Hate The Game (COMPLETED)

Chapter 07

Chapter 07

"Ayos ka lang?" Kitty asked.

"Ha? Oo naman, bakit?" pabalik na tanong ko sa kanya. Nandoon kaming tatlo nila Iñigo sa may benches malapit sa Dean's office. Mayroon kasi dung malaking table. Kahit tatlo lang kami ay sinakop na namin lahat kasi nagsusulat kami ng digests.

She shrugged. "Nothing. Natulala ka lang kanina."

I just nodded at her and proceeded to writing my digests again. Hindi ko dinala iyong digest na pinahiram ni Samuel sa akin kasi baka tanungin pa ako ni Iñigo. Ayoko lang mag-explain kasi tinatamad ako. So, kumo-kopya na lang ako sa internet ng digest—iyon bang digest na nga tapos dinigest ko pa. Wala na atang kwenta iyong facts na naka-lagay dito.

We continued to write in peace. Si Iñigo ay naka-headset habang nagsusulat. Si Kitty naman ay may dalang trail mix snacks at nakiki-kain kami ni Iñigo. Habang ako naman ay nanonood ng Modern Family sa Netflix habang nagsusulat ng digest. Nasa kalagitnaan ako ng pagsusulat nung mapa-tingin ako sa harap ko dahil nandoon bigla si Lui.

"Hi," he said, smiling.

Kumunot ang noo ko. "Hi?" sagot ko sa kanya pero bigla siyang tumingin kay Iñigo na walang nagawa kung hindi ang bumuntung-hininga. 'Di ko talaga gets kung bakit sumali siya sa frat kung obvious na obvious naman na hindi niya trip iyon? Ang confusing.

Unknowingly ay sinundan ng tingin ko si Iñigo na kasama si Lui na naglalakad palayo. Naka-salubong nila si Yago at Jax na kinausap ni Lui. Ito namang si Jax ay dumiretso sa pwesto namin at tinabihan iyong jowa niya. Gusto ko sanang mainggit pero agad na nawala sa isipan ko iyon nung magtama iyong mga mata namin ni Samuel.

"What?" I mouthed when I caught him staring at me. Imbes na sumagot ay umiling lang siya. Ipinasok niya sa mga bulsa niya iyong kamay niya tapos ay sumunod na siya kay Lui at Iñigo na naglalakad palayo.

Ano kayang problema nun? Bigla na lang naging weird!

"Jax," pagtawag ko sa kanya. Tumingin lang siya sa akin. "Pahiram ng digest," sabi ko. Pinanlakihan ako ng mga mata ni Kitty.

Jax's lips parted. "Uh... okay," sabi niya.

I pressed my lips together kasi natatawa talaga ako sa itsura nilang dalawa dahil magka-tabi sila. "Joke lang! Baka sakalin ako niyang girlfriend mo," sabi ko sa kanya kasi matagal ng sinabi ni Kitty na pwede kong hiramin lahat sa kanya 'wag lang si Jax at ang digests ni Jax. Madali naman akong kausap, aba!

Nagfocus na lang ako sa pagsusulat ng digest habang naglalandian iyong dalawa. Nung bandang alas tres na ng hapon, biglang nag-announce na walang pasok dahil mayroong mass, pero required iyong attendance. Pumunta ako sa cafeteria para kumain. Pagdating ko roon sa chapel, puno na ng tao kaya tinamad na akong tumuloy. Kaka-simba ko lang din naman nung linggo. Feel ko okay pa naman 'yon.

Naglakad lakad muna ako sa grounds ng school. Gusto ko sanang maupo doon sa pwesto kanina kaya lang may mga guards na nag-iikot. Umakyat ako sa second floor. Naglalakad lang ako at naghahanap ng pwedeng mapwestuhan nung mapa-tigil ako dahil nakita ko si Rhys na naka-upo sa isang gilid 'dun. Tatalikod na sana ako at maghahanap ng ibang pwesto nung mapa-tingin siya sa akin.

"Hi," I said, smiling, dahil hindi naman ako bastos na bata.

"Hi," he replied, slightly nodding at me.

"Di ka magsisimba?" I asked just to keep the conversation going dahil obviously, hindi naman ma-chika ang tao sa harapan ko.

Umiling siya. "Not religious."

"Pero... nasa Catholic school ka?"

"Sectarian," he replied. Kumunot ang noo ko. "SCA is a sectarian school, not a Catholic school."