" عاشق لميمات "

عاشق الميمات - الجزء 43
----------------عاشق الميمات - الجزء 43------------------ خليناها فالجزء السابق ملي تاصلات بيا غزلان الكوافورة انا : الو غزلان غزلان : اهلا خويا احمد انا : كاين مانقضيو ؟ غزلان : واه ، راه علال التريتور جاي اليوم كايتقيا علينا هنا فالصالون وراه جرا من الخدمة على واحد من رجال الامن اللي كانو البارح فالباب وجرا على 4 ديال السرباية وتا الطيابة جرا عليها مسكينة انا : جمعيهم عندك تماك فالصالون كاملين غي نسالي لاصال شي ساعة و نص نكون عندكم غزلان : هاهوما عندي غادي نتسناوك راني سادة الصالون تا الخاطر ديال الخدمة مابقاش عندي ملي دافعت عليهم عايرني وقاليا كون كنت تا انا خدامة عندو كون جرا عليا انا : ملي القضية وصلات لهاد الدرجة هاني جاي دابا نيت عتاذرت من المدرس ومشيت دوشت لبست عليا ركبت طوموبيلتي عفطا لوحدة تال الصالون دخلت لقيتو عامر فيه الناس اللي جرا عليهم علال والطيابة كاتبكي ، سبق ليا وقلت باللي الطيابة مرا كبيرة وراها سوداء البشرة ولكن باين قلبها بيض كي الحليب انا : غزلان عاودي ليا شنو واقع بالتفصيل غزلان : قتليك ا سيدي هاد سيهم علال فاي عرس خاص إدي من اي واحد خدا شي بورفوار وبغا ياخد حقو من تا داكشي اللي عطيتيهم فالعرس الفايت وتا الخلصة ديالهم ماكاياخدوهاش كاملة كل مرة عذر جديد ... انا : باراكة باراكة هاني غانتاصل بيه يجي صونيت ليه وجا لصالون تصدم ملي شافهم كاملين انا : اش هادشي سمعت ؟ علال : سمع مني تا انا اسيدي انا : غي احمد بلا سيدي ، تفضل كانسمعك علال : انا ملي خدمتهم نهار الاول راه شرط عليهم ناخد حقي من التدويرات اللي كايشدو انا : واخا هادي نرجعو ليها من بعد ، وعلاش ماكاتعطيهمش حقهم كامل وكل شهر عذر جديد ؟ علال : عندي ظروف عائلية انا : عندك ظروف عائلية خلاتك تاكلهم فرزقهم واخا ا سيدي ، كيفاش بغيتي ربي يعاونك فظروفك الصعيبة ونتا واكل ناس فرزقهم ؟ بلل ماتجاوبني ندوظو لحاجة خرا ، علاش تشرط عليهم داك الشرك و باشمن حق تشرط عليهم تاخد من التدويرة اللي كايضبرو عليها ؟ عمرك شفتي مول القهوة كايقول لكارصون البورفوارات عطيني منهم ولا عطيني حقي من فلوس الديطاي اللي كاتبيع ؟ نخليو هادشي كووووولو ونهضرو فحاجة وحدها ، نتا شفتي غي ظروفك ماشفتيش ظروف هاد الناس كاملين ؟ لي سولناه غاتلقاه هاز هم مدوبل همك علال : ما... انا : لا ماساليتش هضرتي اقسم بالله كون هادشي فراس المرحومة رقية لا بقيتي فهاد الخدمة نهار واحد انا اللي كانعرف حق المعرفة الله ارحمها و اوسع عليها ، هاد الناس غايرجعو لخدمتهم والبورفوارات ديالهم ماغاتشد منهم تا ريال اجي بعدا قوليا شحال كاتشد فالشهر نتا ؟ علال : حتى نكونو وحدنا انا : لا دابا علال : ملي كاتكون الحىكة دايرة فالصيف مثلا كانشد تال 10000 درهم لشهر انا : وانا كاتعطيني غي 6000 درهم لشهر نتا شريك المرحومة ومافراسيش ؟ علال : حاشا ا سيدي انا : غي احمد بلا سيدي ، سيدي وسيدك سيدنا محمد عليه افضل الصلاة والسلام ، حسيت بحال الا كاتكريسي فيا ، و غزلان علاش عايرتيها ؟ علال : كانعتاذر منك اختي غزلان انا : الصالون اخر مرا تحط فيه رجليك بسبابك سدات الصالون هاد العشية هادا اخر انظار ليك غادي نراقب الحسابات كل شهر الا لقيت ريال ناقص كلام اخر علال : سمح ليا انا : فين فلوس العرس الفايت ؟ علال : فالمحل انا : سير جيبهم وجيب الوراق والبان ديال الحسابات مشا جابهم ليا وبديت كانراجل الخسابات ديال الهرس الاخير لقيت باللي الاستوديو خدا حقو ومول القاعة والصالون والخدامة وشاطت 6 ديال المليون انا : تخلصتي نتا ؟ علال : اه انا : شحال خديتي ؟ علال : 5000 درهم راه مكتوبة تماك فالبان انا : و هادو تخلصو ؟ ناضت واحد السربايا وقالت ليا باللي ماخداو والو عطيت الفلوس ل غزلان وقلت ليها تعطيهم حقهم كامل مكمول وتا الفلوس اللي كايتسالو لهاد خونا والباقي تخليه عندها تانرجع ليه وشديت علال وخرجنا انا : غي قوليا فين باغي توصل بهادشي ديالك ؟ علال : ماعندي باش ندافع على راسي انا : على وجه الثقة اللي دايرة فيك المرحومة غادي نسمح ليك واخا شفرتيني والوراق شاهدين عليك نشوف شي حاجة غةنرميك لشارع علال : الله اكتر خيرك ركبت طوموبيلتي ومشيت وصونات ليا ختي هنية فالطريف انا : الو ختي الحبيبة هنية : الو خويا انا : ياك لاباس ؟ الواليد بيخير ؟ هنية : كولشي الحمد لله غير صونيت ليك على الموضوع ديالك انا : قطعي نصوني ليك باينة الهضرة طويلة قطعت عليها وعاوت صونيت من عندي انا : خبر الخير هنية : سحرتي ليهم اخويا انا : كيفاش هنية : جاتهم نورمال ايكونو ضريرات وهونيدة كتر وحسيت بهند مقروسة شويا انا : ديك القرسة لابدة منها هنية : اوا هنية عليك اخويا 2 بنات غزالات وضرييفات شكون بحالك ؟ انا : خوك الحبيب مايستاهلش ؟ هنية : تستاهل كل خير اخويا الله اسعدكم انا : غدا بالعشية انا جاي عندكم ان شاء الله باش نفتح مع ميمتي الموضوع هنية : ربي عوين اخويا خليت ليك الراحة انا : طهلاو فالواليد وردو ليه البال هنية : كون هاني اخويا وراه انا لي مقابلة ليك الكسيبة ديالك ههههه انا : تستاهلي كادو هنية : صافي ؟ انا : طميميعة هههه هنية : طامعة غي فجيب خويا هههه يالاه نخليك بعد ما قطعات ختي هنية مشيت البلايا بللصيت الطوموبيل وهزيت كتاب "الرحيق المختوم" ودخلت كافي شديت نوار مسوسة وبقيت كانقرا فالكتاب ماحسيتش بالوقت حتى تاصلات بيا هونيدة انا : الو حبيبت قلبي هونيدة : حبيبي عافاك اجي دابا ماما مريضة ماعرفت ماندير نضت كانجري تبعني الكارصون يصحاب ليه غانهرب لبه جبت واحد 200 درهم هي لي كادور فجيبي عطبتها ليه ومشيت خليتو مصدوم ركبت طوموبيل ومشيت نيشان نزلنا ريم رمبتها فطوموبيل ديتها لكلينيك الخاص بالعيالات من بعد ما كشف عليها الطبيب قالينا باللي عندها المسرانة الزايدة وخاساها