البارت الاول
مرحبا حبايبي العسل شلونكم❤❤
#ذنوب_على_قيد_الغفران
قد تجد من يعيش لأجلك ولكن ! لا احد يموت لأجلك الا امك .
............................
واكفه بالباب واسمع صوت الحزام يدوي دكيت الباب بكل قوتي ودموعي تجري افتح الباب سالم الله عليك لتضربه بروح امك عوفه خطيه اضربني اني خليني بداله بس لتضربه طفل هذا حرام يارجال
مااسمع صوتج امشييييي ولي منا ... باوعتله لك كلب حيوان امك تكلك روح جيب اخوك تكلها ماعليه مو ضربته بالحزام على رجليه بس عليمن تطلع حاقد وسافل على امك
بألم يابه والله ماصاحتلي والله جذابه اني اصلا ماجنت طالع العصر حتى اذا تريد اسأل امي والله جنت نايم
انجب ولا كلمه يعني عينك عينك تجذب امك سعاد هي كالت اني صحتله يحاجيني من وره خشمه ويكلي يطبه مرض ابنج اني شعليه ولك بعدك بطول الزبانه كلك عمرك 15 سنه بعدك ستوك طالع من البيضه وعدك حقد على اخوتك ادبسزز بس عليمن تطلع تربيه خوالك السزز ذبيت الحزام بالكاع ممنوع تطلع من باب البيت ومصرف ما الك لمده اسبوعين خلي اشوف شلون ماتمشي عدل بعد ... فتحت الباب وطلعت اباوع لامه الغبره واكفه تنحب وتبجي عبالك عدها عزه قزرقط وسم كافي بجي
شتكول لربك باجر لك هذا تعذيب تعذيب متخاف الله انت .... احنه هنا مو سجناء عندك احنه عائلتك مثل ماذيج عائلتك خاف الله بينه يارجال
شو دوخري عني تره روحي واصله لخشمي قسم بالله حرف واحد اخلي هالحزام يلعب على ظهرج خاف عبالج اذا حامل اسكتلج امشيي ولي من وجهي
اباوعله دار وجهه وطلع عايفنه مسحت دموعي ودخلت للمخزن اباوعله كاعد بالزوايه سوده عليه الى متى تبقه مشلوع كلب يايمه بعدك هاكبرك وشبعان ضيم من تكبر بعد شلون ... حجيت بصوت حاد وياه ... ليش ابوك ضربك
بهدوء كلعاده على حساب سعاد
خير شسوت هالمره ست الحسن
كايلتله عود علساس صاحتلي حتى اروح اصيح لمنذر واني مجاوز عليها وغالط واجه رجلج هاد عليه طاحلي ضرب حتى ما انطاني مجال احجي وهالتشوفين الحزام كام يلعب على جسمي واني ماسويت شي حتى جنت نايم كتله تكدر تسأل امي اصلا ماطلعت اني بقيت بالبيت نايم بس منو اني حتى يصدكني قابل فيصل لو منذر وطبعا طلعني جذاب اكو شي ثاني يمه
ماكو داعي تبرر اني ادري بيك متجذب اني اعرف تربيتي وتربيه ايمان متطلع منها العيبه وبعدين عليمن كالب وجهك عادي واذا ضربك يبقه ابوك لو شما يسوي عسى ما يكطعك
باوعتلها ادري بيها ميته قهر علينه بس دائما تظهر القوه متدري حافظها مثل روحي
مديت ايدي ماسحه متونه اباوع على جسمه كله علامات ضرب ... يأذيك
ابتسم بهدوء لتخافين تعودت
تنهدت تعرف ليش جنت مصره اسميك فهد
هز راسه نافي ... لا
من اجيت للدنيا كتلهم اريد اسمي ابني فهد ردتك تصير مثل الفهد قوي ، صلب ، صبور على كلشي مو يتذمر على ابسط شي ، ردتك رجال وهيبه بطلتك ، ردتك ذكي ومحتال محد يكدرلك ، ما اريدك تصير طيب ومضحكه خليك مثل الفهد بشخصيتك وتصرفاتك خلي صفات الفهد تتربع بروحك جنت خايفه لاتطلع ضعيف بس الحمدلله كلما جاي تكبر كلما تصيرلي فهد من صدك
تنهد اذا جنت صابر وصامد على تصرفات ابويه ومرته فهو لخاطرج ولخاطر اخواني مااريد ابويه يشد وياكم من ورايه فرت دمعه من عينه مخنوك الي جاي يصير وياي صعب من وعيت ولليوم اني ابويه مسويني وصلة مسح عمري ماحسيته ابويه
ليش تحجي هيج هو يحبكم بس عصبي ومن يعصب مايسيطر على اعصابه
نزلت دموعه بله ذكريني يايوم سألنه شمحتاجين شتردون اكلتو شربتو نجحتو رسبتو بردانين جوعانين ماكو بيت سعاد رقم واحد واحنه اخر اهتماماته
ديربالك تنَزل دموعك كدام اي احد حتى لو اني انت رجال والرجال مايبجي لاتصير ضعيف لان الضعيف بهالوكت يا ابني مايعيش وينادس بالرجلين بس القوي والذكي ينحسلبه الف حساب هاي دموعك بعد اذا شفتها يافهد ازعل منك وانت تعرفني من احجي حجايه انفذها اني من خلفت ردت رجال استند عليه بعد ما لطشتني الدنيا انت ابني الجبير وسندي وسند خواتك واخوتك اريد امشي واني مفتخره بيك اريد يكولون والنعم من تربيتج ايمان ابنج رجال
بهدوء يعني اذا ما ابجي بعد ... كلها تضل تحترمني وتخاف مني مو منطق هذا
يرادلك وقت كثير وتجارب اكثر حتى تستوعب كلامي ... انت بعدك ستوك بديت تشب شو باوعلي ولك طالعتلك شوارب شوف حتى شكلك اكبر من عمرك عابت شكبرك مااعرف شلون جبتك
ابتسمت كمت لزمت ايدها يله تعاي نطلع انعل ابو سعاد لابو جهالها
لتحجي على ابوك واخوتك لو مهما يكن يبقون سندك ماعندك غيرهم بعدك صغير من تكبر تفهم قصدي
اخوه ومن سعاد لاخير البيهم
حتى لو اولاد سعاد منذر وفيصل وليلى لو مهما يكن يبقون اخوانك وهسه راح يجيك اخو او اخت بعد
جيبلنه بنيه منريد ولد لعبت رواحنه
للكاتبه فاتن دعممم حبايب قَلبـ♡ــيے.
