الجنة ليست لها

الجزء السادس

كاعدين بالكية بعد ما ادينه الزيارة والحمد لله واعلنه ولائنة ومبايعتنة  للامام
وسط اعداد ملايين من المحبين المبايعين الموالين
راجعين بالطريق وشته باردة لابس قمصله سودة وبنطرون اسود
وابراهيم لابس دشداشه فوكاها قمصله ولابس جوة الدشداشه سروال
ونطكطك ثنينه هههههه شوكت نوصل وندخل للحمام الدافي
رن جهاز ابراهيم 
اسمعه يحاجي زوجته يكلها مباقي شي ونوصل دفيلي الحمام حته اسبح كتلني البرد وسدة منهة
كلي ليش ماعدك نقال
كتله لا يابه عدي جهاز اشتريت هسة بالجديد لان اشتريت جهاز حاسوب اول
سالني اخذته جديد لو مستعمل

كتله لا والله جديد بالباكيت ونزلت بي العاب حربيه رهيبه

لعد ماكو احد سال عليك لو خلصو منك ههههه

لا والله اني طافي حته لا يزعجوني بالاتصالات

دفتحة يمعود ليقلقون عبالهم صاير شي
صدك طلعتة من جيبي وفتحتة وما اسمعلك الة المكالمات الفائتة ركع
هههههه مباقي واحد المامخابر علية
خواتي وامي وفاضل
واني اقرة بالائحة مال المتصلين رن بيدي الجهاز
فتحته فاضل يسأل ليش مغلق جهازك
كتله طفيته حته محد يقلقني كل ساع مخابرين ازور براحتي اريد
ظل بالنه عليك شلونها زيارتكم
الحمد لله نعمة وخير دعيتلكم واحد واحد
احتمال شوي أتأخر

هااا ليش خوما صاير شي

لا ماكو شي بس السايق حول على طريق فرعي احتمال اكو سيطرة وهمية بالطريق وحول مسارة من اجا اتصال من سايق قبلنه واصل

عود طمنه من توصلون

صار ليظل بالكم
عينة عالطريق شوكت يخلص كلش طويل طريق الرجعه من النجف عكس
الروحة اسهل واقرب
وهم السايق يختار طرق اقل خطورة
انتبهت علي اجاه اتصال من سايق قبله واصل وكله حول طريقك
والسايق هم عرج بينه على طريق فرعي
مطول الطريق علينه اكثر بعد
سألة ابراهيم
شعجب فتت منا
كال هذا الطريق امان اكثر

.............................

الووو
الوو فاضل وين انته موجود بالبيت

اي موجود وصلت لو بعدك عبدالله

تكدر تجي علية اني بالمركز

هاا يا مركز

السايق سوة حادث واجو نقطة مال تفتيش نقلونه

وشسوون بالمركز

ماعرف فاضل ليش جابونه بس الوضع مو طبيعي
اذا تكدرون تجون عليه اطلعوني الوجوه ما اطمن هنا

دسدة هسة خل اشوف منو يجي ويايه

عبدالله
السايق تعب من السياقه وقريب منوصل بغداد تحديداً منطقة الطيفيه
صارت صبه كدامة مال نقطه تفتيش
والظاهر غفه السايق بهاي الحظة ونضربت السيارة بالصبة
ابراهيم بصفي نضرب راسه بالجامة اني زين ما تاذيت
اكو بيهم اتاذو واكو بيهم لا ما صار بيهم شي
لما حسينه على نفسنه ماشوف الة الاسلحة توجهت علينه
الجنود بالنقطة مال التفتيش عبالهم سيارة مفخخة وجايه عليهم
الحمد لله ما رمو علينه
نزلنه شافو جناسينه وكلنالهم جايين من النجف الاشرف
تأكدو ماكو بيناتنه واحد مطلوب
اشو سوو مناداة ولن تجي سيارة وتشيلنه كلنه وتاخذنه للمركز
والسبب ما نعرفه شنو
كل ظنة جايبينه يتاكدون من عدنه ما مطلوبين ولا جايين نفجر
صار اليل وحنه بعدنه بالمركز
وكل ما واحد يسأل ليش باقين هنا محد يجاوب
خابرت اخويه فاضل من شفت الحاله مقلقه ونوب تندمت خاف هنوب اورط اخوتي ويايه
بعدني بندمي لزمت الجهاز اريد اتصل بفاضل وكله لا تجي
شفت واحد اجة دخل للمركز يباوع علينه واحد واحد ونضراته مخيفه
ابراهيم كلي عبدالله دشوف هذا شلون يباوع رعبتني نضرته كتله اني هم
راح اخابر فاضل وكله لا تجي
ابراهيم كال اي احسن خل نشوف مصيرنه لان اني هم مراح اخابرهم