لم تَكن صِدفة حين عَثرت عليك ..
كُنت مرسومًا على حدود أيامي ،
كنت شيئًا أنتظره وينتظرني
ولم يكن لقائنا إلا بداية حكاية صاغها القدر بإتقان .
معقول !! بعد هالمدة وهالغياب والسنين الي مضوا انا بالاردن ببلدي الي تغربت عنه اكتر من سبع سنين ، ما اتوقعت واحد بالمية انه ممكن ارجع عيش بالاردن ، هاي هي الحياة الي ما بتتوقعوا بصير ، والي بتتوقعوا ما بصير ، بس مع هيك كتير مبسوطة برجعتي رح كون هون لحتى ساعد الناس ، انا اخترت هاد الطريق و رح كمل في ، انا جوانا عبد الرحمن محامية وناشطة سياسية وصانعة محتوى بنفس الوقت ، غريب صح ؟ بس هاي الحقيقة ، عمري ما تخليت عن حلم بطمح اوصله والحمد الله انا بالمكان الصح ، تركت دبي كرمال اهل الاردن الي بحاجة الي هون ، كنت تابع الاخبار وتابع كل شي سياسي عم يصير واطلع احكي على السوشل ميديا على الي عم يصير ومن يوم عن يوم انسمع صوتي مو بس بالاردن بكل الوطن العربي والكل صار عم يحكي بأسمي ، عمري ما رديت حدا عن بابي انا هون لحتى اخد حق كل مظلوم اخترت كون هون لحتى صير مأوى للمحتاجين مساعدتي ،
يا ترا رح انجح بهالشي متل ما نجحت بأنتشار اسمي وصوتي بالوطن العربي ؟ رح انجح على الواقع ؟ كتير اسئلة عم تراودني وجوابها واحد الي هو ( ما بعرف ) .
السائق زيد : الحمد لله على سلامتك ست جوانا نورت البلد
جوانا بأبتسامة : الله يسلمك يا زيد منوره بأهلها هالبلاد
زيد : وين بتحبي نروح على الاوتيل او المكتب ؟
جوانا بحماسها الدائم : خلينا نروح على المكتب لحتى نشوف وين صاروا بالتعديلات ، بتعرف بحب اشرف على كل شي
شغل زيد السيارة : تكرمي ست جوانا ، والله واشتقنالك طولتي الغيبة كتير
جوانا بضحكة : طولت صح ، بس ما حدا بيترك البلد الي انولد وكبر فيها يا زيد ، وهلا جيت وقاعدة على طول هون لحتى قدم كل الي بقدر عليه
زيد : والله يا ست جوانا عملتي اشياء كتير وانتي برا البلد كيف لو رجعتي لحتى تعيشي فيها رح تساعدي عالم كتير ، الله يوقف معك
جوانا : تسلم يا زيد امين
لمتى الحكومة رح اضل هيك ، انا ما بسمح بأتفاقية متل هاي طول ما انا بمجلس النواب و رح احجب الثقة عن الرئيس بكرا ، لانه كل الشعب الاردني ضد اي اتفاقية مع العدو ، انا نائب الزرقا عندي برقبتي فوق المليون ونص بحاسبوني يوميا ، انا النائب محمد جميل كلمتي كلمة حق والكل بعرف مين النائب محمد جميل ، ما رح اوسخ اسمي كرمال اتفاقية مع العدو ما بتسوى اشي ، صرلي بالمجلس فوق التسع سنين والكل بوثق فيني ما رح اخيب ثقة اهلي وناسي بزرقا وبكل محافظات المملكة وهاد اخر كلام عندي .
