البارت الثالث والأربعون
لم يكن ذنبي
للكاتبة حوراء الموسوي
مساء العسل 🍯
كفاك تلعب دور العاشقين معي
و تنتقي كلمــات لست.. تعنيهــا
كم اخترعت مكاتيبـا سترسلها
و أسعدتني ورودا سوف تهديهــا
و كم.. ذهبت لوعد لا وجود لـه
و كم.. حلمت بأثـواب سأشريهــا
و كم... تمنيت لو للرقص تطلبني
و حيـرتني ذراعي أين.. . ألقيهـــا
..
يا من يدخن في صمت ويتركني
في البحر أرفع مرسـاتي و ألقيهـا
ألا تراني ببحر الحب غارقـة
و الموج يمضغ آمـالي و.. يرميهــا💔
حنين : رحنا اني وابويه نشتري ملابس لدوامي اشتريت صدريه سوده وتيشرتات ٢ سود قميص اسود حجابات سود ترانشوز اسود قررت الأسود حيكون رفيق حياتي لحد ما الله ياخذ أمانته...
رجعت للبيت كلش فرحانه ع الاقل اكو تغيير حيصير بحياتي افضل مما مخلصه وقتي صفنات..
امي كيفت كالت بلكت الله يفرح كلبج من جديد اعرف قصدها الزواج مره ثانيه! واني هذا الموضوع قفلت عليه بعد انتهت جربت نصيبي مره وشفت حظي وكوه طلعت سلامات ليش أكرر الكره مره ثانيه
((المؤمن لا يلدغ من الجحر مرتين..))
مرن يومين وجان يتكسر الباب دكه قوية مال واحد هداد!
ركضت فرح فتحته وهو دخل مثل الإعصار
اجه ركض عليه جان يلزمني من متني
بسام : فريتي عقل ابوي وخليتي يوافق تداومين تردين تن...... فشر مو؟
بله جنتي بنية ونكول عادي هسه لا شمدرينه شتسوين متسوين
وهنا المتوقعته ولأول مره بتاريخ عائلتنه العريقة المفروض هذا اليوم يذكره التاريخ
كامت امي دفعته من عندي
سهاد : اكل خره ونجب تروح فدوه لتراب رجليها ولك هاي عرضك شلون هيج تحجي وياها؟
ابوك وحده قرر شوكت هل مسكينه فرت راسه؟
بسيطه خل يرجع ابوك واعرف شلون اخلي يتصرف وياك
ضل يفشر ويغلط انواع الفشار المسامعته بحياتي
اخر شي كال
بسام : اسمعي لج دراسة ماكو وراح ارابطلج بلركن اذا شفتج طلعتي طلقتين اكسرج واشوف منو يطلع وراج تفل علينا وطلع
معلقت اي شي مجرد نزلت دمعتي ع الشفته هذا اخ؟
هم يجي يوم واكله خويه؟ الحمدلله ع كل حال شاء الله اكون بنص هذي العائلة المفككه اعتبرته اختبار ولازم اصبر عسى الله يجازي صبري خير...
فتحت جهاز كرم كلعادة لكيت رسائل شوك وعتاب وكومه حجي لا مل ولا بطل والظاهر يتصل ليل ونهار الدليل اول مفتحت الجهاز اتصل!
أنت تقرأ
لم يكن ذنبي
Storie d'amoreاذنبت وتبت وأخشى من آثار الذنب في المستقبل هل من خلاص ام سأكون رهينة الحاضر؟ ندم وموت بطيء خنت نفسي ورميتها بين أحضان ذئب جائر... قصة عراقية حقيقية تروي حياة فتاة واخواتها عاشت في كنف عائلة متفككة ظروف اجبرتها على ارتكاب الذنوب وعائلتها كانت السب...
