الدكتورة أسيرة الزعيم 🔫👩‍⚕️

الحلقة 41

بغض النظر عن الهدرة و التشقلالة لي كانت دايرتها جوري مع ماكس سام مسمع حتى حاجة  تغاضى كلش و قعد غير صدى جوري و هي تقول "تنتحر مرة ثانية " بقا عينيه مفيكسين في الأرض  و حمورة نفسو بدا يضطرب طلع راسو شافها قدامو راح حكمها من كتافها و بقا يهز فيها : علاااه اهدري علاااااه علاه قلتي مرة ثانية وقتاش اول مرة ! اه علاش محكاتليش و معلابالي بوالو اهدريييييي ****اهدري و بقا يهز فيها
ماكس لي شاف فيه و عرف انو وصلو الغاز للراس راح عندو و قعد يحاول ينحي يدو من كتف جوري لي باين عليها  انو القبضة تاعو كانت قوية اما سام محبش يتلق و هو في عالم اخر الشر يطاير من وجهو بعد عدة محاولات قدرت جوري تفلت منو بتدخل ماكس جبدو بعيد داه للبالكون  و بقا يحاول يهدي فيه
ماكس: سام واشبيك كالمي روحك  ماتلومش جوري الطفلة خاطيها تي حتى متلومش ميار  للانو جميع  حاجة  صراتلها و محكاتهالكش يعني خالتها في الماضي عفست عليها و خلاصت  و بالاك كانت تحوس الفرصة باش تحكيلك محكاتلكش من قبل لانها ماكانتش واجدة باش تعاود تفتخ الدفاتر و الجروح القديمة لي عندها  كل واحد فينا عندو ماضي و نراهن انو كلنا الماضي  تاعنا نتمناو نعاودو نرجعو للور باش نبدلو الحاجات لي صرات الماضي مش شرط يكون بعيد يا سام مش شرط يكون قبل 10سنين و لا قبل 20 سنة لا فكل نهار و كل ساعة و كل دقيقة راحت من حياتنا ماضي لانها محال راح توليلنا دوك هاد الدقيقة راح تكون ماضي  ليوم غد يعني كلنا عندنا مضي انا جوري ميار انت حتى انت و عندك ماضي لان بكل بساطة كا واحد فينا عندو ماضي سواء مليح ولا لا اما ااماضي حقيقة واحد ماراح يقدر  يبدلهالك يا سام خمم مليح في هدرتي .
ربتلو على كتفو و دار شافها قاعدة و حاطة يديها على راسها راح ليها سمع شهقات صغار طالعين منها نحالها يدها من وجهها و طلعو بيديه شاف الدموع تلمع في عينيها رفد يدو و مسحلها دموعها ناض و رمالها يدو شاف فيه هو غمض عينيه بمعنى هيا ناضت معاه مي بلا متشد يدو خرجت و خرج  موراها بعدما القى نظرة أخيرة على سام لي لقاه يرحي في القارو يكالمي روحو خرج هو موراها و لحقها و كي لحقو وين المنعطف وين يخدمو الموظفين  شبك يدو مع يدها هي تخلعت و شافت فيه و راحت تنحيها حتى زير عليها: بالاكي تتجرأي تنحيها ولا تهدري كلمة.
كمل هدرتو و لحقو وين الخدامين شافوهوم لي  تنخلع و لي يشوف بحقد و آخر بسعادة بمعنى اخر كانت بزاف اعين عليهم حتى خرجو شافها جبدت المفتاح حوس بعينو على الطونوبيل شافها نحالها المفاتح من يدها: اطلعي.
طلعت بلا حتى كلمة زايدة ركبت دارت السبتة حطت رأسها على التاقة و هي غارقة في تخمامها من جهة صحبتها و من جهة هي و ماكس تنهدت و غمضت عينيها حتى غفات
لحقو للقصر شافها راقدة خرج و خبط الباب بلعاني باش تفطن اما لي كوالا كوالا شاف قي التاقة لقاها راقدة فقد الأمل و رفدها حتى لبيتها : اووووه تقالت  هادي والفت انا نرفدها .حطها نحالها صباطها غطاها غلق التاقة و خرج  لبيتو .....
سام لي بعدما فاق ركب طونوبيلتو و راح البار شرب شرب شرب حتى بدا يتمايل رفد روحو و خرج ركب طونوبيلتو و هو يصوق بالسيف حبس عند دارها خرج و راح عندها ..
اما هي كانت قاعدة و في يدها اوراق بيوضة و قلم دايرة نواضرها و ترسم حتى تسمع خبيط على الباب لانو هي مكاش شكون يجيها تخلعت نحات واش كان في يدها و راحت للباب : من ؟
