الدكتورة أسيرة الزعيم 🔫👩‍⚕️

الحلقة 43

ميار و سام ولاو متفاهمين و حبو يصلحو بين جوري  و ماكس ...
ناض صباح دخل دوش و خرج جاز على بيتها لقاها راقدة غلق الباب و راح
اما جوري فدخلت للدار مع الفجر رقدت ديراكت جوايه 12ناضت عيطت ليماها و قصرو شوية كي جات راح تنوض عيطتلها ميار
ميار: عالسلامة يا لالا نسيتينا
جوري : خصارة عليك واش سافا !
ميار: وي سافا المهم شوفي عيطتلك باش نخرجو كرهت حياتي منسحق حتى اعتراض جوايه السبعة هكاك نروحو نتعشاو في ريسطو شيك  كي الناس البسي مليح...الو !
جوري: كملتي!
ميار: وي تقدري تقولي
جوري: اوكي منجيش
ميار: جورييي هيا راني كارهة و زيد عييت من الخدمة و من كلش حبيت نبدل مي ادا محبيتيش معليش نقعد في الدار باي
جوري: شو كي تتمسكن ايه ايه خلاص اسكتي برك..
ميار: هاهاهاها ايا اومبعد و البسي مسقم واش يقولو عليك الناس صحبتها مصممة و تلبس برك عيب السمعة تاعي في اللعب خلاص راني رحت و كوبات..
جوري: المسقم مايلقانيش و المهبول ميخطينيش اه منك يا ميار ااااه برك
دخلت دوشت و خرجت لبست حبطت التحت فطرت و قصرت مع جوليانا اومبعد طلعت توجد روحها بوكلات شعرها و لبست روب غوز كلار طايحين يديها مع طالون ابيض و مونتو طويل ابيض و بوشات بيضة و دارت مكياج هادي و غلوس غوز خرجت بومبة ....
في الشركة:
زدم سام عند ماكس : 8 تاع الليل نسحقك مدير والو راح نخرجو نتعشاو
ماكس: مناسبة ؟
سام: لازم تكون مناسبة باش نعرض صاحبي على عشاء مسقم ؟
ماكس: لالا ينخاف منك انت
سام: اوه خسارة عليك حبيبي هيا مالا كي تكون خارج جوز ليا
ماكس: ايه اوكي منها نبدل جو عييت من الخدمة
سام: شفت صاحبك يجيبلك غير الهداة الملاح و زيد تاع اليوم تعجبك ..
ماكس: واش الخاص فيها ؟
سام: ايا اومبعد Bro
_____
لحقت السبعة غير ناضت جوري رفدت مفاتحها و خرجت من البيت و هي حابطة في الدروج تلاقات بيه طالع يخرب في التليفون شافها اما دار روحو ماشافش جازت عليه و هو مطلعش راسو حتى
جوري في قلبها : الغزرة و ماخسرهاش عليا متكبر و راحت اما خو دخل لبيتو و راح طل عليها شافها راح تركب و شاف لبستها : وين بيها هادي تاني اووف ماكس ولي لعقلك...
دخل دوش و لبس سروال جين و تريكو ابيض مع فيستا كلاسيك بلو كلار عدل شعرو و رش من ريحتو  و حبط لقا سام لتحت : هيا متروحش؟
سام: راني نستنا فيك هيا ..
راحت جازت جوري على ميار عيطتلها حبطت ليها
ميار: اوهووو شفتي كي تحبي تكوني كلاص كيفاش تكوني
جوري: انا دايمن كلاص حبيبتي خمي على روحك
ميار: ايه يادرا منين الزين هذا قاع
جوري: من لي بوتيك 😂
ميار: ااااه نكارة العشرة الحوايج لي تلبسيهم انت وحدة معندها
جوري: ايه يا درا علاه
ميار طلعت يدها تشوف فيها : خارجين منا احمم
كملو يقصرو و يضحكو حتى لحقو للريسطو
جوري: يعني حبيت نفهم حاجة خليتي قاع لي ريسطو جاك اليوم تاكلي غير في هذا ؟
ميار: متعرفيش مصلحتك انت احبطي احبطي و بلعي عليا
حبطت جوري مدت المفاتح للراجل لي لتم دخلت لداخل كان مطعم هادي و موسيقى سلو و كبير بافخم الديكورات .