عملية وتا الضغط ديالها مزيان تصلاح تدخل لعملية دابا نيت وعطيناه الموافقة انا و هونيدة حيت ريم عندها الحريق بزاف غي كاتبكي عاد عطاها شوكا ولات بيها لاباس وعيبطو على البناج جا من دارو ودخلوها لغرفة العماليات وهونيدة كاتبكي وانا معنقها انا : غي كوني مرتاحة العملية ديال المسرانة الزايدة ماشي شي حاجة خطيرة وهاد الاطباء زوينين تبارك الله عليهم هونيدة كاتبكي : غي ماما اللي بقات ليا انا : صافي دعي معاها هونيدة : خاص نقولها لختي نوهيدة انا : لا لا حتى تخرج ماماك من العملية بيخير وعلى خير بعد ساعة الزيادة خرج الطبيب وقالينا باللي العملية نجحات والمريضة تحت المخدر وماغاتفيق تال الصباح شكرناه خليت هونيدة دخلات عند ماماها ومشيت مع الذكتور باش نعرف الثمن ونجيبو ليه غدا وقاليا باللي كايعرف ريم وعارف المكانة ديالها فالمدينة وقاليا ماشي مشكل وقتمى المهم مشيت خديت هونيدة بغيت نديها لدار ومابغاتش ولكن بززت عليها حيت ماعندها مادير فالكلينيك خرجنا من السبيطار رمبنا فالطوموبيل وعطيتها تاصلات بختها من عندي حيت عي مكلمات تل خارج المملكة وقالتها ليها وفرحات ختها بنجاح العملية المهم وصلها لدار ووصيت عليها سامية وفالصباح نضنا بكري مشينا لقينا ريم فاقت سلمنا عليها وبقات هونيدة معنقاها ريم : نهار على النهار كانزيد نتاكد باللي بنتي جاها الرجل المناسب وباللي الثقة اللي دايرة فيك فمحلها انا : غي رتاحي ماضربي حساب لوالو انا اليوم نازل لعروبية نشوف الواليد كي بقا وندوز تال المعمل والشركة اللي فالفيلاج نشوف الاجواء تماك وغدا بالعشية نكون هنا ان شاء الله ريم : رد البال لراسك عافاك انا : كوني هانية ، شكون غايبقا يدي ويجيب هونيدة لعندك ؟ ريم : غانتاصل ب سامية تجي بطوموبيلتي راه عندها بيرمي انا : صافي دابا رتاحيت المهم مايكون عندك باس انخليكم دابا خرجت وانا نتاصل ب تورية وقالت ليا راها فالبيرو مشيت عندها جلسنا رحبات ليا وجبدات ليا البلان ديال الفيلا اللي باغي نبني والله حتى ضهشراتني فيلا بحال قصر مصغر لاكاب كبير بواف فيه تا البارك اهز 6 ديال الطوموبيلات و لفوق كاينين 3 ديال الطبقات والفيلا فيها 500 متر هادي غي اللي غاتبنا خلي عليك الجردة وزييد وزيد انا : بهرتيني والله تورية : هاد البلان كادو من عندي ماغادياش نتخلص فيه انا : اوا شكرا ا لالة ، فين خليتيها مع مول الشركة ؟ تورية : بالبني ديال الفيلا والكريااج الكبير اللي ضاير بالارض ديالك كاملة قاليا 300 مليون كاش انا : ماعنديش خبرة فهادشي تورية : 300 ميلون غاتحدها ماغاتزيد ليه تا ريال حيت فيها الاتعاب ديالو وفيها فلوس السلعة... راه مناسبة وغي حيت كايعرفني جبدت الشيك وعمرتو ووقعتو ولكن درت فيه التاريخ بعيد حتى نوقع الوراق مع مول الشركة عطيتها الشيك وقلت ليها توجد لي الوراق كاملين وهما غير ابداو فالخدمة فهاد اللحظة هونيدة صونات ليا وكانت كاتبكي... يتبع...