" عاشق لميمات "

عاشق الميمات - الجزء 47
----------------عاشق الميمات - الجزء 47------------------ خليناها فالجزء السابق ملي كنا كاناكلو الشوا واحد الشويا كانشوف الوجه ديال هونيدة تبدل وناضت كاتجري خلعاتنا ونضت تبعتها انا وحليمة وام حليمة لقيناها كاتقيا مسارنها قربات تلوحهم مشات مشات حليمة جابت ليها كاس ديال الما عتقات روحها من بعد ماعرفتش اش قالت ام حليمة لبنتها بالشلحة وترجمات ليا حليمة باللي قالت ليها "هاد البنت حاملة 100%" انا طرت بالفرحة بديت كانضحك بهيستيريا وعنقت هونيدة بالفرحة ونسيت باللي معانا ام حليمة من بعد رجعنا كملنا الجلسة معاهم قصرنا ديك الليل و نور جالسة بين خوالها وناشطا معاهم وهازين ليها الهبال تعطلنا فالسهرة حنا كنا اصلا عيانين بالطريق فرشو لينا وحسيت باللي مساكن ماعندهمش شي غطا زوين وشفت ام حليمة خرجات هي وولدها عند الجيران جابو الغطا منهم وجابتو لينا حليمة تكيت انا و مادامتي هونيدة : بغيت نهضر معاك فشي حاجة ضرورية انا : خبار الخير احبيبت الروح كانسمعك هونيدة : نرجعو نمشي نخطب ليك هند انا : باقي الحال هونيدة : ماباقي والو فتحت الموضوع مع ماما وشجعاتني على هادشي وتا انا ضارني هادشي فخاطري بزاف ربي شاهد ديك البنت عزيزة عليا وحطيت راسي فبلاستها احسن عوانها مسكينة انا : الله ارحم من رباك نتي بنت ماكايناش لي بحالك متافق معاك ولكن خلي بعدا غي حتى نمشيو لفيلا ديالنا هونيدة : شحال باقي ليها تكمل ؟ انا : بكولشي شهرين هونيدة : شهرين لا بزاف كي نرجعو دوي مع خالتي عربية وباباك نمشيو نخطبوها انا : واخا احبيبتي لي بغيتي هونيدة : عندي موضوع اخر مهم وبزاف انا : خبار الخير احبي شنو ؟ هونيدة : باغية نلتازم انا : خمار ؟ هونيدة : عبايات انا : ماتساليني غي نشجعك ونوقف فجنبك هونيدة : دويت مع ختك فهادشي وتا مع هند وكانطن كايفكرو فيها تا هما انا : الله ايدير الخير احسن حاجة درتها ملي عرفتكم على بعضياتكم هونيدة : اه والله هند وختك الله اعمر ليهم الدار انا : يالاه نعسو احبيبتي راه عياتنا الطريق نعسنا وفقنا مع الفجر سخنات لينا حليمة الما توضينا وصلينا فالفجر فجماعة انا وهونيدة وحليمة وام حليمة وخوها اللي فعمرو 28 سنة اما خوها الغازي الكبير راه رجع بالليل لدوارهم باش فالصباح ايجيب مراتو ووليداتو ايشوفو حليمة وبنتها فالصباح مع ديك ال 9h نضنا لقينا الفطور واجد فطرنا وخرجت انا ومراتي حدا الدار وهي تجي لعندنا نور حيت مولفانا وبزاف بالاخص انا جات حليمة دات هونيدة وجا خو حليمة عندي قاليا نخرجو نتمشاو شويا فالدوار مشينا ودينا معانا نور ودزنا لحانوت شريت ليها شي حاجة انا : خدام ؟ خو حليمة : لا كانبريكولي فاشما كان انا : تجي لعندنا لكازا نخدمك ؟ خو حليمة : اه نجي كاين اخويا اللي كايجري على رزق دالحلال ؟ انا : ملي نمشي غي نتاصل بيك بعد شهرين باش نحطك فبلاصة زوينة خو حليمة : الله ارحم ليك الواليدين اخويا انا : واليديا و واليديك تلاقينا فالطريق مع الغازي خو حليمة الكبير هو ومراتو و 2 بناتو صغار وولد كبير سلمنا عليهم ماطات ليا مراتو يديها وعتاذرت حيت ماكانسلمش باليد مع العيالات كاين اللي غاينتاقدني ولكن الدين ديالنا هكا قالينا انا درت اغلاط كتير تا مرات الراجل ماوقرتها وطامع فالرحمة ديال سيدي ربي داكشي علاش خاصني نشد طريق الله واخا لباسي عصري وكانتفركس ديما واللحية ماكانربيهاش بزاف ديما مطراسيا المهم وليدات الغازي شريت ليهم من الحانوت وولدو الكبير دورت معاه ومشينا لدار تغدينا مجموعين وتكينا شويا نديرو القيلولة ملي فقنا تجمعنا ومشينا لمقبرة نزورو المرحوم (ابو حليمة) بكات عليه مسكينة وتفكرات ملي قاليها خوها على الوصية ديال باها قبل مايموت وزادت بكات كتر من بعد ما ترحمنا عليه رجعنا فحالنا دارو لينا عشا مبرع وقررنا فالصباح نشدو الطريق انا وهونيدة اما حليمة وبنتها نور غايبقاو فالعروبية ادوزو شي يامات مع عائلتهم حتى تجي حليمة وتجيب معاها خوها باش نخدمو فشي حاجة قبل مانمشيو عييط على حليمة بيني وبينها وعطيتها ديك 3 ديال المليون تعطيها