سام و ميار اتخذوا قرار انهم يتزوجو بعد 10ايام على هاديك فقررو يحبطو للبلاد قالو لجوري و ماكس حتى هوما راح بحبطو..
نهار الفواياج:
ناض الكل صباح بكري لي فرحان و لي مستريسي و لي خايف
ماكس دوش و حبط و رفد فاليزتو حطها في الطونوبيل و طلع عند جوري شافها تربط في صباطها : صباح الخير
جوري: يا صباح الحماس كيفاش راك
ماكس: لاباس و انت واجدة؟
جوري: وي نورمالمون منسيت والو الفاليزا واجدة كل الحوايج لي نسحقهم عندي نقدرو نحبطو
رفد ماكس الفاليزا تاعها و حبطو كي وصلو للتحت شافو جوليانا مع جميلة جوليانا: اوهوووو عصافير الحب راكم واجدين هيا اشربو و أجرو راني محمسة باش نروح
ضحكو معاها شربو القهوة و راحو للمطار
ميار لي جاز عليها سام و راحو هوما تاني للمطار تلاقاو و بقاو يستناو في موعد الطيارة تاعهم ..
بعد ساعة من الانتظار لحق الوقت طلعو في الطيارة لي راح دير escale في لالمان ركبت ميار مع سام و ماكس و جوري كيفكيف و جوليانا قدامهم في المقعد الآخر
جوري حاطة راسها على صدر ماكس و يشوفو فيلم سام و ميار يهدرو و يخططو للعرس اما جوليانا فكانت راقدة بعد ساعات وصلو للوجهة الاولى حبطو و راحو لوتال البنات في شمبرة و الرجال في شمبرة طلعو رقدو شوية و حبطو مع العشا تعشاو و راحو يدورو و طلعو يرقدو لانو غدوة عندهم طريق طويلة ...
ناضت جوري هي اللولة دخلت دوشت و خرجت لبست جين مقطع مع باسكات و سويت ابيض مع دودون كحلة خلات شعرها بوكلي و ناضت تشوف الساعة لقاة انو الرحلة مازاللها ساعة و ربع ساعة عيطت عيطة حتى ميار و جوليانا تخلعو : اااااااااااه راح الحال
ميار : وشبيك تسوغيي صباح ربي بلعيه خليني نرقد
جوليانا: جوري يرحم والديك اسكتي
جوري: راح الحال الطيارة على نص ساعة
ميار: يعني ؟
جوري: يعني يا لالا ماكاش فواياج و كي ماكاش فواياج ماكاش العرس
ميار دارت للجهة لوخرة و رمات عليها المخدة باش متسمعش جوري حتى فاقت ناضت تجري: ااااه ماكاش العرس عرسيييي راح الحال جوليانا نوضيييييي ناضت ميار مبلاصتها تجري راحت غسلت و لبست واش كانت لابسة البارح من التفرفيش
جوليانا ناضت و هي تلعن في ميار لي عيطتلها في وذنها
اما جوري بعيطت لماكس مرفدش عرفت انو مازالو راقد خرجت من البيت رايحة لبيتهم طبطبت فور حتى خرجلها ماكس و هو طافي يحك في عينيه : خير يا طير
جوري: واش صرالكم نتوما اليوم واحد مافطن راح الحال
ماكس: شحال قعد الطيارة
جوري: ادا حبيت نص ساعة
ماكس دخل يجري للداخل بلا حتى كلمة معاها غلقت الباب و راحت عند البنات لي كانو قريب يوجدو
ماكس دخل يجري شد سام من رجليه و اووووب جابو في الارض
سام: ****** واش بيك مع الصباح زعاف جوري تخرجو فيا انا !!
ماكس: قعدت نص ساعة على الطيارة
سام: تروح وحدة تجي ختها
ماكس: يروح العرس ميوليش
سام سكت و فجاة فاق : ااااااه العرس ناض بلا ميغسل وجهو جبد سروال و تريكو من الفاليزا لبس صباطو و دهل غسل و خرج : كملت
ماكس: لوكان الخدمة و الله متجري هكا بعد بعد دخل ماكس دوش تمتم و لبس سروال كحل مع تريكو ازرق و مونتو كحل رفدو الفاليزات و تلاقاو التحت مع البنات
سام: ايه ايه هيا راح الحال قعدت واحد20 دقيقة برك
ميار: ايه هياا
جوري: اووه بعقلكم شافت في ساعتها و هدرت بكل ثقة في النفس دوك باش قعدت ساعة الطيارة
ماكس: واش !!......ااه تسما اجرو و قعدت نص ساعة و قاع خرط!
جوليانا : قولي ايه باش نهجم عليك
جوري تخبات مور ماكس: وي لوكان مدرتلكمش هكا متنوضوش
ميار: عملتي مليح عملتي مليح باش نلحق عرسي في اللعب
جوليانا: ماكس بعد و راحت تجري باش تصوطي على جوري
جوري: مامااااا
ماكس: اشششش راكو مبار حبسو حبسهم ماكس و طلعو راحو للمطار استناو واحد 20دقيقة و ركبو كيما كانو في الطيارة اللولة .
VOUS LISEZ
الدكتورة أسيرة الزعيم 🔫👩⚕️
Romanceدكتورة اعصاب و تاجر مخدرات،يلعب القدر لعبته في جمعهما تحت ظروف صعبة و جادة في آن واحد🔥