ماكس و سام لحقو قبلهم بحكم هوما جاو ديراكت ماكس كان عاطي الدخلة بظهرو و سام مقابلو يعني مقابل الدخلة
شافت ميار سام بعدما غمزلها : اووووه سام راهو هنا هيا نروحو عندو و راحت .
طلعت جوري راسها تشوف ميار رايحة جهة سام و شخص عاطيها بظهرو عرفاتو من تسريحتو بلي هو هدرت تحت نيفها : ااه منك يا ميار و انا تقول علاه لازم  اللبسة و الحطة طرانتيك راكي دايرتها مورايا الا ما نحكمك برك
سام: اوووو حضرة الدكتورة  تاني هنا ارواحي اقعدي
جوري: اه لالا منقلقوكمش حنا نقعدو في جهة خلاف
سام: احاااي عيب عليك تقولي هكا رانا غير حنا ارواحي
ميار : مي انا نقعد قدام الحب
سام ناض و جبدلها الكرسي : مولاتي ضحكت معاه و قعدت اما جوري فكانت كاينة بلاصة وحدة لي هي قدام ماكس لعنت روحها و ميار و قعدت اما ماكس فكي عرف بخطة سام و انو كلش مخططلو تبسم تمتم و زبط زجهو
سام: ايه ايه دوك نقدرو نكمونديو
ماكس: وي
عيطو للنادل كل واحد واش طلب ياكل و بقاو  يقصرو اما الهدرة  شبه مقطوعة بين جوري و ماكس
حتى ناض سام من بلاصتو و راح جهة ميار و ركع جبد من جيبو علبة صغيرة و فتحها لي كان داخلها خاتم فضي اللون و فيه حجرة تاع الماس كبيرة شافتو ميار حطت يدها على فمها من الصدمة من واش راهو يصرا حست الارض دور بيها من الشوك حتى حمحم سام و هدر و هو راكع : حبيبي...ملاكي..عمري وقاع واش عندي تقبلي تكملي باقي حياتك معايا و تتقاسمي معايا المرة قبل الحلوة..تقبلي نكون ليك السند لي جامي يميل ولا يمل ! تقبلي تتزوجيني و تكوني رفيقة حياتي حتى اللخر؟
جوري حاطة يدها على فمها و الدمعة  غالبتها تشوف في صحبتها و هي عايشة اللحظة لي كانت تتمناها حياتها كامل ، ماكس لي يشوف في صاحبو و يضحك تارة فيه و تارة في ميار اما عينيه بقات مفيكسية على حوريتو و هي فرحانة لصحبتها : اه سام خرجت ماكش قليل و خرج منك واحد رومنسي ايييه تتهنى برك
بعدما الفرحة عمرت الكل نرجعو لصاحبة اقوى شوك و أصدم صدمة في الحياة تشوف فيه و في الخاتم تارة و مش مصدقة روحها تحسب روحها في منام مش حابة تفطن منو اما فطنت على صوت سام يقوللها : ميار رجعي وجعتني هيا هنيني ...
سمعوه جوري و ماكس و  بقاو يضحكو عليه و على هبالو  واخيرا ميار دارت حركة و دارت شافت في جوري لي تبسمتلها و دارت شافت في ماكس لي كان يشوف في جوري و دورت رأسها اخيرا لسام و قالت باعلى صوتها :YEEEEEEES
ناض يجري و غرق في بحر شفافها يروي عطشو منهم اما هي فحشمت ولات حمرة حمرة و أخيرا جبد عليها و لبسلها الخاتم حط جبهتو على تاعها و قاللها و هو يلهث :نحبك ميار ❤
ريبونداتلو و هي مغمضة عينيها و تضحك : حتى انا يا روح ميار❤
عنقها و هي بادلاتو حتى يسمعو الناس تصفق و البعض يصفر و هما كانو اسعد زوج عيباد في العالم فرحتهم كانت عارمة حاجة متهزها و ناضو يشطحو على موسيقى سلو
جوري كانت تشوف فيهم  و دموعها طايحة شافها ماكس قلبو وجعو عليها و هنا صرات حاجة لي جامي توقعها اي واحد فيهم..........
               مي هنا صاح نسحق التفاعل تاعكم لانو الرواية مابقالهاش و تخلاص  عليها نسحقكم تولعو الحالة ❤❤🔥