الدكتورة أسيرة الزعيم 🔫👩‍⚕️

الحلقة 42

ميار: حاول يغتصبني...
حل عينيه صفاحي من واش يسمع حس رجليه تقالو و مقدروش يرفدوه دار و شافها عينيها حمورة بالبكا و ترعش بكلها بدون  سابق إنذار راح عنقها و خلاها تبكي محبسهاش خلاها تفرغ واش في قلبها و قعد يربت على شعرها اما هي بكات بكات حتى سكتت جبدت راسها عليه مسحت دموعها: راك حاب تعرف ؟
سام: خلي كي يلحق الوقت
ميار: نن نظن لحق الوقت المناسب
سام: كيما تحبي
سام: كان عندي 21سنة تعرفت على واحد حبني و حبيتو كنا نهدرو ليل و نهار كل دقيقة و كل ساعة كنا نتلاقاو بزاف كل يوم كان حبو ليا هوس مش حب انا في هذاك الوقت كنت نقول يحبني اكثر من كلشي لدرجة سمح في صحابو على جالي و  انا قلت لازم ندير كلش باش نثبتلو اني نحبو حتى جا نهار لي قال واحد لانو برك شاف فيا و هدر معايا ضربو حتى رجع الراجل كلو دمومات دخل كوما و ليلتها مات انا تشوكيت من واش قدر يدير قدر يفرط في روح تلاقينا موراها و قتلو: كيفاش قدرت دير حاجة كيما هادي نشفا قالي اذا اضطريت نقتل اي واحد يشوف فيك راح نقتلو انا لتم خلاصولي الاسباب باش نقعد معاه خرجت و قتلو ماراحش تزيد تشوفني حياتك قاع مورا الحكاية بيومين جا عندي لافاك باش يطلب السماح و يلين الوضع قالي هيا نروحو نفطرو و منها تسمحيلي انا رحت معاه بلا منشوف مورايا ركبت معاه و رحنا دخلنا في طريق خالية كي قوتلو وين دايني قالي داري راني موجدلك قعدة باش تسمحيلي قالي ليلة ماراحش تتنسى و غمزلي في آخر كلامو انا ماكان عندي حتى شك لانو كنت جايحة و ندير فيه كونفيونص لحقنا كانت دار تاع قرمود الحق شابة دخلنا كانت عادية مخدومة بالحطب و الحاجة لي حيرتني انو كانت مغبرة يعني عندها مدة متفتحتش رحت باش نسقسيه جا شدني من يدي و .....سكتت شوية طلعت راسها تشوف في سام عينيه حمورة و كملت: شدني من يدي باسني و بعدها داني لشومبرة كانت تما رماني فوق الفراش و طلع فوقي .و قوات بكيتها طلع فوقي و قالي: اما مهووس بيك راح نخلي بصمات تاعي باش تكوني ملكي غير انا ....انا قاعدة نعيط و نبكي مقدرتش نقاومو مي ربي شاف فيها و كانت لتما قرعة شراب رفدتها و ضربتو لراسو داخ انا استغليت الفرصة و رفدت مفاتح الطونوبيل و رحت بيها لاقرب مركز شرطة بلغت عليه و حكمو علبه المؤبد بتهمة المهلوسات و القتل و تلاغتصاب ..
كملت هدرتها و ناضت تجري دخلت لصالدوبان و طرطقت بالبكاء اما هو فضغط على الكاس لي كان في يدو حتى ولا فتات و ناض راح عندها و هو يحاول يخبي يدو لي راهي مدمدمة راح عندها لقاها خارجة تخطاها و دخل غلق الباب و غسل يدو هي راحت تقعد حتى لمحت في الأرض زجاج و بقع دم تبعت الدم شافتو جهة الصالدوبان راحت تجري فتحت الباب شافت يدو في حالة تخلعت و راحت تجري شدتها بيدو : واش بيها يدك !! ااه اصبر راحت تجري جابت صندوق الإسعافات الأولية و قعداتو و بدات تخدم خدمتها و هي تسايس فيه حتى كملت و لفتهالو بشاش ابيض و باستها و ترمات في حضنو
ميار: امم مي هاد الشي ميمنعش انك تخرجني نفطر لانو راني ميتة بالجووووع
سام: مليون طلب كيما هذا مي بشرط
ميار: نورنالمون انا لي نتفشش مي معليش نقلبو الفيستا هاد المرا واش هو شرطك !
سام: انا نخيرلك واش تلبسي
ميار: امممم اوكي
راحو الشمبرة تاع الحوايج تاعها شافها حل فمو : هادي قاااع و باين تقولي معنديش واش نلبس ولا لالا!
ميار: ههه وي مينداك
سام: here we go (هيا نبداو )
بقا يشوف حوايجها و يخير هذا هكدا و هذا ممنوع هذا شوية هذا لالا
و خييييرا و ليس آخرا لقا و مدلها تلبس سروال كحل مع بوستي فل باج و فيستا باج بالمارون قصيرة و باسكات بيضة
سام: هاكي روحي نشوف كيفاش
راحت تلبس و خرجت عندو : الواحد ميكلش حقك مي عندك الذوق جامي خممت نلبسهم مع بغض مي خرجو بزاف شابين
سام: احم احم علابالي انا حاجة كبيرة .
ميار: نخمم ندير معاك عقد شراكة في التصميم
سام: شووف ااه جابتك يماك
ميار: ههه خلاص هيا نروح نسقم شعري و نجي
سام: نونونو اليوم راكي مسلمة روحك ليا ياك ارواحي . راحت تلقلها شعرها و طملها شوية من الفوق و خلالها خصلات متمردة
سام: المكياج شغلك مي متكتريش
ميار: و الله غير طلعت مش قليل يا سي
ماكيات شوية و دارت ريحتها و خرجو راحو لريسطو شيك يفطرو في جو رومنسي كوميدي..
(بسس عشقت الكوبل هذا 🙊🤫)
نولو لابطالنا نبداو بجوري لي ناضت على صوت تلفونها شافت شكون لقاتها ممرضة : نعم !
الممرضة: استاذتي هناك وجع حرج في المستشفى و الاستعجالات مكتضة نحن بحاجة ماسة اليك
جوري: حسنا ابقو الوضع تحت السيطرة حتى آتى
كوبات و ناضت دوشت لبست و خرجت تجري شافها ماكس : خير دكتورة واش هاد  السرعة!
جوري: لازم نلحق للصبيطار باي راحت و خلاتو ضحك عليها و راح لخدمتو
جوري لحقت للصبيطار لقات الحالة مقلبة الاستعجالات معمرين بالمرضى تسما جابتها نهار قاع و هي تخدم ماكس لي راح للشركة رجع مع العشية قبل جوري دخل دوش و تكسل يستنى فيها لحقت 10 تاع الليل مزال مجاتش عيطلها مردتش عليه بعد شي 6دقايق هكاك بعتتلو ميساج: " راح نضطر ناوب اليوم تسمى حتى الغدوة باش نرجع تصبح على خير " قرأها تنهد تقلق و رقد
  المهم انا هنا نسحق رأيكم و نتمنى تجاوبوني راكم حابين الحكاية تخلاص و لا لالا يعني اذا نزيد نطول فيها و لا ندير تسريع الأحداث نتمنى تجاوبوني❤
و التفاعل راهو ضعييف بزاف لي تقرا تخلي فوت باش نزيد نتموتيفا اكثر و نحط اكثر 😘❤