شيمو:
#جنة_وهدان
الحلقة الثانية
...................
🌷 بسم الله والصلاة والسلام على رسول الله 🌷
الإنتقام قد يكون سكينة للروح ولكن هذه السكينة قد لا تدوم سوى فترة والبعض يفقد لذتها وقتها والبعض الآخر يدمنها فيظلم المنتقم بها نفسه أولا ومن حوله ثانيا فاحذروا أن تتركوا أنفسكم لنار لن تنطفء سوى بخسارة فادحة
وكيل النيابة...تشرفنا يا عمدة، بس عايز أعرف مين اللي أطلق النار على بنتك زهرة ؟
تنهد سالم بمرارة وهم أن ينطق بغل "نچية" ولكن باغته وهدان بقوله .......؟؟؟
والله يا حضرة وكيل النيابة الموضوع جه غلط إكده ، كان الفچري الغفير زعزوع عينضف سلاحه وفجأة من غير ميچصد طلعت طلچة من مسدسه راحت راشچة في ظهر أختي زهرة للأسف .
بس أنا مش هسكتله على الغلطة دي واصل ، ولو العياذ بالله چرلها حاچة ، أنا هاخد روحه .
انفعل وكيل النيابة قائلا...لا أعذرني حضرتك ، مينفعش الكلام ده والقانون هو ليه كلمته ،هي مش غابة .
احتقن وجه وهدان فقال ...كيف يعني ، عايزني مخدش بتار أختي ، ويكش فاكر الحكومة هتمنعني إياك .
فزفر أيمن بضيق قائلا ...اللهم طولك يا روح ، أنا لغاية دلوقتي عامل حساب أنك شخصية مهمة وبتساهم كتير
في مشروعات البلد، لكن للأسف تفكيرك ضيق جدا زي
أي شاب اتطبع بتقاليد الصعيد المنفرة دي .
غضب وهدان حتى أطبق على يديه بقوة وخشي عليه سالم من الاصطدام مع وكيل النيابة ، فلا أحد يستطيع الوقوف أمام القانون فبادر بقوله ...معلش يا حضرة وكيل النيابة إن شاء الله خير وبتي هتطلع زينة وبخير وهي بنفسها هتتنازل عن حقها ، في اللي حوصل .
إلتزم وهدان في ذلك الوقت ، لعلمه بسبب إلصاق التهمة بزعزوع ولم يشتكي بنجية( فلما يا ترى )
أيمن ...لا يا حضرة العمدة ، الموضوع ده مينفعش فيه تنازل على الأقل حاليا ، ولازم العدالة تاخد مجراها ودلوقتي هصدر قرار بالقبض على زعزوع .
ابتسم وهدان ابتسامة ساخرة من زاوية فمه مهمهما ...يلا بالشفا يا زعزوع ، أهي بردة چرصة ودن إكده صغيرة ، ولسه الچرصة الكبيرة اللي هتكون للچبر إن شاء الله، مش أنت بردك اللي خدت أمي زمان ورمتها بيدك في دوار عبد الجواد .
بس كتر خيره الراچل آواها وحماها من كلاب السكك وكان راچل صوح أحسن من شرابة الخردة أبوي، والله كلكم حسابكم عسير معايا .
فُتح باب غرفة العمليات وخرج الطبيب فأسرع إليه وهدان وعطية وسالم وعلى وجوههم التساؤل .
سالم...ها يا دكتور ، كيف بتي زهرة دلوك ؟؟
عطية ...بالله عليك متخبيش علينا حاجة ؟
هي كويسة ؟
