رهف
صار دنية ليل ومنتهى اتاخرت
وابويه يغلي يغلي وحنه ساكتين نخاف لا ينفجر بينه
والله لو طالبه من وحدة من عدنه تروح وياها جان رحنه
بس هية ما حجت
ماحسينه اله مبدله وكالت حروح للطبيب مال اسنان
هديل اختي جانت يمنه جايه اجازتها
وكعادة ابويه يومياً الفراش ينفرش كبال الحديقه بالطرمة ونكعد كلنه يمة نسولف والجاي حاضر الجلسه
وامي تهدي بي تكله على جية اصبر
وهوة يباوع للسما صار خيط الظلام
وكل ساع يفززنه يضرب على فخذ رجله حيل
معلن نفاذ صبرة
حسين وفاطمة كاعدين يمنه ويلعبون ويه الجهال
ومع انتهاء اخر لحظات خيط المغرب
انفتح الباب ودخلت منتهى
الصايه السودة تلمع جديده مشتريته واصرت اله تروح للكاظميه مناك تشتريه لان شافت بالفاتحة وحدة لابسه منه وعجبتها كلش
وهذي من الغرائب الي انتقدوها عليها
الجنطه الجديدة شايلته بايدها بوكس مربعه
الگعب العالي الشفاف ابيض والوجه اسود على كوله امي اسمي ( سكارلوب ) حسب مسميات اهل قبل
الشال اسود حاضن وجهة الابيض المدور الي بدة يسمن اخر فترة
العطر الفواح سابقها
حتى العباه بعد ما لبستها
هية بعد ما انتهت العدة من ثاني يوم اخذت حريتها
ابويه بدون مقدمات هجم عليها بالكلام وبصوت عالي
شساااالفه عمي
ششلون متاخرة الهيج وقت
كالت
شسوي چاا غير عد الطبيب وازدحام وتوة الة خلص
واله طبيب عيادة خاصه شبيه الحكومي وترحيله الصبح لو الة تتاخرين بهيج وكت
شو تعاركني جاا انه بيدي
اعاركج لان انتي مسؤله مني الي يشوفج راجعه هيج وكت شيكول
زلم زلم عليها الاعتماد الهيج وكت متبقه
شني هنوب واحد مايطلع
تطلعين تاخذين وحدة من حمواتج وياج مو وحدج وحته عباه ما لابسه وهذا كعبج الي يطك بالكاااع
وهية بنفاذ صبر عوفيه يحجي وصعدي الغرفتج
بس ابويه ما سكت لان امي ادخلت وكالت اله
كاافي لا تلح مدام رجعت وهوة ظل يصيح
شلون بالله لما تجيبلي مصيبه اله ذيج الساع ندخل مو هية ابيتي وتحت وصايتي
هديل كالت يابه هذا هوة بعد متعيدها
وما حسينا اله منتهى داخله للهول وهية بملابسها فوكهن عباه
وكالت
اني جنت عد الطبيب لا عيب ولا حرام وما مسويه شي هاي اولاً
ثانياً شني تحكمني
كلهااا احكمج مدامج ابيتي
جاوبته
واني طالعة من بيتك
وخلي وطلعي باليل وخلت الوضع يزداد سوء وقبل لا تروح كالت مستفزة ابويه
وحته لا اذب عليه بلوة ترة رايحة البيت عمي
خلتنه صافنين على جرأتها بالمواجها ويه ابويه
معروف عنه عصبي لكن مجرد ما يهدأ ينسه اصل المشكلة
لوما خوفه عليها ما جان هجم هالشكل
أنت تقرأ
الجنة ليست لها
Dragosteالجنه تحت اقدام الامهات وضعها الله سبحانه جزاء للتي تستحقها فهل يا ترى ستكونين ممن يستحقونها فأن كان لكي فيها نصيب فنصيبي منكِ سيطردكِ منها قريباً بقلم قمر الزمان 💋💋
