" عاشق لميمات "

عاشق الميمات - الجزء 41
----------------عاشق الميمات - الجزء 41------------------ خليناها فالجزء السابق نلي كنت كانشطح انا و ريم ونبيل ام العروسة من بعد كانشوف واحد العزري تكون فعمرو 27 سنة جالس فالطابلة اللي حدانا وكاينغز هونيدة فضهرها وشاد تيليفون فيديه دارها مفروشة المكلخ اللي ولدو انا لي ولد العروبية ومانديرش هاد الفعلة المفروشة وهونيدة مكمشة مابغاتش دير شي ردت فعل باش مانلاحضش ولكن هايهات هايهات ا هونيدة ديالي غي تهناي ا الحبيبة ديالي راني شفت كولشي ودابا غاتنوض الشلاضا والموناضا كانت نبيلة وريم شادين لي فيدي دفعتهم ومشيت كانجري دربتو لوجهو بالصباط بواحد الجهد ماعرف باش تبلا ناض صاحبو بغا يدافع عليه ضربتو ب بونيا لوجهو (وقفات المزيكا) جاو الحراس اللي فالباب خرجوهوم الناس ناضو مشات نبيلة خدات المبكرو و قالت : حنا هنايا كانحتافلو بالعرس ديال بنتي انا هاد ال 2 اصلا ماعارفاهوم ماهما من عائلتي ما هما من عائلة العريس اللي من عائلتي وماعرفت منين جاتهم بطاقة الدعوات وجايين كاييتبسلو على بنت الصديقة ظيالي واللي عي الخطيبة ديال سي احمد اللي ضربهم تا واحد مايبغي شي حد اتحرش ليه ب بنتو ولا ختو ولا مو لذالك غانطلب منكم تجلسو ونكلو العرس ديالنا بحال الا ماوقع والو الدخلاء خداو الجزاء ديالهم ورجال الامن غايتكلفو بيهم والعرس بالرخصة من الدولة ماعنهم مايصورو منا كولشي بقا كايسفق على نبيلة اللي بهراتني بحلاوت اللسان ديالها بدات المزيكة والناس هضمو هاد الواقعة وانا مازال كانغلي من الداخل وجالس حدا هونيدة وهي تشد ليا فيدي وانا نطرها ليها وشافتني ريم حيت جالسة حدايا وبنتها هونيدة من الجهة لوخرا ريم : كالمي واخا ؟ انا : انخرج نبدل الجو شةيا ريم : ماتعطلش خرجت جلست مع خراس الامن اللي فالباب انا : فيناهوما دوك الكلاب ؟ السيكيريتي : عييطنا ليهم على البوليس داوهم انا : كون غا هليتوهم نطفي فيهوم هاد الناس اللي فيا السيكيريتي : وجهو دمايات بالضربة اللي عطيتيه شويا وهي تخرج عندي هونيدة انا : اجي هنا اجي جات عندي عطيتها 2 تمرميقات تلفتها على القبلة غي السيكيريتي اللي فكها مني انا : طلقها تجي هنا عندي السيكيريتي : الله اخليك اسي احمد صافي هادا فرح انا : غي خليها تجي عندي هنا نهضر معاها جلسات حدايا كاتبكي انا : ماغاتبقايش فيا حيت النار اللي فيا باقا ماتطفات واخر مرا اتبسل عليك شي واحد وماتقوليهاش ليا هونيدة : مابغيتكش دير شي مشكل وماباغاش ليك المشاكل انا : بنادم ايموت على ولادو ولا على بلادو اللي قرب ليك نمحي موو تكات عليا وطلبات السماحة وبقات كاتبكي وتفكرت كلام ختها نوهيدة ملي قالت ليا باللي هونيدة قلبها طييب وماكاتبغي تجبد الصظاع لتاحد ونطهلا فيها حيت قلبها هشيش ويتيمة هنايا عنقتها تا انا وصونيت على غزلان تجيب معاها شي حاجة تقاد الماكياج ديال المهم جات غزلات ودات هونيدة لفيستير تقاد ليها وانا وليت شويا ودخلت فحالي جلست حدا ريم وسولاتني على بنتها وقلت ليها راه فالفيستير المهم الحيحا نايضا بالشطيخ والرديح نضت بديت كانعلق لشيخات كيما درت لهادوك اللي قبل الجو مابقاش مكهرب كولشي ناشط جات هونيدة جلسات حدانا وولات تا هي شويا مابايناش فيها كانت كاتبكي جا وقت العشا بداو كايعطيونا نغسلو فنفس الوقت ناضت واحد المغنية كاتغني لينا اغاني الزمن الجميل بداو لينا فالاول بالبصطيلة تاع الدجاج مدردرة بكاو كاو والسكر كلاصي والطروفة ديال اللوز وحاطين لينا