Uncontrollable Love (Completed)

Part (44)

Unicode

အပိုင်း(၄၄)

ကျန်းကျယ်ဟန့်၏ချန်ဒူး Concert ကျင်းပမည့်နေ့သို့ရောက်လာပြီဖြစ်သည်။ နံနက်ပိုင်းတွင် အစမ်းလေ့ကျင့်မှုများပြုလုပ်ရမည်ဖြစ်ပြီး ည ၈ နာရီတွင် Concert ကို စတင်ဖွင့်လှစ်မည်ဖြစ်သည်။ အထူးဧည့်သည်အဖြစ်ဖိတ်ကြားထားသောကုန်းကျွင့်သည် သူ၏ Drama ရိုက်ကူးရေး Schedule များကြောင့်မနေ့ညအထိချန်ဒူးသို့ ရောက်မလာသေးပေ။

ချန်ဒူးဖျော်ဖြေပွဲသည် ဖျော်ဖြေပွဲ ၇ ခုတွင် ပထမဆုံး ဖျော်ဖြေပွဲဖြစ်သည်။  ကျန်းကျယ်ဟန့် သည် အရာအားလုံး အဆင်ပြေချောမွေ့ပြီးကောင်းမွန်သော အစပြုမှုကိုအထူး မျှော်လင့်ထားမိသည်။

"ရှောင်ကျယ် မင်းတော့မသိဘူး ငါ စိတ်တွေပူနေတယ် အခုမင်းတို့နှစ်ယောက်က ဖျော်ဖြေရေးနယ်ပယ်မှာ ရေပန်းအစားဆုံး CP ဖြစ်နေပြီ  မူလကချန်ဒူးမှာက ပွဲတစ်ခုပဲ ဖျော်ဖြေဖို့စီစဥ်ထားခဲ့ပေမယ့် ပရိသတ်ရဲ့တောင်းဆိုမှုကြောင့် ရုတ်တရက် နောက်တစ်ပွဲထပ်တိုးထားတယ် မင်းရဲ့ ကုန်းကျွင့်ဒီတခါတော့လာမှာသေချာပါတယ်နော်"

ရှောင်ယွီကအနည်းငယ်စိတ်ပူသလိုပြောသည်။

နံနက် ၉:၃၀ တွင် ကျန်းကျယ်ဟန့် သည် ကုန်းကျွင့်ထံမှ စာတိုတစ်စောင်ကို လက်ခံရရှိသည် -

"ဟန့်ရေ...ကျွန်တော် ချန်ဒူးလေဆိပ် ကိုရောက်ပါပြီ နောက် တစ်နာရီအတွင်းတွေ့ မယ်နော်"

ကျန်းကျယ်ဟန့် သည် ထိုတိုတောင်းသော စကားလုံးများကို ကြည့်ပြီး သူ၏ မငြိမ်မသက်သော နှလုံးသားသည် ယခုအခိုက်တွင် တဖြည်းဖြည်း ငြိမ်သက်သွားခဲ့သည်။ သူသည် ဖုန်းကိုယမ်းကာရှောင်ယွီ ဆီသို့ တောက်ပသော အပြုံးဖြင့်ပြောလိုက်သည်။

"ကျွင့်ကျွင့် ...သူရောက်နေပြီ"

နောက်မိနစ်သုံးဆယ်တွင် ကုန်းကျွင့်သည် ဖျော်ဖြေပွဲကျင်းပရာ-ချန်ဒူး အားကစားစင်တာ၏ မြင်ကွင်းတွင်ပေါ်လာသည်။

လေယာဉ်ကွင်းမှအတူပါလာသော လက်ထောက် Xiao Dong နှင့်အတူ စင်မြင့်အလယ်ရှိ ကျန်းကျယ်ဟန့် ဆီသို့ ဦးတည်သွားခဲ့သည်။ လျှာဦးထုပ်အဖြူ‌၊  တီရှပ်အဖြူ၊ ဂျင်းဖျော့ရောင်ဘောင်းဘီ၊ မိတ်ကပ်မပါသောမျက်နှာနှင့်
မိုင်ထောင်ချီခရီးနှင်လာသောကုန်းကျွင့်သည် ကျန်းကျယ်ဟန့် ရှေ့မှာ ရပ်နေသည်။ ကျန်းကျယ်ဟန့် က သူ့ကို တင်းကြပ်စွာပွေ့ဖက်ထားလိုက်သည်။