الدكتورة أسيرة الزعيم 🔫👩‍⚕️

الحلقة 44

هنا ناض ماكس و رفد في يدو كاس و موس و بدا يلفت انتباه الحضور حتى الكل دارو و شافو فيه اولهم جوري  لي عقدت حواجبها من واش راح يدير عدل روحو و بدا يهدر : سيداتي سادتي اريد ان القى و اشارككم بشيء جميل جدا  ....اولا أقدم كامل تهاني لصديقي و أخي سام اما ثانيا و النقطة الاساسية اريد ان اعلن عن اجمل  شيء اصابني طوال حياتي... لم اكن آمن بوجود شعور يسمى حب لكن هناك شخص زرع فيا  هذا الشعور شخص يبعث الامان و الطمأنينة للروح شخص جعلني ارى الحياة بطريقة اخرى ...إنها هي و بلا شك دكتورتي الصغيرة"   
قالها و هو يشوف فيها و هي مخلوعة من واش يدير حتى راح وقف قدامها و قالها قدامهم قاع : دكتورتي و اسيرتي هل يمكنكي مشاركتي هذه الرقصة ؟
جوري تحطت في وضع لا تحسد عليه الناس قاع تشوف فيها محبتش ترفضو مدتلو يدها و الكل بدا يصفق فرغت لابيست و طلقولهم غلو سلو و بداو يتمايلو على الغنية .ماكس استغل الفرصة و قرب منها و غرس راسو في رقبتها و بقا يشم في ريحتها و هدر : اه و تعرفي غيابك واش دار فيا يا دكتورتي  رجعني مهبول مي راح نوعدك انو راح نخليك تنساي كل لحظة ماشي مليحة عشتيها معايا وعد من الزعيم للدكتورة 
جوري و هي تشوف في عينيه : كيفاش اكبر زعيم و اكبر رجل اعمال يقدر يكون هكدا ؟
ماكس بابتسامة سحرت جوري: كيفاش!
جوري: حنين رغم القسوة ...هادي رغم الثور لي داخلك...رومنسي رغم القوة و الجبروت كيفاش قدرت كل صفة و عكسها تكون في شخص واحد
ماكس: لاني معاك بكل بساطة ...لأنك مش كيما لوخرين لانك دكتورتي
اكتفات بابتسامة و حطت راسها على كتفو اما هو ميل راسو ليها و هدر بهمس : امم تسما نقدر نقول اعتذاري مقبول
جوري: منشفاش انك اعتذرت sorry !
ماكس: يعني واش درت دوكا واش يتسمى من غير اعتذار !
جوري: نو نسحق اعتذار مباشر ميستر ماكس
ماكس: اهااااا اما نقولك نعرف طريقة نرضيك بيها احسن مية مرة من الاعتذار
الوقت لي راحت تهدر فيه جوري حط رجلو ورا رجلها و يد على خصرها  ميلها جات تحتو و بدون سابق انذار غرس شفافو مع تاعها و هو يتفنن في البوسة حسها انها تبسمت جبد عليها جبدت هوا لي كان خاصها و عاود رجع ليها بعد محاولات منها باش تلقها و حط جبهتو على تاعها :و هذا يسمى اعتذاري الخاص آنسة جوري ، هل اعتذاري مقبول !
