكمل نتصل عليك
عمار:براحتج حبيبتي الله وياجن
ام عدي:الله وياك يمة
عمار/رجعت للبيت دخلت للصالة عدنه باب خاصه بمفتاح السيارة ومفاتيح البيت والغرف يم التلفزيون حطيت مفتاح السيارة وجان ابوي ديباوع بالتلفزيون برامج رمضان وفرح بغرفتهه اني دخلت لغرفتي ودا أعزل ملابسي لان صايرة هوسه وماقبل احد ينظف غرفتي غيري ب5وربع سمعت صوت دويي كلش قوي وقريب بحيث غرفتي نهزت اني ماخقت من شي بس قلقت ع اهلي طلعت ركض من الغرفه اريد اشوف اهلي بيهم شي لان الصوت چان كلش قريب حسيته بداخل البيت رحت للصالة مالكيت احد دخلت للمطبخ لكيت ابوي وفرح بالمطبخ وفرح كاعدة ع الكرسي وترجف وابوي واكف يمهه
ابو عدي:بابا ماكو شي لتخافين لتخافين
عمار:خير يابة شنو هذا الصوت؟
ابو عدي:والله مادري ع ساعة وصار صوت يمكن انفجار قريب
عمار:خوش خلي اطلع اشوف شكو
فرح:لالا عمار ارجع لتروح خاف اكو انفجار
عمار:لايمعودة منين اكو هيج شي ههههه
عمار//طلعت للباب اريد افتحه حته اشوف شكو شصاير بالشارع و مبايلي بجيب البجامه أتصلت فاطمة
عمار:هلة مريتي
فاطمة:هلو بيك وين انت؟
عمار:بالبيت ليش؟
عمار/بصوت سريع وخايفة
فاطمة:صار انفجار بمول الكرادة وهسه بابا طلع انذار بالدوام خو مابيكم شي انتو
عمار:شنوو يامول؟
فاطمة:مول الكرادة القريب عليكم
عمار/بصوت عالي
عمار:شنو ولج امييييي وعبير هناك لااااا
عمار//كملت اتصال من فاطمة ولكم اهلي هناك ياربي خاف صار ألانفجار يمهم خاف تأذوا دخلت ركض للصالة اريد اخذ السويج
ابو عدي:عمار شبيك
عمار:يابة الكرادة تفجرت
فرح:شنوو ماما وعبير؟
عمار:مادري سدو الباب زين ولتخلين مؤمل يطلع ابد ويابة انت ضل هنا هم لتطلع اجيب امي وأجي مابيهم شي لتخافون
عمار//طلعت ركض بالسيارة حطيت السرعه ع200واني طول الطريق
عمار:لا اهلي مابيه شي لتخاف عمار هسه اجيبه واجي..لتخاف لتقلق
عمار//وصلت ونزلت من السيارة وركض رحت للبناية شفتة عبارة عن هيكل دخان ونار...وأسمع بشر تصرخ بابا وناس ماما وناس ابني وأيدين مطشرات ورجلين محد يعرف ملات منو...ألأمن متكثف والاطفاء أجت ركضت لباب المول
أشوف ناس محتركه وساعه ادوس ع رجل مكطومه من جسد لو ايد مكطوعة لو ع راس مكطوم..وكلسا الكه جسد محروك أحركة هاي امي لالا هاي عبير لالا هاي مو وجه عبير مستحيل هذولة اهلي لا...وصلت يم الباب والامن لزمني من چتفي
الجندي:أخي ميصير تدخل احفظ سلامتك واطلع
عمار:لك امي جوة افتهمني جبتهه تشتري ملابس وين راحت
الجندي:ديطلعون بالجثث وانت شوف امك وين
عمار:لك شنو جثث اكله امي امي يكلي جثث وخر عني اريد ادخل
الجندي:اخي ابتعد وصلت الاطفاء خلي يخمدون النار
عمار//ابتعدت عن الباب ورجعت ليورا الشرطة يطلعون جثث مفحمه محتركه حته لو احد يعرف أهله من ورة هل حرك متنعرف الملامح..ضليت أباوع ع البناية كلة نار صارت منطقة الكرادة كلة سودة بالدخان ياربي شلون ماريد اضل واكف هيج ااخ ياربي اجت العالم فرحانه بالمول تشتري ملابس راح تطلع مفحمة اووف ياربي اباوع واحد راس ماعنده بس جسد واحد بس ايد عنده وابجي اريد ألكه اهلي واسمع صوت اطفال تتصارخ تريد اهله وتبجي واني بنص الناس افتر وادور ع اهلي طلعت كدامي طفلة بس شوي بعيدة ولازمية الشرطة وتصيح
الشخص:اريد أميي هدوني....
يتبع بارت2
