- أؤمن بأنڪ أنقى الصدف واحبهـا لقلبيہَ 🦋.
المشهد الاول
نجهز لحفلة رأس السنة ساعات قليلة....
وندخل سنه جديدة كملنا كلشي ...
علكنا الزينه وجهزنا الكيك...
اباوع على الغرفة صارت تجنن..
لحظات اشبه بالموت تجي....
اتصال ... وياريت ما اجه
ولا سمعنا ودعنا آخر لحظات من هاي السنه
بآلام .....كسرة ..... مصيبه ما جانت على البال ...
مستحيل انسى ذيج الحظه .. الي أتصل بيها حسن
كال ضروري تجون للمستشفى ...
فرحة السنة الجديدة تحولت إلى فاجعه....
المشهد الثاني...
الساعه 2 الظهر باوعت يا ربي ملل والله ضوجه..
شويه و رجع أبسل من الشغل....
كمت وكفت يمه الله يساعدك حبيبي
: هلا عمري
حبيبي ضوجه اخذني اخذني لأهلي
: هسه!!!
اي
تمام بس ارجعي العصر عندج شغل بالبيت لا تخلينهم يحجون عليج عمري
صار حبي
البسي خلي نطلع
طلعت لبيت اهلي جريتها نومة للعصر هههههه..
كعدت الساعه بالخمسه غلست ما رجعت للبيت...
مابيه حيل الشغل..
غسل المواعين عليه مالت الغدة..
وهم عدهم خطار اليوم
والمواعين واصله للباب المطبخ هههه
صارت الساعه بثمانية
صاحني حسن
أسارير .. راح اطلع للگهوة
تجين اخذج بطريقي لبيت عيالج ؟
اي انتظرني
رجعت وي حسن
لكيت باب البيت مفتوح
ومحد بصاله كلمن داخل غرفته
اكيد كاعدين يكنكون بغرفهم
دخلت لغرفتي أبسل بعده ما راجع الظاهر متعشي و راجع للمحل
خطرت بالي فكرة
ركضت لحذائي ضميته جوه الچربايه
خليت جهازي صامت و قللت مستوى الصوت
فتحت الكنتور ولبدت بداخله
منتظرة أبسل يمتى يرجع
صارت الساعه بالعشرة ... سمعت الباب انفتح شويه هدوء يمكن اخذله صفنه انه ماكوا بالغرفه هههههه
اسمعه دزلي بصمه...
حبيبتي الساعه بالعشرة ليش لهسه ما راجعه اجيج لو حسن يجيبج
قللت الصوت كلش وشفتها حتى تطلع تم مشاهدته عنده
ما جاوبته رجع أتصل انطيته رفض
رجع اتصل مره ثانيه هم انطيته رفض
وطفيت النت من الجهاز واسمعه عصب
يابه وعلي منظره يضحك ههههههههههه
دز بصمه معصب
انتي اضحكين علييييه....
ليشششش لهسه ما راجعه .....
انه جايج هسه واريد اشووف شلللون ما ترجعييين
مباشره فتحت الكنتور خفت يروح لأهلي وصير مشكله مصختها وياها ههههههههههه
طلعتله
أسارير : انه هنا من ثمانية ...
أما شكله من الصدمه بقه بمكانه ما تحرك متفاجئ بيه 😂😂😂
أبسل احلف انتي ما عندج عقل
وجج اعقلييي
ليش تشلعين گلبي...........
المشهد الثالث
كعدت الساعه بالعشرة باليل على الچربايه افكر اليوم ما متعاركه شلون لازم اسويلي عركه ما ارتاح ما اكدر انام اذا ما تعاركت أبسل جاي يباوع بجهازه ندسته بجتفه
اكوووول أبسل
هو لتفتلي مباشره خير أن شاء الله
ليش مساع شربت بالكوب مالتي ها ترى لا حسبالك فوتتها الك لا والله
أبسل : .........
المشهد الرابع
دكتور : للأسف ابنكم يتعاطى مخدرات جسمه متشبع انتوا يوين چنتوا عنه ليش شاب مدمر نفسه
افنان : صدمة مصيبه شلون دكتور شكاعد تحجي انته
والدموع تجري على خدوده
ابنها وحيدها
شلون.... و يمته..... و ليش....
أنت تقرأ
اسارير الابسل
Romanceقصة حب تدور بين اولاد الجيران يبدون قصتهم برسالة بالخطأ وتستمر إلى أن يعترفون بحبهم البعض وبعد فترة يكتشفون هم جيران واحد ما يطيق الثاني هههه ...... خلي نتابع قصتهم وشنو نهاية علاقتهم والمشاكل راح يواجهونها قصه حلوه كلش
