الجنة ليست لها

الجزء الخامس

البيت هدوء وماكو صوت
استغربت
هههههه اعدادنا كبيرة ممعقوله ماكو احد موجود
اجيت على امي لكيتها كاعدة سألتها ليش محد اكو

كالت مترددة
راحوو

سالتها مستغرب جوابها
وين راحو كلهم

هاااا مو ابن منى دعمتة سيارة وصاير كسر برجله ونزف براسه

هااا صار شكد اله هذا الحجي
البارحة منى خابرتنه والحادث صار اله يومين

وليش يمة ما حجيتي شمعنى اني ما ادري

ليش اكذب عليك خفنه منك لا تشمت بيها
بعد ما قاطعتها كل ذيج الفترة الفاتت
كتلها شلون حجي هذا اشمت باختي ومصيبتها

طلعت مباشر من البيت رحت البيت اخويه فاضل
حته نروح اني وياه
وهم لكيته طالع رايح على بيت منى
رجعت للبيت  وعاتبت امي

حتى فاضل رايح الهم واني ما ادري اخر واحد
يمكن لوما سائل جان ما دريت بالحادث
جاوبتني

يمة شنسويلك كلبك اسود شكم مرة اختك اجت عليك ورادت الصلح ونته تدير ظهرك الهة كلت اذا سمعت يجوز تشمت بيها

اوووف اني هذا ابن منى احبه كلش احبه وعزة وتاذيت علي من سمعت مندعم
صراحة رغم بعدني شايل بگلبي على منى اختي
ومرتين جتي تصالحني واني ما اقبل ارفضها
ومرة حته فشلتها وكتلها روحي الاخوج ذاك الي فضلتي عليه
وجاوبتني انته هم اخويه ماكو فرق بينكم بس انته بيك طبع ما تحترم وتقدر اخوك وكبر منك  راساً تكوم تضربه لا وبنعال وكدام النسيب ما تتفاهم انته

لمن غلط عليه وكلي اكوملك بالنعال محد بيكم حجة

هوة احنه لحكنه نحجي اطيته الركعه بنص وجهة ونوب ما كفاك رديت شلته وضربته مرة ثانيه بس ما طاح بي

روحي منى ماعدي صلح وياج

كالت براحتك وخلت ونزلت مكسورة خاطر
وعادت الكرة مرة ثانيه وهم ما قبلت احاجيها
وبعد كمت من تجي اصعد الغرفتي

بس من سمعت ابنها مدعوم  لا لازم اروح الها

ثاني يوم اخذت منتهى والجهال واخذتله العاب يحبها الابنها ورحنه
تلكونه عيالها وصعدنه الغرفتها دكيت الباب صاحت منو ما جاوبت
فتحت باب الغرفه وشافتني حضنتني مسلمة عليه جاوبتها بس مثكل الوجه
لكيت الولد نايم بالفراش ومتأذي

تحمدت اله بالسلامة وبسته كعدت يمي منى تسولف الي صار

الطفل طالع من البيت هوة وابن عمة
جايه سيارة والسايق ملتهي يسولف ويه بنيه مصعدها وياه الظاهر صاحبته لان ما منتبه على طريقة
لان ابن منى جان واكف عالحايط الركن مال بيت جوارينهم يعني مو بطريق السيارة اشلون عبر عالطفل ودعمة
فوك القهر والسهر والاذيه
رجلها ماكل كلبها اكل
يكللهة انتي السبب ليش الطفل طالع برة بالشارع