မရဲ့....မူပိုင်ရှင်

Part 8 ( U + Z )

'' သမီးနာမည်က ​' မြတ်နိုးသူ' တဲ့လား ချစ်စရာကောင်းလိုက်တဲ့နာမည်လေးပဲ ၊ CV ထဲမှာတော့ပါပြီးသားပါ၊ ဒါပေမယ့် သမီးအကြောင်း နည်းနည်းပြန်ပြောပြပါလား ''

အင်တာဗျူးသည့် အလုပ်ရှင်အန်တီနှင့်အတူ ရွယ်တူလောက်ရှိမည့် လူငယ်တစ်ယောက်မှုန်တေတေမျက်နှာထားနှင့်မျက်လုံးတွေကဂဏှာ မငြိမ်ပဲဟိုဒီကြည့်ကာ ကျီးကန်းတောင်းမှောက်ရှိလှတာကိုသတိထားမိသည်။ သူ့အကြည့်တွေကမယဥ်ကျေးလှပါ။ဘုရားရေ....ဘယ့်နှယ်လူပါလိမ့်။ စာသင်ပေးရမယ့်သူကသူဆိုရင်သေပြီဆရာ။ မဖြစ်နိုင်ပါဘူး အန်တီကြီးက မိန်းကလေးလို့ပြောထားတာပါ။ ဟုတ်တယ် ဒီတစ်ယောက်မဟုတ်ဘူး ဆိုပြီး မြတ်နိုး ကိုယ့်ကို ကိုအားပေးလိုက်တယ်။ မြတ်နိုးက မျက်နှာကလေးကို အချိုဆုံးပြုံးလိုက်ရင်း.....

'' ကျွန်မ စိတ်ပညာနဲ့ကျောင်းပြီးထားပြီးသားပါရှင့်၊ အခု YUFLမှာအင်္ဂလိပ်စာဆက်တက်နေပါတယ်၊ စာသင်ပေးရတဲ့အလုပ်ကိုဝါသနာလည်းပါသလို အချိန်ပိုင်းအလုပ်ကလေးလည်းရှိထားချင်လို့ပါ၊ ကျွန်မစာသင်ပေးရမယ့် ကလေးက. ?....''

ထိုလူက ဟီးခနဲ့ တစ်ချက်ရယ်သံထွက်လာတော့အမြင်က​တ်သွားမိသည်။ ဘယ်လိုလူလည်း....မုန်းဖို့ကောင်းလိုက်တာ။ အန်တီက ယဥ်ကျေးသိမ်မွေ့သလောက် သူ့အမှုအရာမျက်နှာပေးက ရိုင်းသည့်ဘက်တောင်ရောက်နေသည်။ ဣန္ဒြေလည်းမရ။ မျက်လုံးတွေက မြတ်နိုး တစ်ကိုယ်လုံးဆီတောင်ကြည့်မြောက်ကြည့်နှင့်ပါ။

'' သမီးသင်ပေးရမယ့်သူက ကလေးမဟုတ်ဘူး သမီးရဲ့ အန်တီ့ သမီးပါ အကြောင်းကြောင်း ကြောင့် အန်တီတို့ ကွဲသွားခဲ့တာ ခုမှပြန်တွေ့ရတာဆိုပါတော့၊ သမီးက စာလုံးဝမတတ်ရှာဘူး၊အဲ့ဒါကို အစ ကနေပြီးသူငယ်တန်းကစပြီး ပြန်သင်ပေးရမှာပါ စာရေးတတ်ဖတ်တတ်လာတဲ့အထိရယ် အနေအထိုင်အပြုအမှုအပြောအဆိုအားလုံးယဥ်ကျေးသိမ်မွေ့လာအောင် သမီးကပဲစိတ်ရှည်ရှည်တာဝန်ယူပြီး သင်ပေးရမှာပါ ''

မြတ်နိုးက ချက်ချင်းထွက်ပြေးချင်စိတ်ပင် ပေါက်သွားပါသည်။ အလုပ်လျှောက်မိတာမှားပြီ။

'' မြန်မာစာ၊ အင်္ဂလိပ်စာ၊ သင်္ချာရယ် Personal Grooming ရယ်ပေါ့ သမီးရယ်၊သမီးတာဝန်ယူနိုငိပါ့မလား...''