رجال لاتعرف الحب(مكتمله)

البارت3

مرحبا وياكم #الكاتبة_شهناز_الخزعلي #Jaymin
بارت٣ من القصة الحقيقية  #ذئاب_لاتعرف_الحب

طلع حامد ب انصاف للمستشفى...
وصلوا ...دخلت خابرها الدكتورة حتى تجي ....
واجت الدكتورة بس ماكو طلق...الدكتورة كالت امشي تحركي بالغرفة بالكن يجيج ...هنا وانصاف ارتفع ضغطها ...التوتر والقلق حرت بيها،بهذاك الوقت سنه١٩٩٣ الكل يفضل الولادة الطبيعية ..

محمد:لج هذوله طولوا هناك...شلون امشينا نروح الهم

سلمى:ماروح...روح انته وحدك ....

محمد:المره جاي تولد صفي كلبج

سلمى:ماكدر...ماصفي كلبي... عوفني ماروح..

محمد:لاحول ولاقوة الا بالله العلي العظيم هذا هو ابقي بكلبج الاسود

سلمى/محمد عافني ودخل للغرفة،باوعت علاء ديرسم...رحت للمطبخ بالملحق مالكونتر الخشب اكو علبه شكر ...جبتها الي ،فتحت القبق(القبغ)باوعت للمحبس اووويلي بنت الخياطة رجلها يجيبلها هيج شغلات واني لازم اتحمل ضيم محمد ......رجعت المحبس نفس مكانه ،رحت كبل صحت علاء بدلتله ...
كلت بداخلي اذا ماروح محمد راح يحترمها اكثر وتكبر بعيونه ...

محمد/رحت غيرت ملابسي وكملت اخذت فلوس وطلعت بالطرمه اريد اروح لكيت سلمى لابسه وواكفه كبالي وياها علاء.....

كلت"

محمداي هيج مريتي ..

سلمى:قابل اعوفها وحيدها حتلو متهمتني زور وحجي باطل بس ما اتركها اخيتي هاي ...

محمد:اي عفيه ب ام بيتي هيج اريدج

سلمى/طلعنا للمستشفى....دخلت انصاف بس شافتني نعقجت كعدت...باوعت عليها كتلها"

سلمى:الف سلامه عليج حبيبه

انصاف/مالي خلك يارب سهل ولادتي..كتلها الله يسلمج

الدكتورة اجت

الدكتوره اجت...كالت"

_يلا انصاف الج ٨ساعات ب المستشفى. والطلق ما اجاج راح احولج عمليات.

صدك و حولوني عمليات شفت الموت الاحمر بعيوني.

واخيرا ولدت وجبت بنيه مثل القمر ،حرت ب شنو اسميها ما اعرف؟

زوجي كال من زمان من هو يريد يسمى اسم من القران؟

اقترح نسمي تينه الطفله تينه

زوجي بقى يسولف ويايه بالمستشفى طبعا ما احد بقى وياي بس هي سلمى يعني ماكو احد اهلي جوي شافوني وراحوا لازم اجرعها بقت يمي ..

وبعدين حامد بالليل اجه

اول ما دخل باس راسي وباس الطفله كال"

حامد:الحمد لله يا ربي على هالنعمه.....رجع الطلفه بمكانها و باس ايدي.
هنا وسلمى عيونها صارت براسها تخبلت،ثاني يوم طلعت من المستشفى. والان شقتي فوق رحت ل اهلي.