(رأيتها صدفة)
بارت2
الشخص:اريد امي هدوني خلي اروح لأمي
عمار/اول مرة ماشفته عدل لان جان الدخان والناس تارسة المنطقة والدنيا تقريبا ضلمة واصلا بالي مو يمهه لان هواي ناس جانت تتصارخ والاصوات جانت هواي بالمكان وجنت اريد شي حتلو بسيط يدليني ع أمي بس هذا الصوت ضل يرن بأذني كلت خلي اروح اشوفه يمكن اقاربي تقربت شوي صرت مسافة شي3أمتار عن الطفلة أباوع هاي عبير اختي لامستحيل..صحت بصوت عالي
عمار:ولكم هاي اختي
عمار/مسحت عيوني وركضت ألهه وهي باوعتلي والشرطة من اجيت اني تركوهه حضنتني وكامت تبجي وتشهك
عبير:...عمار....ماما جانت..جوة وينهه؟اريد امي عمار وين أمي؟
عمار:هسه خيتي هسه حلكاهه مابيه شي لتخافين هسه تجي امي متعوفنه لتخافين حبيبتي
عبير:عماار ماما راحت عماررر
علي:تعالي خلي نكعد يم السيارة وسولفيلي ع كيفج
عمار/مسحت عيونهه واني صبرت نفسي كووه مابجيت لان جانت نبرة عبير كلش حزينه ومقهورة ع امي وتريد امي ومدتلكاهه حطيته جوة جتفي ومشينه للرصيف بصف السيارة كعدنه وهي طول الطريق تبجي واني تنزل دمعتي وارجع بسرعه امسحه ماريد ابين كدامهه ضعيف لو مقهور لان اريد اصير مصدر قوة لأختي
عمار:كافي تبجين حبيبتي هسه نلكاهه بس انتي سولفيلي شلون طلعتي
عبير:امي جانت تشتري من مجمع داخل المول ملابس لمؤمل واني عطشت اخذت فلوس من ماما وطلعت هنا ردت اشتري ماي وعصير وشوي صار صوت ونار فوك
عمار/بنص الكلام عبير كامت تبجي
عبير:عمار ماما راحت بعد متجي؟
عمار:لاخيتي هسه نلكاهه شوفي هاي العالم كلة ديدور ع اهلهم هسه نلكاهه ونرجع للبيت لتخافين هسه هسه
عمار/دا احجي ويه عبير ودك بابا
عمار:هذا ابويه خلي اشوفه كافي لتبجي ليخاف عليجن...الو ها يابة
ابو عدي:ها عموري وين امك؟اختك؟
عمار:هااا يابة لكيت بس عبير
ابو عدي:ييي الحمدلله اكيد امك موجوده وعبير خو مابيهه شي؟
عمار:لا عبير مابيه شي
عبير:كوم عمار خلي ندخل اريد امي ماااااماااا
عمار:انتضر يابة....عبير اكعدي خلي اكمل اتصال ونكوم اسكتي...ها يابة حنجي للبيت اجيب عبير وارجع ادور ع أمي
ابو عدي:يي تعال حته ارجع وياك
عمار:الله كريم خلي اجي
عمار//كملت اتصال من ابوية
عبير:يله كوم خلي ندخل جوة ماريد اروح للبيت بدون امي
عمار:امشي خلي نصعد بالسيارة ندور يلة خوش
عمار/جنت اهدء بعبير بس حته اقنعه نرجع للبيت بس جان كلبي كلش محترك وحابس الدمعة كوة متنزل صعدت عبير بالسيارة وشغلتهه مشيت شوي صرنه بعيد عن المول...
عبير:وين رحت اريد ماما شبيك انت ماعندك گلب انت متحب امي انت متريدة بس اني اريد ماما احبهه عمار كتلك ارجع خلي نشوف ماماتي وين
عمار/عصبت كلش من كلام عبير نرفزتني لان اني محتركة اعصابي وكرهان روحي من كوة متحمل ماسويت حادث وما تعاركت ويه الشرطة نوب تجيني هاي تضل تجاوز وجفص بالحجي
عمار:أسكتتتتي كافي امي موجوده خلص
عمار/هي سكتت بعد ماحجت لحد ماوصلنه للبيت جان تقريبا ب6وربع زلنه دخلنه للبيت ابوية وفرح حضنوا عبير وضلوا يبجون اني كاتم الدمعة ومابجيت من شفت عبير لسا لان اريد احسسهم بالاطمئنان بس خلص عمار انت مو حجر انت بشر مثلهم خلي اطلع اكعد بالسيارة وابجي براحتي
عمار:يله اني طالع شوي وأجي
ابو عدي:اروح وياك عمار انتضرني خلي نرجع ندور ع امك
عمار:لا يابة ضل يم البنات خاف يصير شي بعد
فرح:اصلا عمار انت شكو رايح بعد خاف يصير شي بالمناطق الباقيه اكعد
عمار:لارايح للمول ادور ع امي بالكت الكه شي يدليني عليهه وارجع ماطوول ديروا بالكم ع نفسكم وع مؤمل ممنوع تنفتح الباب
عمار/طلعت كعدت بالسيارة شسوي؟أذا رحت هسه للمول مستحيل الكه أمي من بعد هذنيج المناظر والناس الفحم مستحيل تطلع أمي عايشه اذا مالكيتهه ورجعت فارغ شكول لأهلي مالكيت امي؟شلون شسوي؟شنو احجي ويه العالم اني بأيدي وديت امي للموت؟بأيدي اخذت امي دخلته بنص الانفجار؟رن جهازي بجيبي طلعته باوعت عليه هاي فاطمه بس مالي خلك واذا اعوفه يتصل حترجع دك بعد وتخاف علية فتحت خط
..بنبرة كلة خنكة وحزن
عمار:الو
فاطمة:ها عمار بَشر وين امك؟اختك؟
عمار:فاطمة
عمار/اختنكت كمت ابجي
فاطمة:احجي عمار صاير شي؟
عمار:يي كلشي صار بسببي لكيت بس عبير ورجعتهه للبيت بس امي ماهية.. فاطمة؟؟معقولة اكو ابن هيجي سيئ ونذل مثلي لهل درجة؟فاطمة ولج بأيدي اخذت امي للانفجار وبكل دم بارد وصلتهه ورجعت فاطمة اني ابن سيئ فاطمة امي ماهية راحت فاطمة امي حتركت
فاطمة:لاحبيبي لتكول هيج انت شمدريك حيصير هيج بالمنطقه؟لتحمل نفسك الذنب مو انت السبب
عمار:لعد منو السبب كوليلي؟خلص خلي ارجع
عمار/رفضت الاتصال شغلت السيارة رجعت للمنطقة بعدهي كما هي صرخات الاطفال أدور ع اهلهه والامهات أدور ع اطفالة والاب يدور ع اولاده ضليت بالسيارة وابجي هنا عشرات الاطفال تيتمت بالام لوالاب ونفس المكان عشرات النسوان ترملة وأب هنا فقد أبنه..الجثه تطلع محروكة اكثر من القبله منو المسوؤل ع هذا؟منو يتحمل ذنب الناس مثل الورد راحت..وحتركت بدون ذنب..
يتبع..بارت3