لمالين دارهم اتعاونو على الزمان شكراتني بزاف وباستلي راسي من بعد شديت الطريق انا وحبيبتي مع العصر وصلنا لكازا مشينا رتاحينا وتعشينا عند ريم ديك الليلة وفتحات معايا هونيدة الموضوع ديال هند حدا ماماها وقالو لي بجوجات باللي خاصنا نمشيو فاقرب وقت الموهيم رجعنا لدارنا رتاحينا من تعب الصفر وفالصباح فقت وجت الفطور فطرنا مشينا لطبيبة ديال العيالات كشفات عليها ولقلتها حاملة بالتوام وهي فالاسبوع السابع فرحناا وماقداتنا فرحة عرضت على حبيبتي نتغداو فشي ريستو اصلا الغدا ماكاينش فالدار حيت حليمة ماكايناش مشينا لريستو ديال ريم رحب بينا المسؤول حيت عارف هونيدة بنت مولات الشي وعارفني انا الوكيل على كاع الاملاك ديال ريم جلسنا تغدينا غدا غزال وماخلصناش هههههه من بعد تاصلت بالواليدة وقلت ليها على الموضوع ديال الخطوبة ديالي ب هند فرحات وتحمسات للفكرة فالعشية جات عندي هونيدة حيت كانت عند ماماها وعطاتني خبر زوين باللي ختها نوهيدة غادية تزوج بالاستاذ ديالها اللي هو من اصل مغربي ومو امريكية فرحت ليها وتاصلت بيها باركت ليها للاشارة فقط هونيدة خدات الباك ديالها ودايرة الصونطر كاتقرا فيه على تسيير المقاولات الكبرى وهاد التوجه كان من النصائح ديال ميمتها ليها باش تشد زمام الامور ديال المشاريع واللي قراتها كاتجي توريها ليك و تعلمني المهم فداك الصباح فقت لقيت اسراء طالعة عند الكلاب كاتلعب معاهم واخا كبرو وولاو مضخمين ولكن ضرييفين مع الناس ديال العمارة خاصة معايا انا مولاهم ومع البنات الصغار اسراء بنت علياء ونور بنت حليمة انا وليدات سلوى قليل فين كايخرجو حيت باقين صغار المهم لعبت مع اسراء والكلاب شويا وانا نزلت ندوش ونبدل عليا حيت الكلاب قاسوني بدفالهم لحوايجي بعد اسبوع... مشيت انا ومراتي و نسيبتي ريم وختي وراجلها علي وعايدة وسلوى لعروبية ديالنا ودينا معانا داكشي اللي كايديو الناس باش اخطبو وصلنا لدارنا مع ديك ال 10 ديال الصباح فطرنا وشويا هي تجي لعندنا خالتي سلمات علينا وجلسات معانا شويا جا تا خالي بنعيسى من بعد مشينا كاملين لدار خالي المكي لقينا مرات خالي وهند موجدين كووولشي دخلنا رحبو بينا جلسنا درنا الصواب وخطبات ليا الواليدة هند وتا هونيدة واخا خاطرها ضاراها ولكن ماشفناش داكشي فالملامح ديالها مرا واشمن مرا الله اخليها ليا وصافي دازت الخطوبة بيخير وعلى وتافقنا نديرو عقد الزواج بعد ماتكمل الفيلا ديالي من ورا الخطوبة رجعنا لمدينة وفطريقنا دزنا لفيلا ديالي وشفنا داكشي كيفو غزال تبارك الله البناء كمل والتجهيز قريب ونسيت ما قلت ليكم باللي فبلاصة بعيدة على الفيلا شويا ولكن غي فأرضي نيت راه طلبت من مول الشركة ابني ليا واحد الدار صغيرة شويا (70 متر) من 2طبقات وغاتكون ان شاء الله لعساس ديال الفيلا ان شاء الله و ابني ليا 3 ديال الكوارا كبار حدا هاد الدار وغايكونو لبقر ولغنم والكوري الثالث غاندير فيه الخيول ان شاء الله حيت فصغري كانعقل كان عندنا خيل ومبلي بيهم انا والرسول صلى الله عليه وسلم وصانا على تربية الخيول وركوبها المهم عجبنا هادشي وفطرينا لمدينة قابت هونيدة لماماها بالي راها حاملة فرحات ريم وماقداتها فرحة بالاخص ملي عرفات باللي توام 2 احفاد غادي يتزادو عندها ريم : شفتي واش دراري ولا بنات ؟ هونيدة : ماباغاش نعرف ا ماما لي جاب ليا الله مرحبا واصلا باقي الحال باش اعرفو الجنس ديالهم وصلنا لمدينة حطيت هونيدة عند ماماها وقلت نجيب دورة لعند التريتور نتحاسب معاه ملي وصلت لواحد الطريق خاوية شويا شفت فيها 2 مشرملين باقي براهش كايكريسيو فواحد المرا وجابدين عليها الجناوا وهي كاتزاوك فيهم و واحد منهم كايضربها بالجنويا لراس باش طلق الصاك ولكن تا هي جلدا مابغات طلق الصاك مشيت مكسيري لعندهم وكانكلاكصوني بالجهد والله ماخافو وقفت عليهم نزلت بغا واحد منهم اضربني شديتو رفعتو بنص وهو يهرب لاخور وناض هادا اللي ضربت بغا بهرب وشديتو شنقتو وملي مشيت عند ديك المرا اللي جلسات فطوموبيلتها كاتبكي والراس ديالها كولو دمايات طليت عليها ماتوقعوش شنو شافت عيني يتبع...