الكاتبه (شيخه ال تميم)
وهـذيـچ انتِ
الخطيـة المارضت تغفـر خطايانة
رمتنـا و حملتنا هموم فــوگ اهمــوم دنيانة
عريان السيد خلف
.
ملاحظه: حبايبي بالبارت الاول كاتبه بالغلط اسم اخت مهدي زينب راح يتغير الاسم لهدى لان زوجه فهد هي زينب
رانيا: شفت من الشباك مرة سمينه وياها بنيه دايره المرة تحجي ويه خاله هديه وهدى تباوع ع البيت
:هددى ياا هاي خاله امنه( ام مهدي)
طلعت اركض من شفتهم سلمت عليها بالهفه هي وهدى ودخلتهن
_شلون رانيا وشلون اخوج ولج يمه شصار بيه من سمعت بأهلج ااااه نهد حيلي
الله يرحمهم يا رب
_حبيبتي خاله الله يطول بعمر روحتهم مو على البال وراحو بسرعه وتركونه
قاطعنه دخول عمتي
ساجده: السلام عليكم
_وعليكم السلام
هلا حبيبه ... انه ام مهدي الي يشتغل ويه ابو فهد
عمتي ما عجبتها جيت ام مهدي : اي اي يا هلا
رانيا كومي جيبي شي للمرة شكو كاعده
رانيا:اي اي عمه كايمه
_يمه رانيا لا تعبين روحج بس ماي لا تجيبين شي ثاني
_لا خاله تعبج راحه ....
ساجده: اي ام مهدي بشنو اكدر اخدمج
_والله يا حبيبه جايتج و اتمنه ما تردينه وان شاء الله هلشي ما بي غير لخير لوليداتنا
_اي كولي شعدنه غيرهم احنه بس شنو الموضوع
رانيا: دخلت وبيدي الصينه ورنت الكلمه بذاني
_والله انه جايه وطالبه رانيا لابني مهدي على سنه الله ورسوله وكلت اشوف رايج لين انت بمقام امها وبعدين نجيب مشيه
_هي تحجي وانه نرسمت البسمه على وجهي لا ارادي
ساجده: اححم والله يا خيه ما ادري شكلج بس لبنيه عقدها بعد يومين
وليدي راح ياخذها
_ياا خيه يا خطبه هاي لبنيه من هي وزغيره نكول هاي لمهدي وهل كبروا خليهم ينجمعون
_ هذا لحجي قبل على زمن اهلها وهسه اهلها ماكو وهي جوة شورنه وما اتوقع يصير بعاداتكم خطبه فوك خطبه لو انه غلطانه
_لا مالج غلطانه بس انه وانت ندري لبنيه ما رايده وليدج وفوكها لولد مزوج وابنه بالطريق ليش نظلمهم هيج
_اشوفج ظليتي تخربطين بالحجي وانت دايسه بساطي وما اكدر احجي واردج
كتلج البت مخطوبه بعد شنو الحجيي هذا
_خيه لو ادري لبنيه راضيه ومقتنعه جان ما اجيتج ولا فكيت حلكي بحجايه بس يا حبيبه الظليمه مو حلوة واذا هلبنيه راح تطيح بخطأ ابني مشارك بي خلينه نسترها بينه ونزوجهم
كامت عمتي وحجت بصوت عالي: شوفي خيه اذااا تخافين على ابنج وتردينه سالم جوة عينج فتركي هلسالفه وانسيها وهذا احسن الج و النه ....
_ يا خيه سنو هلحجي تلوين ذراعي بأبني
_هذا الي عندي ...
طلعت عمتي من الدوانيه وظلت خاله امنه خايفه على مهدي من تحذير عمتي تعذرت خاله امنه وظلت تصبرني وتنصحني بس انه العبره خانكتني وعيوني تحركني من الدموع احاول اسيطر على روحي بس نتهيت وامالي كلها صارت رماد
ودعت خالتي و دخلت
ساجده: هااا ولج بر...... رحتي شتكيتي لحبيب لكلب عبالج يفكج من ايدي
أنت تقرأ
ارواح عاريه من الرحمه
ChickLitانا فتاه فقدت كل ما املك ولم يبقى لي في هذا الحياه سوة الجحيم والشعور بالاستياء مُستمر لا يَنفع معي اي شيء لا حديث مع احدهم ولا حتى كتابة ثم البكاء و نحيب الروح هي ما أشعر به قبل النوم و اثناء الاستيقاظ كَجرعات الدواء انها مستمره للأبد يالها من...
