لم يكن ذنبي

البارت الخامس والثلاثون

البارت الخامس والثلاثون

لم يكن ذنبي

للكاتبة حوراء الموسوي

مساءكم عافية 🌷( كتبت الكم بارت رغم المرض 😴)

#كلبت #دفتر_حياتي
ذكرى حلوه #ما_لكيت
وراجعت #سنين عمري
وصدك ع حظي #بجيت
#يادفـتر حياتي الخلص بـــس #هموم
يا اتــعـــس #قــلم مــا فـارك الدمـــعة ...
يا دنـــيا غـــبـــية #تـــواكـــحت ويـــاي
ياهــو الــي اريدة تــكول #مـــارجـعة

#تلگه هواي مثلك...

مثلي تلگه منين 💔

حنين :

اتفقوا الجمعة الخطوبه وعقد القرآن وامي طايره من الفرح

وسهى كالت اجيج الخميس نحجز ونشتري شغلات الخطوبه

ترخصوا ويسار مشال عينه مني ابد يمشي ويتلفت

وهاهيه تحدد مصيري وبعد ماكو أي مهرب اله الله يكلب الموازين....

طلعوا وامي تمشي وتضحك تحسوها ديخطبوها الها من الفرحه

بنين وفرح يگمزون ويبوسون بيه

گوه حاصرة دمعتي داخلي يغلي خوف من القادم

وحبي وتعلقي بكرم شلون حكمل ويه شخص ثاني؟؟

ادري حتلوموني بس مو بيدي كله عمري توني دخلت ١٥ متعلقه بي مثل ميتعلق الطفل بأمه وهذا ابسط شي أكدر اوصله الكم مشاعري اتجاه كرم شي مينوصف ياريتني لا شفته ولا عرفته كرم اخذ كلبي وكسره

ومهند اخذ جسدي الاثنين قضوا عليه وخلوني حزينة حتى باقصى لحظات الفرح
حسبي الله بيهم لآخر يوم بعمري اضل اتحسب عليهم لحد ما الله ياخذ أمانته...

اجه ابويه من بره الضحكة تارسه وجهه اول مره اشوف ابويه هيج فرحان تصدكون من يمي فرحت رغم البيه من ألم

كل اخواتي تزوجوا ابويه عادي عنده يبارك الهم ويسكت

احسه ويايه غير عيونه تلمع فرح

صاحني

عبد الرحمن : حنين بابا

حنين : بلي يابه

عبد الرحمن : تعاي بابا عندي حجي وياج

حنين :رجفه سرت بجسمي صارت بي خوفه لا اراديه من واحد يصيحني كل الينادي باسمي اتوقع عرف شي اووف شكد مااريد اوصل الكم احساسي بذاك الوقت صعب صعب لحظات موت بطيء

رحت وكفت گباله

كال

عبد الرحمن : ضحك كعدي بابا ليش واكفه

اجت امي ورايه كعدت يمه وتباوعلي وتضحك

كال : شوفي بابا حنين اني متأكد مراح تفشليني لان اعرف رزانت عقلج والتزامج واني فخور عندي هيج بنية