الفرشيطا والموس انا عمري كليت بهاد العالم قطعات ليا ريم واحد الطرييف وحطاتو قدامي كليتو هادشي بنين احمادي من ورا البسطيلة جابو لينا الدغموسي احمادي طبصيل قدو قداش فيه 4 ديال الدجاجات والدغميرة مابغاها تا حد وحطو لينا الخبز ههههه دابا فهموني واحد الفروج كان عاطيني بالمسكوو ديالي شظيتو قلبتو وانا نبدا عليه هاك بالاك تا خرجت لكاركاس ديالو ملي كانبدا ناكل ماكانشوفش فجنابي هههههه ودورو لينا العواصر كتر من 3 ديال المرات المهم بنادم كلا شبع وكانظن غي هادشي لي ماين شويا هما يجيبو الوجبة الثالثة انه اللحم الاحمر يا سادة وا البقري احمادي غي الهبرا مشتتا فين غانزيد وانا دخلت فالبسطيلة والدجاج طول وعرض من ورا العشا عطاو لبنادم اغسل وجلسات المغنية ودخل داك المغني ديال الاغنية الشعبية استقبل العروسة والعريس باغنية زوينة تفاعل معاها كولشي من بعد دخل مول الجوق اللي نشط لينا العراسية اللي كانت فالعروبية واللي عندو 6 ديال الشيخات وحدة تنسيك فلوخرا المهم مع البداية بدا بواحد الديسك احركك واخا تكون حجرة الشيخات عقلو عليا وعرفوني حيت اصلا جالس القدام فالكاولة الرئيسية جات عندي وحدة جراتني قلت ليها التسنا حييدت الفيستا عطيتها لهونيدة وبقيت عليهم تماك ماكاين غير زدح زدح بنادم مافهم تا لعبة تا ريم ونبيلة وهونيدة والكوافورات (غزلان شيماء نورة) وعلال التريتور والسربايا خلاص كولشي بقاو غي كايشوفو فيا والشيخات ضايرين بيا ماكاين غي هاك بالاك وكينا قلت ليكن الشيخات وحدة تنسيكم فلوخرا والديسك شي حاجة زايدا نغزا ناضت معايا خت العريس اللي قلت ليكم كاتعرف تشطح واللي تكون فعمرها 35 سنة كاتعرف تشطح بنت الحرام بقينا كاتشطحو والشيخات ضايرين بينا المهم بنادم ناااااشط من بعد تسالا الديسك ومشيت جلست وبدا ديسك جديد وهزيت الفلوس وبقيت كانعلق لهاد الفرقة الموسيقية من بعد حسيت براسي تزييرت وانا نمشي لطواليط اللي كانت الدخلة ديالها (ركزوا معايا) الدخلة ديالها فيها لافابوات فين اغسلو عيباد الله وعاد كينين 2 بيبان واحد لعيالات لاخور لرجال دخلت انا قضيت حاجتي وخرحت وانا نلقا وحدة من الشيخات اللي مانو كايشطحو معايا عاد دايبا كانت كاتقاد الماكياج ديالها كي شافتني الشيخة : اهلا سيدي انا : بلا ديك سيدي تبارك الله عليك الشيخة : شكرا بزاف والله حتى نتا معلي فينا وبزاف انا : تستاهلو جبد تيليفوني انا : قييدي ليا نمرتك الشيخة : مرحبا قييداتها وكتبات فيها كريمة ومشات وانا تقابلت معا المرايا وبقيت كانقاد فشعري شةيا هي دخل خت العريس اللي قلت ليكم عندها 35 سنة هي : تبارك الله عليك انا : حتى نتيا بخبيزتك هي : ممكن تيليفونك نعييك لواحد الرقم ؟ انا : مرحبا تفضلي .شدات تيليفوني كتبات الرقم وصونات ليه وهو يصوني تيليفونها فيديها هي : ها نمرتك عندي غدا بالعشية نديرو شي كافي على حسابك (لقاتني ماشي من العاكزين مافرلسهاش باللي العمارة ديال الشخصيات راه دزت عليها كاملة جايا تال جنان فليووو كاتشكا فالرواح غانحييد منك هاد الرواح غي بلاتي عليك) انا : ان شاء الله نخليك دابا غادخل خطيبتي تقربلها علينا ههه خرجت مشست جلست حدا هونيدة هونيدة : فين تعطلتي ؟ انا : كنت معصوم كاع البسطيلة والدجاج واللحم حطيتهم عاد جيت هونيدة : تفو عليك ا الخانز ندمتيني حتى سولتك انا : باش ماتبقايش تسولي بزاف ههه شويا هنا يجيو السربايا حطو فكل طابلة 4 ديال الطورطات كبار (شكلاط - فريز - فواكه مخلطة - فانيلا) والعواصر بالانواع الموناضا ماكادورش نهائيا المهم انا بعدا كليت منهم ب 4 هههههه شويا سالا الجوق ودخل مول الاغنية المغربية وبدا كايغني اغنية هادئة شطح عليها العريس والعروسة كانت ال 4 ديال الصباح من بعد جا عندي علال التريتور علال : سي احمد مول القاعة بغاك انا : اللي بغا الطبيب يجي لعندو علال : واخا مشا وجاب مول القاعة مول القاعة : تفضل معايا باغيك فواحد الموضوع مهم انا : مرحبا مشيت معاه لبيرو ديالو مول القاعة : عجبني التجهيز والتسيير ديالكم لهاد العرس وبغيت ندير معاكم شراكة نتوما العرس اللي تجهزوه ديروه عندسدي وانا لي حا اكري مني نصيفطو ليكم والارباح نتقاسموهم انا : الا كان غي الكرا ديال الماطريال من عندا نتقاسمو الارباح اما الا كان التجهيز والتسيير غاتاخد غي 30% مول القاعة : ضريتيني هزيت ورقة وستيلو من البيرو وكتبت ليه نمرتي انا : فكر مزيان وتاصل بيا كيما كان الحال راك غاتستافد معايا ساعة سعيدة خليتو ورجعت لقاعة لقيت العروسة كاتلوح الحلوة (الفانيد الفانيد ماشي ستيك تيك تيك هييي الحلوة الحلوة 😂) من بعد الناس بداو كايمشيو وانا نقول لريم وتيتوزا ديالي نمشيو تا حنا بعد ما شكراتنا نبيلة على الحظور ديالنا المهم ركبت انا فطوموبيلتي وركبات هونيدة مع ماماها ومشينا هما قدامي وانا وراهم تا وصلنا لحي ديالنا تسنيتهم تا دخلو ودخلت الطوموبيل وطلعت دوشت ولبست عليا بيجاما د النعاس وجبت عليها تال العصر فقت لقيت نور الكتكوتة ناعسة فجنبي هي و اسراء هههه فقت غطيتهم مزيان وغسلت وجهي وسناني لقيت فاظمة وحليمة علياء مجمعين جلست معاهم شويا وعاوتلهم على العرس وواعتهم نجيب ليهم CD إتفرجو تا هما من بعد لبست عليا وهزيت طوموبيل ومشيت جنب البحر وانا نتفكر القطعة الارضية اللي عندي فالخرجة ديال كازا اللي انا براسي ماعارفش كيف دايرة والحجم ديالها وتا الثمن ديالها من بعد تاصلات بيا واحد النمرا ماداخلاش عندي انا : الو السلام عليكم هي : وعليكم السلام قوليا احمد ياك ؟ انا : اه هو هادا شكون معايا ؟ هي : تورية خت العريس اللي شطحات معاك البارح انا : اهلا اهلا ههههه هي : فينك دابا ؟ انا : انا فالبلايا حدا الصخر اللي حدا ماكدو هي : 20 دقيقة اني عندك من بعد جات عندي لابسة لبسة تصرية كاتحمق نوصفها ليكم تورية طويلة تكون 175 والوزن ديالها يكون 85 يعني طاي من الحجم الكبير تسالمنا بالوجه وجلسنا فالصخر تورية : اوا ا سي احمد اش كادير هنا ؟ انا : كي فقت زانا نجي و غي احمد بلا سي تورية : ميدوو كيف جاتك ميدوو ؟ انا : مبنتا خليها احمد حسن هههه تورية : باينة فيك حرش انا : بزاف تورية : ونعمة الرجولة عجبتيني فهاداك البارح هههه انا : اودي كاعما تفكريني ههه دوي ليا على راسك تورية : تورية 32 سنة مهندسة معمارية مطلقة بدون اطفال انا : احمد رجل اعمال 24 سنة تورية : تبارك الله عليك ، انا عارضاك لعشا الليلة الا ماعندك شي شغل انا : وانا قابل العراضة ديالك ودابا خلينا نشربو الكافي اللي قلتي البارح على حسابي دخلنا لواحد الكافي تماك قتلنا فيها الوقت ملي طاحت الظلمة تورية : مشينا ؟ انا : ريستو غي هنا ؟ تورية : غاتعشا من يدي وراه دايرة بحسابك فداري انا : واخا ا لالة نمشيو مشيت ركبت طوموبيلتي اللي عجباتها بزاف وتا هي طوموبيلتها زوينة هي قدامي وانا وراها حتى وقفات فواحد البلاصا انا استغربت وتعجبت وقلت ممكن غي غاتقضي شي حاجة ونكملو مشات فتحات الباب ديال العمارة وشييرات ليا باش نزل هنايا صافي تأكدت باللي هي ساكنة فوق... يتبع...