لآ مُـسـتَحيـﮯلَ فيـﮯ آلحُب♥

البداية

السلام عليكم ورحمة الله وبركاته

اني كاتبة جديدة تكدرون تكولون مبتدئة لانه فعلا هذه اول رواية لي طبعا اجاني الالهام لكتابة هذه الرواية وغايتي منها هي التسلية والاستمتاع ورسم البهجة على وجوهكم
اتمنى من كل قلبي اذا عجبتكم تدعموني وتساعدوني حتى استمر اكثر لان من خلالكم راح يصيرلي حافز للمواصلة على الكتابة، وشكرا.

#بقلم Umm Al-Sour
(هّهّهّهّ آحب اعيش الدور 😂)
♡♡♡♡♕♕♕♕♡♡♡♡♕♕♕♕♡♡♡♡♕♕

لا مستحيل في الحب

مرحبا احبائي احب اعرفكم نفسي اسمي (خديجة) ويدلعوني خوخة 😊 اعرف اسم شوي غريب وما مطروق يمكن الة برواية بس مو بيدي خالتي الله يرحمها سمتني هذا الاسم لانه بيوم ولادتي صادف ولادة السيدة خديجة بنت خويلد (عليها السلام) وخالتي من النسوان الي مثل منكول دئة ئديمة فحبت انو تسميني هيج المهم عوفوكم من اسمي وخل اعرفكم عن نفسي اكثر

اني طالبة صيدلة مرحلة خامسة يعني الاخيرة وما بقة على تخرجي الا شهور قليلة طولي 160 وشعري اسود ويحتوي على خصل بنية متوسط الطول يمكن يوصل الخصري وعيوني عسلية ووجهي مدور وانف محدد وشفاه ممتلئة واني لا سمينة ولا ضعيفة جسمي وسط محافظة على شكلي 😜
اعيش وي عائلتي البسيطة المتكونة من ابوي الغالي (حازم) والمكنى ابو ريان

وامي الحبيبة (نرجسة) ام ريان

واختي الوكيحا الماتكعد راحة ام لسان الطويل (دينا) ونصيحلهة دعبلة لان هي كصيرة بس مو سمينة لا هي معصعصة جنها عودان حاليا مرحلة اولى كلية تربية قسم اللغة الانكليزية

واخوي الي مزاجة صعب ورافع خشمة وشايف روحة مدري لان حلو لو اعيونة خضر لو بسبب دلال والدتي لو لان شاطر بالمدرسة مادري يا اخي احسة معقد لا يشاقي لا يضحك دايما مغنتب ومدلغم بس شنو من جمال عين الا تضرة هو صف سادس اعدادي شاطر كلش مامعروف بشنو يفكر او شنو يريد يصير بالمستقبل ومن نسألة يكول الله كريم شيجي انعم الله ها يوووو نسيت اكلكم اسمة (ريان) المعقد

طبعن احنا عايشين وحدنا منعزلين وطالعين عن العائلة يعني مثل منكول جدي الله يرحمة متبري من ابوي بسبب زواجة من امي وكسر كلامة لان ابوي وامي من طائفتين مختلفات لذلك ماكان سهل على اهل ابوية انو يتقبلون هذا الشي لكن بعد وفاة جدي حاول ابوي يرجع العلاقة وي عمامي الكبار( عمر و جليل) بس الضاهر الافندية ما كان عاجبهم صح رجعت العلاقة بس مو مثل ما كان ابوية يحلم ويتمنى

عندي ابن عمي الجبير اسمة (ضرغام) فد واحد حلو وكشخة طويل كلش وجسمة عريض صاحب عضلات بارزة وشخصية حلوة بس المشكلة هو عصبي بس احد يستفزة يكب بوجهة هذا عيبة والمشكلة الاكبر حاط عينة علية وكان عمي عمر دائما ينها ويبعدة عني بس هو ماكان يتأثر بحجي عمي وجان دائما يزورنة ويمر بينا واذا اجا فد يوم واني بالدوام ماااايتحرك لو تنكلب الدنيا الا ارجع ويشوفني يابة كوم روح اتحرك شبيك يمعوااااد مااااكو تجي خدوجة اشوفها يلة يعاملني مثل الطفلة احسة يحبني ومدللني ويحاول ايسوي اي شي في سبيل اسعادي