لم يكن ذنبي

البارت السابع والثلاثون

البارت السابع والثلاثون

لم يكن ذنبي

للكاتبة حوراء الموسوي

مساءكم معطر بعطر الرحمن 🌹

لا #يگلــبي الدنيه #عــالت

         والجرح كلّــش #كلــف

و الغنه أتحــول #بواچــي

          و #الونين أصبح عــزف

😔👇🏽💔
#اييييي_يروحي

#هيه_من_الاول_ما_صفـت_عـود_ارتجي_لتاليهـا ؟

#

حنين : غلقت الجهاز الجابه كرم وقررت ارجعله الشغلات التخصه

جمعت كلشي جان يجيبلي دببه وهدايا ورد ساعات يعني كلش بالكم كرم جابه اليه

كلشي جمعت خليتهن بعلاكه وحتى السوار الجابه من نجحت خليته بعلبته قررت ارجعله كلشي يخصه خاف يكول ضحكت عليه وقطتني

لان السالفه مبينه كرم اني ويا مراح ننجمع المن محتفظه بشغلاته ونصيبي صار ويه يسار هذا حد تفكيري معبالي مضموتلي مصايب وحتوكع ع راسي..

اتصلت عليه حتى ياخذ الغراض مجاوب ٥ مكالمات ومجاوب

دزيتله رسالة

💌 شلونك تعال اخذ كلشي يخصك حتى الموبايل

ثواني وجتي رسالة من عنده

💌 مفتحت خط ماتحمل اسمع صوتج هسه اجي اهجم بيتكم عليكم

اما الغراض عيب عليج حنين اني طالبتج بشي؟.

من طلعن من سيارتي خلص صارن الج

هاي اذا محرگتيهن هه الخاطر عيوني يسوري يا كرم منو يذكره

هو اني حظي ويه اهلي مكاعد اله وياج

موفقه حنين شايفه الف خير بس صدكي حقي أخذه منج وكسرت كلبي مافوتها طالما بيه نفس....

من قريت رسالة تأثرت دموعي نزلت يعني معقولة اني تسرعت؟؟

لو متمسكه بكرم امي جان ساندتني بس والله الصوج مو بيه هو بعد نفسه وحتى طردني من رحتله وكلام عمر من كال تراجع من ناحية الارتباط الرسمي

يعني هذي كلها اسباب خلتني أأيس من كرم

اجتي امي شافتني بيدي الموبايل وعيوني مورمه

خزرتني وكالت

سهاد : ها شنو حنيتي لكرم لضربج بلقندره وهسه صرتي عزيزة

لا تصدكين بكلام كرم اني امج وانصحج تره يريد يخرب عليج وجذاب ميخطبج لان شاف السيد خطبج انقهر

عباله تبقين مجلبه بذياله اطوي صفحة كرم والتهي بزوجج الله دزه الج ينقذج ويخلصج من المرار والظيم لا تلعبين بذيلج وكلامج ويه كرم حرام بعد صرتي بذمة رجال تعتبر خيانة يم تربة وقرآن