Hotel del Luna Myanmar version (လရောင် နမ်းတဲ့ ပန်းတစ်ပွင့်)

Episode 1

1755ခုနှစ် အလောင်းမင်းတရား
ရန်ကုန်ထူထောင်ကာစအချိန်

လမုပင်များထူထပ်စွာပေါက်ရောက်နေသော မြစ်ကမ်းစပ်တစ်ခု၏ လမ်းတစ်နေရာတွင် မိန်းမပျိုတစ်ယောက် အမိုးမပါသော သစ်သားလှည်းတစ်ခုကို သူမလက်ဖြင့် အားယူဆွဲကာ လျှောက်နေသည်

သူမ ပုံသဏ္ဌာန်မှာ ဘာကိုမှအကြောက်အလန့်မရှိ
အရွယ်နှင့်မလိုက်အောင် ကြံ့ခိုင်သန်မာလှသည်

တစ်ကိုယ်လုံးအနက်ရောင်ဝတ်ရုံရှည်ကိုလွှမ်းခြုံထားလေသည်။

သို့သော်သူမ၏ နူတ်ခမ်းများမှာတုန်ယင်နေပြီး
တစ်စုံတစ်ခုကို တစ်တွတ်တွတ်ပြောနေသည်။

“ငါရောက်အောင်သွားမှဖြစ်မယ်..လက်လျှော့လို့မရဘူး ရောက်အောင်သွားရမယ်”

သူမ၏ မျက်လုံးထဲတွင် မုန်းတီးနာကျည်းစိတ်
လက်စားချေလိုစိတ်များကိုအထင်းသားမြင်နေရသည်

သူမအရှေ့ခပ်လှမ်းလှမ်းတောအုပ်ထဲမှ မီးခိုးများကို
မြင်လိုက်ရ၍ အားတက်သွားသည်။
ထိုနေရာတွင်လူရှိလျှင်စားစရာတစ်ခုခု နှင့် သူမသွားလိုသောနေရာအကြောင်း သိနိုင်မှာပဲဟု တွေးမိသည်။

               🌕🌕🌕🌕🌕🌕🌕🌕🌕🌕🌕

“ခရီးသွားမိန်းကလေးပါလား ..လာပါကွယ် ဝင်နားပါဦး ”

သူမ အံ့ဩသွားမိသည်..ဒီလို လူသူမရှိမြစ်ကမ်းဘေး သေရည်ဆိုင်တစ်ဆိုင်ရှိနေရတယ်လို့

“အဒေါ်ရဲ့ဆိုင်က မြစ်ထဲငါးလာဖမ်းတဲ့သူတွေကြောင့်ဖွင့်ထားတာပါကွယ် ဒီနေ့ရာသီဥတုမကောင်းတော့ သူတို့စောစောပြန်သွားလို့”

သူမစိတ်ထဲကမေးခွန်းကို ထိုမိန်းမသိနေ၍ အံ့ဩသွား မိသည်။

ထိုမိန်းမက သူမ‌ဆွဲလာသော သစ်သားလှည်းပေါ်မှ
ကျွန်းသေတ္တာဆီ လှမ်းကြည့်ရင်း

“ဟိုပစ္စည်းတွေက ဘာလုပ်ဖို့လဲ မိန်းကလေး”
“မင်းပစ္စည်းတွေလားဒါမှမဟုတ်”

သူမ စိတ်ထဲဆတ်ခနဲဖြစ်သွားသည်။
ဒီမိန်းမကြီး တော်တော်စပ်စုတာပဲဟုတွေးမိလိုက်သည်။