لم يكن ذنبي

البارت الأربعون

البارت الأربعون

لم يكن ذنبي

للكاتبة حوراء الموسوي

مساءكم معطر بعطر الرحمن 🌹

((ليتني لم أعرفك يا أيها الغريب ....

كنت أعلم إنك الغريب الذي سيرحل مع الأيام ..

وكنت أعلم إنك الشخص الذي لا يوفي بوعده ..

وكنت أعلم بإنني في حياتك مجرد عابرة لا أكثر ..

وكنت أعلم إنك لم تكن لي يومآ ما

وكنت أعلم ان الحظ لا يريدك بجانبي ..

وكنت أعلم إنك ستختار الأفضل مني يومآ ما ..

ورغم إني كنت أعلم كل هذا كنت أحبك أكثر وأكثر ...

رغم ذلك مافقدت الأمل فيك

ولكن مع الأسف خاب ظني ...

وها الآن أتمنالك حياة سعيدة مع غيري

ف هنيئآ لكم ...وتبآ لحبي لك))

يسار : الج عين تحجين وتجاوزين بنت الكو.....

لج ساقطه تردين تسويها وحده بوحده يا بنيه هاي منين جبتي هل فلم؟؟

سكتت ضربني ع ظهري

احجي لج هسه توضحيلي هل خرط الحجيتي والا اخليج تندمين ع كل حرف نطقتي

بسرعة نزلت دمعتي من الضغوطات العشتها صايره ما اسيطر ع نفسي ابجي ع اتفه الأسباب

بس شافني بجيت كبل ترك ايدي دار وجهه ع شباك ضل يستغفر أنفاسه عاليه

ندك باب الغرفة

فرك وجهه واشرلي اروح للحمام

مشيت بسرعة دخلت للحمام وسديت الباب

سمعته يحجي ويه سهى

جايبه الغده كلتله غداكم وحدكم احسن خاف حنين تستحي بعدها جديده

سمعتها طلعت

وسمعت صوت قفلة الباب

رجليه تجمدت من الخوف كلت اكيد ناويها عليها هسه اني شورطني وحجيت هو مو زين مشمرني وخلاهم يذبحوني

ضليت الوم بروحي

دك عليه باب الحمام

خفت افتحه ترددت

انوب تجرأت فتحته كال

يسار : تعالي تغدي وبعدين تفهميني ع كل حرف نطقتي

حنين : لا هسه افهمك

يسار : اشششش من اكول كلمة نفذيها اتركي العناد

كلت اتغدي وبعدين نحجي ميصير نعمة الله تنعاف هشكل حرام لو متعرفين الحرام؟

سكتت شفته نار مو مال اجادله