ဘုရားစူး!ငါကဗီလိန်ပါဟ ဇာတ်လိုက်မ မဟုတ်ဘူးလို့ [Normal]

Ch 9 (He kiss me!!)

Unicode
.
.
.
.ဒီနေ့ကစိတ်ပျက်စရာကောင်းလှသည့် တနင်္လာနေ့။ဒီနေ့အိမ်ကို လီဗြောင်ထယ်နှင့်လီဂျူဟာတို့ အလည်လာကာ စာလုပ်မည့်နေ့ဖြစ်သည်။ပြီးတော့ ဇာတ်လမ်းအရဆို ယွန်းဟွာက လီဗြောင်ထယ်ကို ကြိုက်နေမှန်း အီထယ် သိသွားသောနေ့လဲဖြစ်သည်။

"ဟင့်...တနင်္လာနေ့ကိုမုန်းလိုက်တာ..."

ကုတင်ပေါ်တွင်ပက်လက်လှန်ကာ ပြောလိုက်မိသောသူမစကား၏နောက်တွင် သူမဘေးမှ စောင်လုံးလေးက လှုပ်တုပ်လှုပ်တုပ်နှင့် သူမဘေးနားကပ်လာကာ ခေါင်းလေးဖော်လာလေသည်။ထိုစောင်လုံးလေးမှာ ဂျီဟျွန်းလေးပင်ဖြစ်သည်။ဂျီဟျွန်းလေးသည် အိပ်စုံမှုံမွှားဖြင့်

"မမ...နိုးနေပြီလား..."

"အွန်း...နိုးပြီကွ...ဟျွန်းလေးရောနိုးပြီပေါ့...ကဲ..လာ မျက်နှာသွားသစ်ကြမယ်..."

ကုန်လွန်ခဲ့သောတစ်ပတ်အတွင်းတွင် ဂျီဟျွန်းလေးသည် သူမကိုလွန်စွာခင်တွယ်လာပြီး အိပ်ချိန်တိုင်းသူမနှင့်သာအတူအိပ်လေ့ရှိသည်။မနက်မိုးလင်းသည်နှင့်ယွန်းဟွာမနိုးသေးဘူးဆိုလျှင် သူ့ကိုယ်လုံးလေးနှင့် ယွန်းဟွာ၏ကိုယ်ပေါ်တက်ခွကာ နှိုးတတ်သည်။(🌚)

ယွန်းဟွာ နိုးနေပြီဆိုလျှင် ဂျီဟျွန်းလေးသည် ယွန်းဟွာ၏ရင်ခွင်ထဲခေါင်းတိုးကာချွဲတတ်သေးသည်။ယွန်းဟွာတစ်ယောက်ကတော့ ချွဲတတ်နေသောဂျီဟျွန်းလေးကြောင့်သူမ၏စိတ်အခြေအနေဟာကောင်းမွန်လျက်ပင်။သူမ၏စိတ်အခြေအနေနှင့်အတူ LSP နှင့် PFB တို့မှာလဲ မြင့်တက်လျက်ရှိသည်။LPဆိုလျှင်လဲ ၄၀ ရာခိုင်နှုန်းအထိ ရောက်လာလေပြီ။သို့သော်ငြား ဒီနေ့ ဟိုနှစ်ကောင်လာမည်ကိုသတိရသွား၍ ဒေါသကထွက်လာပြန်သည်။

ထို့နောက် အိပ်ရာပေါ်မှကုန်းရုန်းထကာ ဂျီဟျွန်းလေးကိုချီ၍ ရေချိုးခန်းထဲတွင် မျက်နှာသစ် သွားတိုက်ရန်လုပ်လေသည်။ဂျီဟျွန်းလေးကို ရေနွေးနွေးလေးစပ်ထားသော ကန်ထဲထည့်ကာ သေချာချိုးပေးပြီးသည်နှင့် သူမလဲရေချိုးမည် ဖြစ်၍ ဂျီဟျွန်းလေးကို အခန်းပြင်သို့ပို့မည်ပြင်ရာ ချက်ချင်းပင် ယွန်းဟွာ၏ခေါင်းထဲတွင်အချက်ပေးသံမြည်လာသည်။