أنا .. وأخوتي

سأحاول الإبتعاد عنك

ينظر جهاد لهديه بصدمه: ليش طيب .. فهميني

هديه بحزم: تجربتك مع سالي .. أكيد راح تأثر عليك .. ومادام دخلت في حياتك وحده وأقمت علاقة معاها .. فمن المستحيل إنك تنسي جسم المرأة .. وأنا ما راح أرضي إن يكون مروان في موضع مقارنه مع أحد

جهاد بقلق: عمه .. ترا إنتي فاهمه الموضوع غلط .. ما كان في أي علاقه حب بيني وبين سالي .. هيا كانت مجرد أأأ ..

تقطع هديه كلام جهاد بحزم: يمكن علاقتكم كانت تسمح لها إنها تجي المستشفى .. لكن ما تسمح لها تسوي هالحركات .. وتبوسك قدام الناس .. جهاد .. أنا إمرأه وأعرف كيف المرأة لما تحب وتغار إيش ممكن تسوي .. حتي نظراتها وحركاتها كانت جداً واضحه .. وسكوتك وهي تتكلم عن علاقتكم .. وبتحاول تقهرنا وبالذات مروان .. كان أكبر دليل إنك موافق

جهاد بإرتباك: عمه .. عمه .. أنا كنت بحاول .. إني ..

تضع هديه يدها على خد جهاد بحنان وتقطع كلامه المرتبك: حبيبي جهاد .. أنا ما قاعده أحاسبك .. وزي ما قولت لك هذا من حقك إنك تختار شريك حياتك ومن حقك يكون عندك أولاد منها .. وصدقني ما راح أزعل من قرارك .. وراح أكلم مروان وأفهمه .. بس قولت في البداية أكلمك إنت بالأول

جهاد يمسك يد هديه ويقبلها بندم: عمه صدقيني أنا بحب مروان .. أحبه .. وما أبغي أتزوج غيره .. وما أبغي أتزوج إمرأه ولا أجيب أولاد .. أنا أبغي مروان وبس .. لا تحرميني منه يا عمه .. أرجوكي

هديه بحرقه: جهاد .. أنا المفروض أفرح بهذا الكلام .. بس غصب عني .. لازم تبعد عن مروان وتشوف حياتك .. أحسن لك وأحسن لمروان .. أعطي نفسك فرصه مع وحده وصدقني راح تنسي مروان

في هذه الأثناء يخرج مهند من غرفته ويسير نحو الحمام .. يسمع صوت هديه وجهاد يتحدثان في غرفته .. يقترب من الباب بهدوء .. يضع مهند أذنه بفضول على الباب ليسمع ما يقولون

هديه تقبل جهاد وتحضنه بحنان وتهمس بحرقه: سامحني يا حبيبي .. أتمني تكون فهمت إيش قصدي

يقوس جهاد فمه بحزن ويهز رأسه .. تقف هديه وتسير نحو الباب .. تقترب هديه من الباب وقبل أن تفتح الباب .. يقف جهاد ويقترب منها وبصوت منكسر: عـ عمه

جهاد ينظر لهديه بحزن: أنااااا .. أناااا راح أبعد عن مروان .. وما أفكر فيه .. وما راح أتزوجه .. وراح أشوف وحده غيره أتزوجها عشان تجيب لي أولاد

خارج الغرفة .. يفتح مهند عينه بصدمه بعد سماعه ما قاله جهاد .. يتراجع مهند للخلف بسرعه ثم يجري نحو الحمام بإرتباك خوفاً أن يفتح أحد الباب ويراه .. يدخل الحمام ويقفل الباب بهدوء .. يرتكز بظهر على الباب ويرجع رأسه للخلف