#انت_قلبي٣
__________
الحلقة ٣٩
في فيلا مراد..
في التليفون📞
نورهان : حاضر يا حبيبتي بس مش وقته.
مايا : مامي أنا مش عارفه أعيش هنا أنا لوحدي.
نورهان : ليه امال بابي فين مبيباتش في البيت عندك؟
مايا : بيجي أخر الليل.
نورهان : لوحده؟
مايا : حضرتك تقصدي ايه؟
نورهان : لا ولا حاجه.
مايا : هما كتبوا الكتاب بس وحضرتها عاوزه فيلا بعيد عن هنا.
نورهان : اوك يا حبييتي المهم يكون مبسوط.
مايا : وأنا ايه مش مهم تفرحوني حضرتك وبابي جايين في الوقت دا بالذات تتخانقوا مع بعض علشان أنا بدل ما أعيش أجمل أيام حياتي تعيشوني في هم وغم بالشكل ده.
نورهان : معلش يا مايا حقك عليه بس ياريت تحسي بيه أنا معملتش حاجه أنا كنت منتظره بابي هو اللي يعيشني أجمل سنين حياتي بعد ما استحملت كل دا معاه لكن اللي حصل العكس أنا بحاول أقاوم وانسى اللي حصلي ساعديني واقفي جنبي بدل ما تلوميني على حاجه مليش يد فيها
لا عمري قصر معاه ولا كنت قليلة الأصل بالعكس استحملته في الحلو والمر مع إني مكونتش مضطره لده بس حبيته وجدك علمنا إننا نكون ولاد أصول للنهاية وأنا كنت كده فعلا معاه.
مايا : عارفه يا مامي بس أنا كمان تعبانه قوي اعذريني.
نورهان : تعالي بكرة شوفي انتي عاوزه تعملي ايه وأنا معاكي مش هسيبك لحد ما أوصلك بيتك يا حبيبتي.
مايا : اوك بس هو في حاجه حاسه من صوتك كده إن في حاجه عندك؟
نورهان : مراد ابن خالك خرج من بدري ولسه مرجعش لحد دلوقت.
مايا : طب ما تسألوا أصحابه يمكن يكون عند حد منهم.
نورهان : اوك يا حبيبتي نامي انتي وأنا الصبح مستنياكي.
مايا : اوك يا مامي تصبحي على خير.
في التليفون 📞
شادي : لا أنا لوحدي خرجت اهو اكلمك في الجنينة علشان اكون بعيد عن مامي وبابي قولي بقى أنت فين؟
مراد : أنا في قسم الشرطة.
شادي : ايه ! بتعمل ايه هناك؟ هبيت ايه يا مراد علشان تروح قسم الشرطة؟
مراد : اسمعني بس أنا عاوز البطاقة الشخصية بتاعتي هتلاقيها في درج المكتب تجيبها وتجيني على قسم شرطة (عنوان القسم).
مراد : اجيلك هناك ازاي بابي هيعرف وأنت بقى شكلك كده مش عاوز حد يعرف.
مراد : لأ بلاش بابي يعرف يا شادي اخرج من غير ما تقولهم رايح فين.
شادي : يا سلام ازاي ده يا حبيبي أنا مش قاعد وسطهم أكيد هيسألوني وخصوصا الوقت متأخر واحنا قاعدين منتظرين حضرتك.
مراد : يا خبر طب اعمل ايه؟
شادي : اسمع بقى بلاش كدب واقولهم انك في قسم الشرطة.
مراد : لا يا شادي علشان خاطري أنت عارف بابي ممكن يعمل ايه لو عرف حاجه زي دي اقولك هكلم هشام هيستنى عند البوابة لحد ما تطلع تجيب البطاقة وتنزل تديهاله.
شادي : هي المشكلة يعني في البطاقة ولا ايه عاوز افهم؟
مراد : ايوه أنا معملتش حاجه بس الظابط دا سئيل ودمه يلطش عاوز البطاقة وطبعا طلب بابي
بس انا هحاول معاه ولو هشام جه ممكن يخرجني.
شادي : طب ثواني أنا اللي هكلمه بقى.
مراد : يكون احسن برضو علشان معرفش هيوافق اكلم حد تاني ولا لأ.
شادي : طب سلام.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
