(رأيتها صدفة)
بارت4
عمار/مرينه ع البناية اخ كلبي وجعني من شفت الاطفال دتعلك شموع ع ارواح اهلهه الماتوا هنا البارحه والبناية صايرة بس هيكل وأعمدة والكاع سودة..ختنكت بالسيارة
عمار:عدي اوكف هنا اريد انزل
عدي:شبيك عمار
عمار:بس شوي اوكف شبيك
عمار/وكفنه بصف الرصيف وصار المول ع صفحتي فتحت الباب نزلت بالشارع وباب السيارة مفتوح اباوع ع البناية وتقدمت خطوة خطوة ع كيفي مثل الخايف يطلعله شي لحد ماوصلت للرصيف المقابيل باب الدخول وعثرت بطفل مادري بي لان جنت دا امشي وفاقد من صحيت ع نفسي هاي شوصلني لهنا شلون وصلت باوعت يمنه ويسرة ناس دتعلك شموع بصف الرصيف باوعت للطفل يلي عثرت بي بوسته براسه
عمار:اسف حبيبي مامنتبه الك
الطفل:عادي عمو
عمار/باوعت لوراي لكيت عدي ديبچي بالسيارة ويباوعلي أستحيت من شفت الناس كلة دتعلك شموع واني كلشى مابيدي لكيت رجال ديبيع شموع
عمار:السلام عليكم حچي ممكن شمعه بيش؟
الرجال:وعليكم السلام هاك وليدي ثنين بربع
عمار:تسلم تفضل الفلوس
عمار/رجعت لوراي اريد اعلكهن اجاني رجال كلش چبير بيدة صورة وجان منظره كلش تعبان مبين خسران شخص...حط ايدة ع شعري مثل الجان يحن لشخص
الرجال:تشبه كلش نفس تسريحة شعرة نفس طولة نفس عيونه
عمار/اني ساكت ومتفاجئ من كلامة ضل يباوعلي من رجلية لحد راسي ونزل ايدة ع شعري
عمار:ها حچي بيك شي تريد شي؟
الرجال:ها لا عمي سلامتك بس شفت هذا الشاب البارحه جان هنا
عمار:لاوالله عمي ماشفته
عمار/شافني عدي ونزل أجه انطاني جداحته لان هو يشرب جكاير وعلكناه وحده اني وحده هو ردت اكوم جان يجي نفس الشخص يوكف وراي وحط ايده ع چتفي كلش حزت بداخلي كمية الحنان يلي بجف هل انسان مو طبيعية لازم اعرف شبي وياي؟كمت ولزمت ايد الرجال
عمار:حچي شصاير وياك؟مبين كلش تعبان ومريض وفاقد شخص هنا؟
الرجال:يي بوية ييي فقدان الابن صعب يبوية
عمار/نزلت دمعته واحنه جنه كلش مستعجلين لان نريد نروح نجيب غراض للفاتحه ماي ومسواك للبيت
عمار:عدي روح انت جيب المسواك واني من اكمل الحچي ارجع للبيت
عدي:يله خوش بكيفك
الرجال:روحوا بوية روحوا اذا مستعجلين
عمار:لا حچي ماعندي شي سولفلي انت شبي ابنك؟
عمار/عدي صعد بالسيارة وراح للسوك واني اخذت الرجال المسكين وكعدنه ع الرصيف
عمار:سولف براحتك
الرجال:اني ابو هذا الشاب قاسم
عمار/شوفني صورة قاسم جانت ايدة
ابو قاسم:عندي بس هذا كلش احبة وهو يحبني ويخاف عليه كلشي اريد يسويلي ألي ولأمه هو عمرة مثلـ الله يخليك لأهلك مثلك عمرة20سنه قبل رمضان بأسبوع تزوج هو وزوجته البارحه أجو يشترون ملابس من هذا المكان المشؤوم وبعد مارجعوا ولك بوية طلع كدامي بكامل اناقته ولازم ايد مرتة ولليوم مارجعوا وأمه حركت البيت حرك تريده يرجع واني ماكدر ارجع للبيت أله وياي ابني وليدي صعبة علينه نتحمل فقدان الابن الضنه مالتنه جان البيت منور بي من يطب للبيت نحس البيت صار بي ضوة وليدي شسوي هسه حاير مادري وين ادور بعد؟وياهو يلي اسئلة عليه يكول ماشفناة لعد وين راحوا هو وبنت اخوي مادري وين ادور عليهم بعد
عمار/الرجال ابو قاسم يحجي واني دموعي تنزل وامسحه بسرعه اووف گلب الاهل كلش رقيق وميتحمل فقدان الضنه ولان ماعرف شلون اساعد ابو قاسم حته ندور ع قاسم واني متأكد راحوا مثل روحه امي وغيرهم هواي ناس راحت ماكدر اكله البقية بحياتك ماكدر اجرح گلبة اكثر من هل جرح اووف يعني هسه شاب وطلع ويه زوجته ومارجع عايش شلون هيج؟وين وبيا دولة صايرة؟بيا دين هيجي شي أكو؟ماعرفت شنو أجاوب المسكين هذا وكل عقلة يريد نكوم ندور ع أبنه اووف
عمار:حجي الله يصبركم ان شاء الله اني هم هنا البارحه جبت أمي بس مالحكت عليهه وراحت مثل الفحم صارت
ابو قاسم:يعني افهم من كلامك ابني هم راح هيجي؟
عمار:والله ماعرف شنو اكلك عمي بس الله يصبركم وينطيكم ع كد نيتكم وطيبة كلبكم
عمار/بوست ابو قاسم من راسه وكام ع طولة
ابو قاسم:يعني اروح اكول للحچية ابنهه مات؟
عمار/وانطاني ظهرة وراح بطريقة واني ضليت كاعد اباوع وللمبنى وللحيطان صايرة سودة تقريبا هي جانت ب8ونص الصبح
عمار:هنا ماتت امك؟هنا ذبيت امك بأيدك؟هنا حاجيت امك؟هنا كلت لأمك مع السلامة راح تموتين؟عمار انت لازم متعيش!انت حرام عليك تتنفس هوى الله..واني كاعد هنا واحجي وية نفسي دك جهازي فتحت خط بدون ماشوف منو المتصل
عمار:الو السلام عليكم
فاطمة:البقية بحياتك حياتي
عمار:ها حبيبي مانتبهت للأسم حياتج الباقية الله يخليج
فاطمة:شنو يعني لكيتهه الوالدة ميتة؟
عمار:لا والله مالكيته وسوينالة قبر فارغ
فاطمة:اوف الله يصبركم وعبير شلون لكيته؟
عمار/اوف فتحتي نفس الجرح ااخ كلبي..سولفتله نفس الكلام عن كلشي صار ومن كملنه
فاطمة:جعفر البارحه يدك عليك وانت متفتح
عمار:مادري بالجهاز البارحه وشعنده رقمه عندج؟ومن شوكت عندج؟أشو مادري اني؟
فاطمة:هامو من جنه بالدورات..
عمار/جعفر أعز أصدقائي بالدورات وبالمدرسة وياي ويدري احب فاطمة بس تفاجأة من كلام فاطمة..
يتبع...بارت5