جوري حشمت و حبطت رأسها و هي كي الطوماطيشة حست الدم تاع جسمها قاع في وجهها ضحك عليها ماكس: امم ديك الجواب تاعي . حبست الغنية و راحو يقعدو لحقو للطابلة جبدلها الكرسي قعدت باسها في خدها و راح قعد  و هو يضحك وحدو
هنا سام و ميار رفدو يدهم و سفقو بمعنى نجحنا
سام: اوووه هاي الصحبة كي دايرة 
ميار: دوك نقدرو نقعدو و نهدرو بيان
ماكس دار شاف في سام : اه يعني الحاجة المميزة و العشا المميز هو على هاد السبة اما نقولك و الله غير تستاهل كل واش ندير فيك مي من جهة تصلح
جوري: و انت يا لالا اللبسة لازم تكون مسقمة واش يقولو عليك صاحبتها مصممة و هي تلبس برك ياك ااه منك يا ميار اه برك
ميار: تقولي هكا و في الدار تشكريني😉
كملو يقصرو و جاو رايحين
سام: ايييه مادام كاين زوج طونوبيلات نروحو كيما جينا
ماكس: لالا جوري جي معايا و انت روح مع ميار بطونوبيلتي و حنا نروحو بتاع جوري
سام: اوكي
راح ماكس ركب الطونوبيل تاع جوري و طلعت هي و راحو
ماكس: اييه يا لالا ماشي موالف تسكتي واش القط كلالك لسانك واقيل ؟
جوري: اممم ديجا متروحش جهة القصر
ماكس بنبرة شيطانية: امم راكي تقولي نروحو  لداري نقعدو وحدنا ياك اااااه تساعدني
جوري: ادا كملت من التخمام الفاسد تاعك قولي
ماكس: مازال مابديتش حتى نكمل  😈
جوري: ااه منحرف متروحش جهة القصر باش نروح نشري ناكل
ماكس: دوك كنتي تاكلي الله يسطرنا
جوري: منشبعش انا من الماكلة هاديك نحب سندويشات و بيتزات يا سيدي تديني  و لا لالا !
ماكس :ايه روحي برك مي مفهمتش وين راكي ديري فيهم هادو قاع
جوري: سر المهنة..
_______
اما عن سام و ميار لي طريق كامل و هو يغازل فيها ماخلا حتى كلمة و ما قالهالهاش
ميار: مي و الله غير  عملنا مليح كي جمعنا بيناتهم شفت الفرحة في عينين جوري كانت ميتة بالفرحة مي كانت تكابر قدامو
سام: علاه ماكس قليل كانت ضرسة العقل باينة ليلة كل و هو يضحك مي نقولك الهدة لي دارها كانت آخر شي يجي في راسي و خاصة منو مستنيتهاش جي من عندو مي و الله غير صاحبي واعر و رومانسي اه خرجت مش قليل يا زعيم و كملو الطريق يقصرو
نرجعو عند ماكس و جوري لي حبسو عند راجل كبير في العمر يبيع سندويتشات على شط البحر راحو كمونداو 2و راحو قدام البحر نحاو صبابطهم و قعدو ياكلو
ماكس و هو يهبل فيها : شحال تاكلي بصح
جوري : قلقتك ؟
ماكس: لالا كلش فداك
جوري كملت الساندويش تاعها و هدرت: في رايك حتى لمن انا مهبولة ؟
ماكس: بزاف  لدرجة بعيدة
جوري: نلحق لدرجة اني نقدر تعوم دوك
ماكس: منك يجي كلش مي هادي مشكيتش
جوري اممم ايه يعني قعدت قعدت و ناضت راحت تجري و تشبكت في الماء ماكس قعد مخلوع فيها اما ضحك نحا تريكوه  و راح لحقها : انت ماشي نورمال..
خرجت من الما و شافها كانت الروبة مزيرة عليها و كلش فيها مشمخ : انت فحتى حالتك هادي مغرية اه راح تهبليني معاك شافت فيه و راحت حطت يدها على صدرو و باستو بوسة خفيفة في شفافو و هربت تجري خارجة من الما اما هو راح يجري موراها حتى حكمها من يدها و دورها ليه و باسها و هاد المرة هي تفاعلك معاه
ماكس: نحبك❤
جوري: نموت عليك❤
قعدو يلعبو بالما و اصواتهم واصلة لاخر الدنيا لعبو حتى كرهو و رجعو للدار دخلت دوشت و خرجت لبست و شعرها مشمخ راحت تمشطو حتى تحل الباب و دخل شافها : بصحتك
جوري: يسلمك و انت دوشت تزيد تمرض!
ماكس: كاين لي يداويني خليني نمرض مي وي دوشت اعطيني المشطة مدتهالو و مشطلها شعرها
ماكس: هل هناك مانع ان انام مع حبيبتي اليوم!
جوري ضحكت و قاتلو: ادا بالمخايد وي
ماكس: 😂😂😂ارواحي ارواحي طفا الضو عنقها و رقد.....
❤😘