(رأيتها صدفة)
بارت5
عمار/ويدري بية أحب فاطمة بس تفاجأة من كلام فاطمة شوكت اخذت رقمه؟بدون متكلي؟
فاطمة:من جنه بالدورات انت اتصلت من عندي ع جعفر وضل رقمه موجود ورة كم يوم صادف عيد ميلادك فراسلته وجابلي الهدية للدوام واخذته وانطيتكياهه بدون متدري ولا كتلك هل شي
عمار/حسيته كلامة بي تصنع ومالي خلك اتناقش
عمار:اوك حياتي ماصار شي انسي واني هسه حرجع للبيت اتصل عليه ولا يهمج
عمار/رفضت الاتصال وراحت من بالي السالفة كمت وعدلت قميصي دا اتمشه ع كيفي بالطريق اريد ارجع للبيت اتصل جعفر
عمار:أهلا
جعفر:هلو عموري البقية بحياتك حبيب والله ردت اجي البارحه بس كالو انذار ممنوع واحد يدخل للكرادة
عمار:يي صحيح لان صار الانفجار كلش قوي بمول الليث
جعفر:الله يصبركم حبيبي وين مكان الفاتحه؟
عمار/حجيت ويه جعفر وصفتله مكان الجامع وكملنه اتصال رجعت للبيت حضرت ملابسي لبست قميص اسود وبنطرون اسود وأبوية بدل وانتضرنه عدي يجي صارت ب10أجه ونزلنه غراض البيت ورحنه للجامع نستقبل الناس التجي وب10ونص أجه جعفر وأبوة استقبلتهم..
جعفر/مرحباا اني جعفر صديق عمار المقرب من المنصور عمري19سنه صف سادس تعرفت ع عمار بالرابع أعدادي بنفس المدرسة جنت اجي من المنصور للمدرسة بالكرادة جنه اني وعمار روح وحده كلشي يضوج من عنده يجي يفضفض يمي واني احجيله كلشي يخصني قبل لندخل سادس اكو مدرسة اهلية تسوي اعلان بدورات مجانية لصف سادس اني وعمار رحنه للمحاضرات وجان مختلط ونعجبت بوحده بس ماكلت لعمار ردت اراقبه شتسوي شلون تحجي شلون تتصرف مع الطلاب داخل القاعه شفته انسانه كلش حبابة ومحترمة فد يوم كاعدين اني وعمار بالنادي دخلت هي كلبي كام يدك حيل
عمار:لك جعفر هاي حبيبتي وجنت اراقبة هل فترة واليوم اريد اعترفلهه طكت روحي
جعفر:هاا شنو تمام بالعافيه حبيبي ان شاء الله
جعفر/كلش انصدمت طلعت هي نفسهه عمار يحبهه خليت حبي بداخلي وخليت عمار يعترف اله هو يحبهه وصرت اني وفاطمة زملاء ولكن عمار حبيبة وهي هم حبته بس اني حاولت اقنع نفسي ماحبه بس ضليت اريدة واحاول انساة بس ماكدر وخلصت الدورات واني وعمار بالشنه مدرسه فد يوم رجعت من المدرسه كاعد بالبيت جان تجيني رسالة من فطوشة بالماسنجر
فطوشة:اني فاطمه لتكول لعمار اني دا اراسلك لان خاف يشك بينه بس اني اريد تحجيلي كلشي يصير بعمار شنو يسوي شنو يحجي شلونه علاقاته بالبنات وهيج اشياء
جعفر/أخخ كلبي فاطمه راسلتني لك جعفر احترم نفسك واحترم صداقتكم بدون سخافات وضلينه كل فترة نحجي بخصوص عمار ياناس تعلقت بيه اكثر وأكثر بس بدون متدري اني احبهه وأبد ماجبت أله طاري بهل شي وحته عمار ميدري أصلا دا احجي وياهه واني اسئله عليهه يكلي زينه ويسكت وهاهيه بس كلبي ضل يريدهه وضليت اريد اكول لعمار يتركهه حته اني اخذه بس ماكدر لان هي تحبه كلش ولا اكدر اكولله احبج خاف اخسره حته صديقة خليت حبي من طرف واحد وهي تحترمني كصديق لا اكثر ولا أكدر اجرح صديقي بيهه...المهم ضل هل روتين لحد ما كملنه سادس ومنتضر القبولات تطلع قدمنه اني وعمار تحليلات كاعد بالبيت ومنتضر الأذان جان يطلع بالتلفزيون بث مباشر مول بالكرادة اتفجر وجان هذا المول كلش قريب ع بيت عمار اتصل ع عمار ميفتح وماعندي رقم أهله صارت عيوني براسي ردت اروح للمنطقة كالو ممنوع وانذار الشرطة انتشرت بالمناطق رجعت للبيت ماعندي غير حل اسئل فاطمه بالكت حاجية وياة لو مخابرة مرت عدي هم تعرفهه راسلته متجاوب لا يا الله شبيهم هذولة انتضرت ع نار لل6العصر راسلتني فاطمة
فاطمة:أم عمار ماتت
جعفر:هاي شنو شلون
فاطمة:هو بالانفجار يلي صار
جعفر/كلش انقهرت ع عمار من سمعت امه توفت لان جانت كلش انسانه حبابة وتحبني مثل عمار ااخ الله يصبرك عموري
جعفر:اتصل علية ميفتح؟
فاطمة:يي لان مشغول ويه اهله
جعفر:ها تمام اذا حصلتي كوليلة اتصل عليه ميجاوبني
فاطمة:صار
جعفر/انتضرت لل1باليل ماكو جواب من عمار نمت كعدت ثاني يوم ب9اتصلت علية جان صوته كلش حزين ومقهور ماطولت هواي وياة لان حسيت بي الله يساعدة اخذت ابوية ب10ونص ورحت للجامع الطريق مفتوح وكلشي مابي وصلنه
ابو جعفر:السلام عليكم البقية بحياتك
عمار:حياتك الباقية عمي
جعفر:البقية بحياتك عموري الله يصبركم
عمار:حياتك الباقيه حبيبي
جعفر/جنه صيام ماتأخرنه هواي بس أدينه الواجب وشفت عمار كلش تعبان
عمار/اجو اصدقائي كلهم للجامع بس يأدون الواجب ويطلعون لان اكو بيهم صيام وميكدرون يبقون أكثر ولحد ب5العصر خلصنه الاستقبالات رجعنه للبيت الصالة بية النسوان يدكن ويلطمن ضلينه بالاستقبال اني وابوية وعدي وعمامي غفينه جنه تعبانين لان لازم نضل واكفين باب الجامع
الكاتب/بعد مرور أسبوع
عمار/مر أسبوع ع وفاة امي وناس تجينه واني روتيني بالبيت مااطلع وكلش خجلان من اهلي لان احس بنفسي اني كتلت أمي..جان يوم الاحد ب2باليل دا احجي وية فاطمة كملنه ردنه إنام حطيت الجهاز بصفي مددت حطيت ايدي جوة راسي صفنت ع السكف جانت المروحه تشتغل وأجه بالي.
يتبع بارت6
