كاعدين بليل
منتهى مكعدهة على رجلي وحجي وياها واني حاظنها من خصرها بثنين اديه مطوقها
هااا حبيبتي شگلتي
ياااا شنهي بعدهي فطومة زغيرة
سنه ونص عمرها منتهى هم يالله نجيبلهة اخ
اني احب الجهال
شني سنة ونص عود جبيرة غير انه الي اتعب بيهة وحبالتي كلش صعبه
ومنو يكولن اجيب ولد يجوز هم بنية
خير وبركة ويصير عدي بنات ثنين شحلاتهن
ممممم خل اشوف الله كريم
لاااا من اليوم اتركين المانع وهم تعالي اطيني بوسه
يبووووووي هم تريدني احبل وهم اطيك بوسه ترة كلش هواي عليه هاي الضغوط
هههههههههاي عدهة الحباله والبوسه ثنينهن نفس الصعوبه
ههههه اذكر من جنت بعمر 14 او 15 سنه جانت جوارينه بتهم تخبل دبدوبه وحلوة وعدهة شامة بخدها واني اجيبهة وظل ابوس بخدودها الى ان تصرخ الطفله وتبجي ههههههه
لو خالي الزغير يجيب بته وياه هية شكره بيضه وحلوه اول ما يدخل ينطيني تحذير
ايااك ايااك عبدالله تبوس زينه
ههههه تظل تبجي من ابوسها
الله عاقبني بمرة اتوسل بيها عالبوسه ومتقبل
وعود هية تريد تخوفني تكلي بالله لو ماخذين فطومه فصليه جان شكلت شحجيت
غير افتح راس عشايرهم شنو هية كوترة وياخذون فصليه الا اني ميت مو عدل
طبعاً اثناء الكعده واحد ساقط من عدهم راد يذلنه عود وكال نريد فصل مرة جبرة خاطر للولد راسه كلش مضرر
وانه منبه شيخ عشيرتنا اي طاري للفصليه ممنوع يردون فلوس يردون اي شي بس لا يجيبون طاري النسوان
عاد عمامهم قبل لا نحجي احنه همة جاوبوه وكلوله هذا الشي ما مسموح عدنا مو عاد نروح نطبقه على غيرنا وسدوها للسالفه
وبما انه الطرفين متضررين فالفصل ما كان جبير لان بشهادة اهل المحلات همة الي عالو بينة
والعشيرة دفعته من الصندوك
وفضت وراحت
بس اني الي كمت اتضايق من شغلي ويه جاسم يوميتي متكفي مصاريفنا
وحته اهلي مجاي يكفيهم المصرف
بس جاسم ولسانه الطويل شنكول وشنحجي
غير يطلع النه السان الدلاله ويظل يصيح اني شصير وشلحك كله عليه
وهوة المحل ابويه الي سواه احنه مجرد عمال بي
بس وين جاسم وهيمنته عبالك كلنه نشتغل عنده
محمد هم ينطي مصرف بس هم ميكفي لان عددنه ماشاء الله
ثلاث جناين وفروخهن هههههه هاااا للعلم مرت جاسم جابت بنيه
كلت اشوفلي شغله مناسبه اله اترك المحل
وصار وحملت منتهى وبدينه بمعاناة وحامها وتقلب مزاجها واخلاقها
وظهرت عليها علامات الصلافه
تتواكح حته ويه امي الي هية تصير عمتها اخت ابوها
وما تهتم بس الراحتها وبس
هم اعذرها لان وحامها كلش صعب اتظل بس راسها يوجعها وخملانه وروحها طالعه وشتاكل اذبه وفطومه زغيرة متعبتها
أنت تقرأ
الجنة ليست لها
Romantikالجنه تحت اقدام الامهات وضعها الله سبحانه جزاء للتي تستحقها فهل يا ترى ستكونين ممن يستحقونها فأن كان لكي فيها نصيب فنصيبي منكِ سيطردكِ منها قريباً بقلم قمر الزمان 💋💋
