(انتـَ الترياـق والسُـم)

(أنـتـَ التـرياـق ـوالسُـم)

البارت التاسع عشر
☺️☺️☺️☺️☺️☺️☺️☺️

اغرقي.. فبحرك بلا قرار. .
اغرقي. . فالحب تلفه الأسرار.
. اغرقي في سورة الهيام...
فمن لم يغرق به ماذاق حلاوة الإبحار. .

ريتان/ بس طلع حمزه صعدت امل كالت انزلي احسن مايصعدن يكتلنج
نزلت وكتلتني الحجيه بالعصا كسرتني تكسر وحده اسمها حسناء وخرتني من ايد الحجيه وكومتني لا حوله ولا قوة الا بالله...
زادو عليه بالعذاب والاكل ماكو ابد كطعوه عليه كلش يجي شيخ جمعه يكلي اجلتي الحجيه تكله ايي اجلت
واني كلشي ماحاطه بحلكي صرت مومياء صدك يعني احس نفسي راح اموت
تعبت من كلشي اسيل كامت ماتجي احجي وياي ام عبدالله ماتجواب بس على شغل تحجي وياي بيوم كاعده واجتي اسيل وياها امه تشتغل لان عازمين مدري منو كاعده اني اغسل مواعين وطبن
عليه

اسيل/ السلام عليكم!

ريتان/ وعليكم السلام.. سلمن وگعدن

اسيل/ يمه منو هاي البت!!!!

أم عبدالله/ ريتان شنهي تغشمين نفسج مو هستوج سلمتي عليها!!

اسيل/ شهكت هايه

أم عبدالله/ وسم شبيج ايي هيه

اسيل/ كامت تبجي يمه هاي صاير بيها

ام عبدالله/ ايي والله يمه مادري على شنو عايشه بس انه اشوفنها تاكل خبزه من تخبز

اسيل/يمه باعي وجها باعي شفتها شلون يابسه!!
حرام علينه

ام عبدالله/ بسج اليوم شيخ يعقد عليها وتتزوج

ريتان/ ابوع عليهن يتبسبسن
ماحجيت شي كملت شغلي واجتني غمزه اخت حمزه هي وأمل جان صاحني مشيت وراهن ماعرف شنو يردن مني، واستغربت ليش صاحني! وافقت ولحكتهن..

اسيل /يمه شنو ماتدري اليوم راح يعقد عليها شيخ

ام عبدالله/ لا

اسيل/ خطيه

ام عبدالله /بسج ويلا كملي شغلج واسكتي

ريتان/ صعدت وراهن راحن لغرفت شيخ حمزه

غمزه/ اكعدي خلي احفج

ريتان/ ليش

امل/ اليوم شيخ يعقد عليج وتتزوجين

ريتان/بجيت لأن نقهرت لازم بهل يوم انا يم اهلي وناسي وفرحانه مو يكون عرسي بهل شكل

غمزه/ بدون بجي يلا تعاي اكعدي انتي وين صاحلج مثل شيخ حمدي ربج وسكتي

ريتان/ كعدت وحفت وجهي..

امل/ ريتان خلي نسويلج شيره

ريتان/ لا مايحتاج اني اسوي
بس اسولف بكلبي وابجي
صعدت للمخزن وصاحتني امل ريتان اني انتضرج بغرفتي هاي غرفتي كملي وتعاي
ريتان هزيت راسي وصعدت للمخزن كمت ابجي بحركه ليش ياربي ليش ليش
غمزه نطتني شيره كعدت سويت جسمي وطبيت سبحت وبددلت ورحت الأمل دكيت الباب عليها