وصلت سيرين مطار فانكوفر بقت تتلفت ماف ايي زول في انتظارها 😳 لا قصي ولا غيره
بقت منتظره و تتلفت حولينها و بدت تخاف انها براها وتتذكر انها في السودان خلت هشام في اخر لحظه يا ربي كيف حاله 😓 لما عرف اني اتخليت عنه 😭
بقت سيرين منتظره ساعه و ساعتين عايشه في الم قلبها الفي السودان و بحماسها بملاقاه جو و بي رضوخها لاحمد وما عارفه حيعمل فيها شنو 😪
آخر شي طلعت تلفونها و صلته بالنت و اتصلت بقصي مكالمه واتس .. مساااافه وكم اتصال حتى رد ليها .. بعد سلمت عليه قالت ليه انا منتظره في المطار لي ساعتين و ما بعرف مكان ولا عارفه اتصرف امشي وين . موش على اساس احمد عايزني اجي فانكوفر ..
حست قصي في صوته في عبره مخنوقه ويقول ليها أحمد -- أحمد --أحمد آ آ آ اوكي تمام تمام انا جايي عليك ما تقلقي ومعليش انا آسف اتلخمتا شويه ونسيت وقت وصولك ..
: انت نسيت لكن أحمد ينسى كيييف ؟ ول مسافر كالمعتاد
: سيرين انتي ما فاهمه شي لمن اجي حتعرفي الحاصل شنو .. ربع ساعه بالكتير و اكون قدامك معليش اسف ..
سيرين قفلت من قصي و مستغربه الحاصل بقت تتصفح في الواتس و في الحالات شافت حاله ياسمين كاتبه ( يا لطيف الطف بيه وارفق بحالنا 🖤)
سيرين استغربت 😕 .. بعد ربع ساعه بالضبط قصي كان قدامها سلم عليها ورحب بيها و جر شنطتها و ركبو العربيه كانت دافيه .. قصي راكب وراء معاها و قدام السواق و الحارس الشخصي و حست بتخاطبو بسماعات مع عربيه جيب كبيره سوداء ماشه وراهم ..طبعا مستغربه من الخوف ده و الحراسه البتخنق دي و في شنو اصلا و خايفين من شنو 🤔
قصي بتلفت كل شويه
الناس دي باله بل بسرعه رهيبه لما كانت مزعجه لسيرين قصي بدا يحكي و يمهد ليها الوضع
: سيرين طبعا مستر احمد مستحيل ينسى مواعيد جيتك لكن على ما اظن انه المعلومات الكانت وارده انك اخترتي تعملي المناسبه و تتمي العقد عادي .. يعني على الاساس ده فكرنا انك ما حتجي
: انت عارف التفاصيل شكلك .. فعلا كان حيتم العقد لكن ما قدرت ما اشوف يوسف 😭😭
: يا مدام يوسف بخير الحمد لله ما تقلقي ولا تخافي عليه نحن نقلناه لمكان آمن
: هو في شنو ؟
: اتوقعتك عارفه لكن ... امس الفيلا اتعرضت لاطلاق نار و المستهدف كان مستر احمد 😓 مع الاسف اتصاب ٣ رصاصات وحاليا هو في العنايه المشدده 😓 مستر احمد بين الموت والحياه ارجوووك ادعي ليه .. مستر احمد لما اتصاب كان مقرر ينهي حياته بيده يا مدام عشان كده الاطباء قالو صعب يفوق لانه اصلا ما عنده رغبه في الحياه 😭
قصي بقى يحاول يمسك دموعه و يقشها وزي عامل حاجه دخلت عينه ..
سيرين بقت 😳 مخلوعه حتى دموعها القريبه ما نزلت مصدومه ما مصدقه أحمد المخلي الناس دي لافه صينيه بين الموت و الحياه كيف كده
: عشان كده نحن خايفين عليك و علي يوسف وقلقانين جدا
