مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنا الذيِ تجرع مُرورة الفرُاق حد الاكَتفاء
____________________
زهراء
اعتقد الألم يغير الإنسان جذريا ويخليه يعيش مشاعر عمره وحياته معايشها اني اختلف بكلشي حتى بألامي واحلامي عجيبة .. غرابة الروح تستوطن جسدي ... انا ألما مفتهم طبعي اني إلي طلقو عليه آلاف الطلقات صح تعافيت ! ! بس الأثر بعده يحرك بجسمي ويكتلني
ألم يفتح ألم عبالك كاعدة أعذب نفسي بهالتفكير اريد اعيش بس مو هيج روحي تلوب على مادري شنو كالسَيْف دون مُقاتِل يرَى الحَروبُ تشن والأصوْاتُ تعلى وهو قطعة مرمية ينتظر من ينتشله من أرض تشبعت بالدَّماء
چنت كاعدة واتسائل شلون اريد من الناس تفهمني واني اصلا مافاهمه نفسي منظور غريب واني الأغرب روحي عجيبة غريبه مو چانت قبل تريد الحب والاهتمام؟؟ هسه ليش تغيرت ومع الأسف تغيرت على الشخص الي ابحر بروحها وسكن كل خلايا جسدها أركان درسني دراسة وصار يعرف كلشي بيه من فرح لغيرها من مشاعر يمر بيهه البشر اكتشف كل بقعة بيه أن كانت سيئة أو حسنة .
واني دوما السيئة بجزئية الحب والمبادرات إذا زعلت اميل لجرح الشخص وخصوصا اخذ نقاط ضعف واخليهم كدامه بأسواء العبارات اهشم الأرواح وانتضرها ترجعلي !!
ابدا ماشوف نفسي غلطانة وحتى لو غلطت ما عتذر اشوف الاعتذار ضعف للنفس مادري بيا قسم أو ياطبقة اصنف نفسي
اعتقد انو اني حاليا كاعدة ادفع ثمن اخطائي . كل ما حاولت ارجع اقوه واكول الذنب مو ذنبي الكه الحياة تضربني راشدي ترجعني الف خطوه ليورة ماكو شي بحياتي مثل ماهوه
كل شي يجي بالعكس
علاقتي أني وأركان صعب اوصفها أمام كلمات عابرة هيه كلها مو سهله وخضنا كومه مشاكل من البداية إلى هسه واني بس منتظرة الفرج لأن احس روحي ماتكدر تتحمل أكثر... اكتم وانفجر وكلشي ماكو مامستفادة شي غير انو كاعد احطم نفسي واحط بانزين عالنار.