ستنات الرد اما مكاش زاد الخبيط فتحت الباب بلاعقل باش طل حتى تطيح حاجة على الباب شافتو سام في حالة حطت يدهاعلى فمها و راحت تسيي تنوض فيه بعد محاولات كبييييرة قدرت تحطو فوق الفوتاي و عرفت من ريحتو انو شارب نحاتلو صباطو و غطاتو طفات الضو و راحت لبيتها
______
ناضت صباح دخلت دوشت و راحت طلت عليه لقاتو مازال راقد راحت طيبت القهوة و ستناتو ينوض
بعد عشر دقايق بظا يحل عينو راسو باش يطرطق حل عينو مليح شاف لقا الحالة مبدلة عليه ناض دور راسو  شافها قاعدة قبالو تشرب في القهوة شافها و تنهد حتى هدرت
ميار: الدوش واجدة  ادا حبيت تدوش 
دار ايه براسو و ناض رايح حبس
ميار: آخر  الرواق على يدك اليمنى اول باب .
شاف فيها و راح دخل للدوش الحالة مرتبة دوش  ايطالية هادية و ريحتها معبقة الدنيا دوش  تمتم و خرج ليها لقاها  في البيسي قاعدة و فوق الطابلة قهوتو و صحن فيه شوية قاطو شرب و راح قعد قدامها
سام: ميار علابالي بلي جرحتك و تعذبتي بسبتي مي لوكان نقعدو نكابرو ماراح نربحو والو و العكس راح نخسرو بزاف و نظن لحق الوقت لي نحطو فيه النقاط على الحروف راح نهدر و تسمعيني انت بلا متقاطعيني بشرط انك تجاوبيلي على سؤال واحد  في الاخر واش قلتي؟
غلقت البيسي و غمت يديها بمعنى راني نسمع .
سام: انا قبل منعرفك كنت نخلط البنات وي كنت داير النسا تاع ليلة وحدة وخلاص عمري اذا درت في بالي انو ندير مرا نكمل معاها حياتي بمعنى آخر كنت نشوف النسا قاع كيفكيف مي واحد الوقت حبست هاد الشي و حطيت راسي غير فخدمتي و هذا مور الحادثة تاع ماكس .... نهار شفتك حسيت برعشة سرات فيا شفتك و ميزتك عن الباقي تاع النسا شفت في عينيك براءة طفل صغير  كنت حاب نتعرف عليك حتى و من بعيد و بعدما عرفت انك صاحبت جوري زادت عزيمتي باش نعرفك و هاد المرة عن قرب و  من نهار شفتك  وليت نخمم غير فيك وليتي سيدة افكاري و كي شفت روحي تعلقت بيك اكتر رحت عند جوري و نشفى هدرتها نهار قاتلي ادا كاشما درتلها راح تلقاني اول شخص يوقف في وجهك و كيما كان الحال البارح جات قلبت الشركة على راسي هبلت وقت قالتلي كلمة خلاتني نشرب بلا حتى منحبس  هذا كل في جهة و نهار الحادثة تاعك جهة اخرى قاع
نهار من قبل جيت عندك قلتلك متوحشتينيش انت نكرتي انا علابالي بلي كنت تقصري مي انا حتى و قصرا مي حسيت بوجع مش عادي مي تمتم تلاشى و قلت ننتقم بطريقة تخليها تغير برك انا هذا واش كان القصد تاعي نهار بعتلك كاتي نقسملك بالله انها كانت صديقة قديمة و كنت خوها الكبير الهدف تاعي كان انو نغيرك لا اكثر اما ندمت على النهار لي قررت نواجهك و نخمم ننتقم منك اللعنة عليا و على نهار خممت فيه انو نغيرك و نلعب معاك و كنت انت مديتيلي اكثر عذاب وجعني في حياتي قاع انتقمتي مني اشد انتقام و هو انك بعدتي عليا وي نسطعرف اني آذيتك و بسبتي رحتي لبعيد مي قد ما نقولك اني نادم ميكفيش البارح جوري قالت كلمة زعزعتلي الكيان تاعي : "حاولت تنتحر مرة ثانية" .سؤالي ليك هو : واش صرالك في المرة الأولى ميار!
هنا طلع راسو و دار شاف فيها لقاها حبطت راسها و بدا صوت شهقاتها يتسمع و دموعها يسيلو قعد مدة يستنى في الرد مي عرف انو بلا فائدة ناض و قاللها بلا ميدور :  نتمنى تسمحيلي  دمت سالمة .

ميار بصوت غالباتو البكية : حاول يغتصبني..........

                                🖤🌚