(رأيتها صدفة)
بارت3
علي/منو يتحمل ذنب الناس مثل الورد راحت وحتركت بدون ذنب منو المسوؤل عن كل هذا؟كل شوي احط ايدي ع يدة الباب اريد انزل ادور ع أمي بس ماعندي رجلين تحملني حته انزل اكول شلون لو نزلت وشفت امي فحم صايرة؟شوي وصارت عيني ع المراية الأمامية باوعت بعيوني كلهن دموع ضليت احجي بالمراية
عمار/لك عمار انت انذل انسان شفته بحياتي لك انت حرام عليك تتسمه ابن وحرام ع اهلك بعد ينطوك ذرة خبز لان انت انسان خسيس ومو مال عائلة شنو تكول لأهل فاطمة من تروح تخطبهه؟اني الشاب الانيق يلي اخذت امي للموت؟اني الشاب يلي كتل امه بايدة؟اني ودااحجي ميت من الجوع والعطش اتصل ابوي
عمار:هلا يابة
ابو عدي:يله بوية تعال افطر حيأذن
عمار:صار أجيت
عمار/شلون حرجع للبيت امي ماهيه؟شلون ارجع للبيت اكعد اكل وامي ماتت وصارت فحم؟مسحت عيوني وشغلت السيارة ورجعت..دخلت للبيت لكيت ابوي بالصالة يبوع تلفزيون
عمار:السلام عليكم
ابو عدي:وعليكم السلام ها بشر شسويت؟
عمار/طلعتلي عبير وفرح يركضن من المطبخ
عبير:هاعمار ماما وينه؟
عمار:هاا
ابو عدي:احجي ابني شبيك؟
عمار:مالكيتهه
فرح:شنوو
عمار/بصوت بي صدمة وحزن
عبير:يعني ماتت ماما؟
عمار/اني دنكت خجلت من اختي ومرت اخوي وابوي اني بأيدي كتلت امي شلون هيجي بعد شلون ألي عين اباوع الهم؟وهنه فهمن كلامي كبت العياط بالبيت يبااو ويباااو وأبوي كام يبجي وطلع مؤمل من غرفتهم يركض ويبچي اخترع منهن شلت الطفل وهنه مستمرات بالعياط والصياح دخلت للغرفتي ومكابل مؤمل وابجي ع امي والوم حالي شوي وندك الجرس(طرن وطرن)طفرت رحت فتحت الباب طلعت ام جاسم جيرانه صديقة امي المقربة...ووجهي ميكصه الطبر من البجي
ام جاسم:السلام عليكم
عمار:وعليكم السلام
ام جاسم:خالة شنو هذا صوت العياط خير؟
عمار/دنكت
عمار:الوالدة
عمار/بصوت عصبي
جيرانه:مااااتت؟
عمار/دفعتني من جتفي ودخلت للبيت تصييح يباااو ويبباو..سديت الباب ع كيف ودخلت مدنك للغرفه واتصل اخوي وحجيتله القصه هم سمع من الاخبار مول بالكرادة تفجر وعرف امي ماتت هناك وراح يجي بتكسي لان مالي خلك اروح اجيبه وخاف يصير شي بينه بالطريق لان منا السامره بعيد الطريق وباليل واني عيوني بعد ماشوف بيهن من الپجي طبعا لعد واحد ماتت امه شلون يصير بعد؟..وصارت ب8وره اذان المغرب بلشت العالم تجي للبيت زلم ونسوان واحنه عدنه استقبال خارجية للخطار اني وابوي رحنه هناك نستقبل الزلم أجو عمامي وخوالي والجيران واصدقائي بالمدرسه هم سمعو بالخبر من واحد لواحد وأجو للبيت وعفنه البيت الداخل كله للنسوان..بس ماعدنه جثه ندفنهه اتصل عمي ع سيد معروف بغداد وكال اذا ماكو جثه عادي دفنون قبر فارغ بأسمهه..فأجه ابن عمي ووزع ماي للزلم واني وأبوي شربنه هو هذا فطورنه من السحور وابوي كال انتضر عدي يجي ونروح للمقبرة صارت ب10ونص اجه عدي للبيت سلم ع الزلم وطلعنه أحنه والزلم كله للمقبرة حته نسوي قبر فارغ للوالدة وكملنه اجرائات الدفن لل12رجعنه للبيت الجيران كل واحد راح لبيته وضلو بس عمامي وخوالي واولادهم بالاستقبال صاحتلنه عمتي دخلنه للبيت جوة ماكو احد غريب كلهن نسوانه عماتي وخالاتي...والجيران كلهن راحن كعدنه نواسي بعضنه باوعت ع عبير وفرح الوجه أصفر والعيون حمر اني عرفت هنه ماماكلات شي مبين عليهن
عمار:عبير وفرح كدامي للمطبخ
عمار/اني صح عمري18سنه بس اختي ومرت اخوي يحترموني كلش ويحسسني اني رجال البيت بسرعه طفرن ودخلن كدامي واني كمت رحت وراهن
عمار:بسرعه سولي اكل جوعان
عبير:صار
عمار/بسرعه حمن الاكل وحده سوي زلاطه وحده تسوي التحضيرات من كملن
عمار:يله امشن افرشن سفرة بالصالة خلي ناكل
عبير..فرح:اني ماريد
عمار:واني أكول تردن وغصب مفهوم؟
عبير:صار
عمار:اخذت السفرة كدامهن ورحت فرشتهه
عمار:محد يدري بالبنات ماماكلات شي؟
ام حسن:ياا عمه ليش شنو مافاطرات؟
عمار:يمته لحكً يفطرً؟اجن النسوان وكعدن اكيد ماكلن شي
عمار/جابن البنات الاكل وراحن ع القنفه كعدن
عمار:كلت كومن اكلن ماعيد كلامي
عدي:كومن اكلن امي متقبل ضلن جوعانات اليوم حرام عليجن!
عبير:منشتهي
عدي:لاخيتي حبيبتي ميصير حرام عليج امي حتنقهرن لان هسه هي ويانه
عمار/نزلن واكلنه كملنه وضلينه كاعدين نتفق باجر شنو نسوي للفاتحة؟لل2باليل كلمن راح لهله عود باجر يرجعون واني دخلت لغرفتي بدلت لبست برمودة وفانيلة مددت ع الجرباية فتحت الجهاز لكيته محترك بالاتصالات من فاطمة ودازتلي رسائل هواي لان اني من العصر من رفضته بوجهه ومارجعت حاجيتهه فتحت الرسائل
فاطمة:هاعمري بشرني حباب وينك وشنو صار وشنو سويت وين امك
عمار:امي ماتت مالكيتهه!
عمار/ولكيت اصدقائي مراسليني علمود الوالدة وجاوبتهم وغيرت صور البرامج حطيت حداد كملت وقت الجهاز ب8ونمت..كعدتني عبير ب7ونص ماصايمين لان نريد نوكف بالجامع والبنات عدهن قراية خاف نتخربط تريكنه وطلعنه اني وعدي بالسيارة نروح للسوك نجيب غراض للفاتحه ماي واكل مرينه ع البناية اخ كلبي وجعني من شفت..
يتبع..بارت4
